Awatokua 16:15 - Mbeti ti Nzapa - Tënë so amu fini

¹⁵ Na peko ti so lo na azo ti da ti lo awara bateme, lo iri e, lo tene: “Tongana ala baa so mbi ma na be na Kota Gbia biani, ala ga, alango na ya ti da ti mbi.” Lo voro e ngbii si e yeda.

Awatokua 16:15 ပူးပေါင်းရင်းမြစ်များ

Tongo nda ti aye 19:3

Me Lot ague na ala ngangu ngangu ngbii si ala gue na da ti lo. Lo to pendere kobe, lo zö mapa so a sara na mama ni pepe, lo mu na ala si ala te.

Tongo nda ti aye 33:11

Tongaso, ayeke nzoni mo yeda ti mu kadoo so mbi tokua na mo, ngbanga ti so Nzapa laa asara nzoni be na mbi si lo mu na mbi aye so kue alingbi na mbi.” Lo voro Ezau ngbii si Ezau ayeda ti mu aye ni.

2 Agbia 4:8

Mbeni lâ, Élisée ahon na kete gbata ti Shunem. Kâ, mbeni wali ti mosoro ahunda mingi na Élisée ti gue ti te kobe na da ti lo. Ti to nda ni na lango ni so, lakue tongana Élisée ayeke hon na ya ti kodro ni, lo yeke gue ti te kobe na da ti wali ni.

Matthieu 10:41

Zo so ayamba wayanga-Nzapa ndali ti so lo yeke wayanga-Nzapa, fade lo yeke wara nzoni ye so wayanga-Nzapa ayeke wara; zo so ayamba zo ti mbirimbiri ndali ti so lo yeke mbirimbiri, fade lo yeke wara nzoni ye so zo ti mbirimbiri ayeke wara.

Matthieu 3:6

Ala fa asiokpari ti ala na gigi si Jean abatize ala na ya ti ngu ti Jourdain.

Nzoni Tënë so Luc asu na mbeti 14:23

Tongaso makonzi ni atene na zo ti kua ni: ‘Gue na ndö ti alege nga na tere ti agbagba, mo mu azo na ngangu mo ga na ala, tongaso si ya ti da ti mbi asi singo.’

Nzoni Tënë so Luc asu na mbeti 24:29

Me ala gbanzi lo, atene: “Mo ngba na e ge, ngbanga ti so lâ aga nduru ti kui si ndo ato nda ti vuko.” Lo li na ya ti da si lo ngba na ala.

Awatokua 11:14

Fade lo yeke tene mbeni tënë na mo si na lege ti tënë ni so, mo na azo ti sewa ti mo kue ayeke soo kuâ.’

Awatokua 16:31

Ala kiri tënë na lo: “Mo ma na be na *Kota Gbia Jésus si fade mo yeke soo kuâ, mo na azo ti da ti mo kue.”

Awatokua 16:33

Gi na ya ti ngbonga ni so, wabatango da ti kanga ni amu ala si asukula ale ti ka ti ala. Gi na bi ni, lo wara bateme, lo na azo ti sewa ti lo kue.

Awatokua 16:34

Tongaso lo mu Paul na Silas, lo gue na ala na da ti lo si lo mu na ala kobe ti te. Be ti lo na azo ti sewa ti lo kue asi na ngia, ngbanga ti so ala ma na be na Nzapa.

Awatokua 18:8

Krispus, makonzi ti da ti sambelango Nzapa ni ama na be na *Kota Gbia, lo na azo ti sewa ti lo kue. Ambeni zo ti Korente mingi ama tënë so Paul afa, ala ma na be si ala wara bateme.

Awatokua 8:12

Me na peko ti so ala ma na be na Nzoni Tënë ti *Kodro-gbia ti Nzapa so Philippe afa na ala na iri ti Jésus Christ, akoli na awali awara bateme.

Awatokua 8:38

Lo mu yanga titene pusu ti mbarata ni aluti. Philippe na mbaiwa ni, ala use kue azu na ya ti ngu si Philippe abatize lo.

Rome 16:23

Gaius so ayamba mbi na da ti lo abara ala; azo ti *Eglize ayeke bongbi na da ti lo. Eraste, wabatango-nginza ti gbata ni, lo na Kartus, ita ti e, abara ala. [

2 Korente 12:11

Mbi ga tongana zo so mbeni ye asara li ti lo awe! Ala laa asara si mbi ga tongaso. Ala laa alingbi fade ti tene nzoni tënë na ndö ti mbi. Ataa mbi yeke ye pepe, akota kota *watokua ti ala so ahon mbi na ye oko pepe.

2 Korente 5:14

Biani, ndoye ti Christ ahon ndö ti e awe, tongana e dabe ti e na tënë so: zo oko akui ndali ti azo kue, zo ni ayeke Christ, tongaso azo kue laa akui legeoko na lo.

Galasii 6:10

Tongaso, na ya ti ngoi so angba na e, e sara nzoni na azo kue, mbirimbiri na azo so, e na ala e ga sewa oko na lege ti mabe.

Efeze 1:1

Mbi Paul, mbi yeke *watokua ti Jésus Christ na lege so be ti Nzapa aye; mbi tokua mbeti so na azo ti Nzapa so ayeke na gbata ti Efeze, ala so ama na be na Jésus Christ si ala ga oko na lo.

Filipe 1:7

So ayeke na legeni titene be ti mbi angba na ndö ti ala, ngbanga ti so tënë ti ala agbu be ti mbi mingi. Biani, ala kue awara nga aye so Nzapa amu na mbi na lege ti nzoni be ti lo, ataa fadeso mbi yeke na da ti kanga, wala na ngoi so mbi yeke lani na da ti kanga pepe si mbi yeke gbu koko ti Nzoni Tënë titene azo ama na be na ni na be ti ala kue.

Philémon 1:17

Tongaso, tongana mo baa mbi tongana mba ti mo, zo ti kua ti Christ, ayeke nzoni mo yamba lo tongana ti so mo yeke yamba mbi.

Ahebro 13:2

Ala girisa pepe ti yamba agene nzoni. Na lege ti yambango azo, ambeni ayamba *a-ange, me ala hinga pepe atene, so ayeke a-ange.

1 Pierre 5:12

Silas so mbi baa lo tongana ita so mbi lingbi ti zia be ti mbi na ndö ti lo, lo laa lo mu na mbi maboko ti su nduru mbeti so ti tokua ni na ala. Mbi tokua mbeti so na ala ti mu wango na ala, ti fa nga na ala ye so ayeke taa-tënë: taa nzoni be ti Nzapa laa ala ngba daa so.

2 Jean 1:10

Tongana mbeni zo asi na ala si lo fa mbeni tënë nde, ala yamba lo na da ti ala pepe, ala tene nga na lo pepe: “Nzoni gango!”

3 Jean 1:5

Ita ti mbi so mbi ye mo mingi, mo yeke sara ye alingbi na mabe ti mo tongana mo yeke mu maboko na a-ita, ataa so mo hinga le ti ala kozoni pepe.

3 Jean 1:8

Tongaso, alingbi e mu maboko na azo tongaso si e na ala kue, e sara kua maboko na maboko ndali ti taa-tënë.

1 Samuel 28:23

Saul ake atene: “Mbi yeke te ye pepe.” Me azo ti kua ti lo na wali ni aso li ti lo si lo ma tënë ti ala. Lo londo na sese si lo duti na ndö ti gbogbo.