Awatokua 16:16 - Mbeti ti Nzapa - Tënë so amu fini

¹⁶ Mbeni lâ, so e yeke gue na ndo ti sambelango Nzapa, e tengbi na mbeni molenge-wali so ayeke ngbaa. Lo yeke na mbeni sioni yingo na ya ti lo so ayeke sara si lo yeke fa aye so ayeke si ande na azo. Awa ti lo ayeke wara nginza mingi na lege ti aye so lo yeke fa.

Awatokua 16:16 ပူးပေါင်းရင်းမြစ်များ

2 Agbia 21:6

Lo gbi molenge ti lo ti koli na wâ ti mu na *sandaga; lo gi nda ti aye, lo sara mazi; lo zia azo titene ala hunda yingo ti akuâ si ala fa nda ti aye so ayeke na hondengo ni. Lo kiri lo sara sioni so ague guengo na nduzu ti ke KOTA GBIA, ye so azia ngonzo na be ti lo.

1 Mbai 10:13

Saul akui, ngbanga ti so lo ke *KOTA GBIA. Lo ke ti sara ye alingbi na tënë ti KOTA GBIA; na ndö ni kue, lo gue ti hunda yingo ti mbeni kuâ

Ésaïe 8:19

Ambeni zo ayeke tene: “Ala gue, ahunda yingo ti akuâ nga na azo so ayeke fa ye so ayeke si kekereke, azo ni ayeke huru yanga ti ala si ala yeke tene tënë na gbe ti go ti ala. Mbeni mara alingbi ti gue ti baa anzapa ti lo pepe? Ala lingbi ti tene tënë na akuâ ndali ti azo so ade na fini pepe?” Tongana azo ni atene na ala amara ti tënë tongaso,

Awayango-sandaga 19:31

“Ala gi lege ti hunda yingo ti akuâ pepe wala ti atoro pepe. Tongana ala gue kâ, fade ala yeke ga *sioni. Mbi laa mbi yeke KOTA GBIA, Nzapa ti ala.

Awayango-sandaga 20:27

“Tongana mbeni koli wala mbeni wali ayeke hunda yingo ti akuâ, fade a yeke fâ ala: a yeke bo ala na têne si ala kui. Ngbanga ti mene ti ala ayeke kiri na li ti ala wani.”

Awayango-sandaga 20:6

“Zo so agi lege ti hunda yingo ti akuâ, so ayeke tongana vorongo anzapa nde, fade mbi yeke ga na tere ti lo si mbi yeke tumba lo na popo ti azo ti Israel.

Awatokua 16:13

Na *lango ti wungo tere, e sigigi na ya ti gbata ni, e gue na yanga ti *bale; e baa ti e, e tene, e yeke wara mbeni ndo ti sambelango Nzapa kâ. So e duti awe, e tene tënë na awali so abongbi tere ti ala kâ.

Awatokua 16:18

Lo sara ye ni so na ya ti alango mingi. Ye ni ahon ndoni si be ti Paul aso, lo baa ndo na wali ni si lo tene na yingo ni, lo tene: “Na iri ti Jésus Christ, mbi mu yanga na mo: sigigi na ya ti wali so!” Gi na ndembe ni so, yingo ni asigigi na ya ti lo.

Awatokua 16:19

So awa ti lo abaa lege ti warango nginza ti ala abuba awe, ala gbu Paul na Silas, agboto ala si ague na ala na gbe ti akota zo ti gbata ni, na ndo so azo ayeke bongbi tere ti ala daa.

Awatokua 19:24

Mbeni zo ti lekengo aye na lôro so iri ti lo Demetrius ayeke leke akete da ti nzapa-wali Artemis na wen ti nginza. Tongaso lo yeke futa azo ti kua ni na gba ti nginza.

Galasii 5:20

vorongo anzapa nde, guengo na zo na gbe ti yoro, kengo zo, papa, kota be, ngonzo, gbugburungo tere ti gi na kota ndo, mungo mbage ti mbeni zo, kangbi,

1 Timothée 6:10

Aye ti sioni kue alondo gi na lege ti sarango nzara ti nginza. Nzara ti nginza asara si ambeni zo azia lege ti mabe yongoro si ala tambula kirikiri, ala wani asara pasi na be ti ala mingi si ala duti na siriri pepe.

2 Timothée 3:8

Azo ni so ake taa-tënë gi tongana ti so Yanes na Yambres ake ando tënë ti Moïse. Li ti azo ni so aga kirikiri si mabe ti ala ayeke ye oko pepe.

2 Pierre 2:3

Ndali ti nzara ti nginza, azo so ayeke handa ala ti te ala na lege ti atënë ti mvene. Me ti azo ni, aninga mingi so ngbanga ti ala alondo awe, ngbanga so aga nduru ti ti na ndö ti ala: kpale so ayeke mingo ala ade yongoro pepe.

1 Samuel 28:3

So Samuel akui, azo ti Israel kue atoto kuâ ti lo si ala lu lo na kodro ti lo, na Rama. Kozoni, Saul akanga lege titene azo ti kodro ti lo ague, ahunda yingo ti akuâ wala ti atoro.

1 Samuel 28:7

Saul atene na aturugu ti lo ti kota kamba, atene: “Ala gi na mbi mbeni wali so ayeke hunda yingo ti akuâ titene mbi gue, mbi baa lo.” Aturugu ni atene na lo: “Mbeni wali so ayeke hunda yingo ti akuâ ayeke na kodro ti En-Dor.”