Awatokua 16:14 - Mbeti ti Nzapa - Tënë so amu fini

¹⁴ Mbeni wali ti gbata ti Tiatire so iri ti lo Lydie ayeke kâ; kua ti lo ayeke ti kango abengba bongo so ngere ni ayeke ngangu mingi. Lo yeke mbeni wali so lo yeke voro Nzapa kozoni; lo yeke ma tënë ti e, ngbanga ti so *Kota Gbia azi be ti lo ti ma atënë ti Paul.

Awatokua 16:14 ပူးပေါင်းရင်းမြစ်များ

Abia (Psaumes) 110:3

Na lango so mo bongbi aturugu ti mo ti gue na bira, azo ti mo, na be ti ala wani, amu peko ti mo. Na ndö ti ahoto so ayeke nde si ayeke nzoni kue, amaseka ayeke ga na mbage ti mo; ala kpa ngu ti pere ti kota ndaperere.

B. ti abia 5:4

Kamba ti be ti mbi ayoro maboko ti lo na du ti yanga ti da, be ti mbi ado ndali ti lo.

Ésaïe 50:5

Kota Gbia NZAPA azi mê ti mbi, mbi sara ngangu li pepe, mbi kiri na peko pepe.

Nzoni Tënë so Luc asu na mbeti 24:45

Tongaso lo sara si hingango ndo ti ala azi ti hinga nda ti Mbeti ti Nzapa.

Jean 12:20

Ambeni greke ayeke na popo ti azo so ague ti voro Nzapa na matanga so ayeke na Jérusalem.

Awatokua 10:2

Lo gbu tënë ti Nzapa mingi si lo yeke kpe mbeto ti Nzapa, lo na asewa ti lo kue. Lo yeke mu aye mingi na azo ti mawa so ayeke na popo ti azuife si lo yeke sambela Nzapa lakue.

Awatokua 11:21

Ngangu ti Kota Gbia ayeke na ala, nilaa azo mingi ama na be si ala kiri na mbage ti Kota Gbia.

Awatokua 13:43

So azo akangbi na peko ti bongbi ni awe, azuife mingi na ambeni zo ti amara nde so ayeke bata ndia ti Moïse amu peko ti Paul na Barnabas. Paul na Barnabas ayeke tene tënë na azo ni si ala yeke mu wango na ala titene ala ngba lakue ti zia be ti ala na ndö ti nzoni be ti Nzapa.

Awatokua 13:50

Me azuife apusu awali so ayeke na kota ndo si ala yeke voro Nzapa, ala na akota zo ti gbata ni titene ala sara ngangu na Paul na Barnabas si atumba ala na sese ti ala.

Awatokua 16:40

Paul na Silas asigigi na da ti kanga si ala gue na da ti Lydie. Ala baa a-ita, azo ti Christ ti mu na ala wango so alingbi ti mu ngangu na be ti ala; na pekoni, ala zia ala, amu lege ague.

Awatokua 18:7

Tongaso lo zia ala si lo gue, lo lango na da ti mbeni zo ti mara nde so iri ti lo ayeke Titius Yustus. Lo yeke mbeni zo so lo yeke voro Nzapa; da ti lo agbu tere na da ti sambelango Nzapa.

Awatokua 8:27

Lo londo hio si lo gue. Andaa mbeni *mbaiwa ti Etiopii so ayeke kota wabatango-mosoro ti Kandas, gbia-wali ti Etiopii, ague na Jérusalem ti voro Nzapa.

Rome 9:16

Nzapa ayeke sara nzoni be na zo ndali ti ye so zo ni wani aye pepe wala ndali ti ngangu so zo ni ayeke sara pepe, me Nzapa ayeke sara nzoni be na zo ndali ti so lo baa mawa ti lo.

Filipe 2:13

Biani, Nzapa laa ayeke zia nzara ti sarango ye na be ti ala si lo yeke mu na ala lege ti sarango ni alingbi na ye so lo leke na be ti lo.

Aye so Nzapa afa 1:11

Go ni atene: “Ye so mo yeke baa so, mo su tënë ni na ya ti buku, mo tokua ni na *a-Eglize mbarambara so: Eglize ti Efeze, ti Simirne, ti Pergame, ti Tiatire, ti Sarde, ti Filadelfii na ti Laodise.”

Aye so Nzapa afa 3:20

Baa, mbi yeke luti na yanga ti da si mbi yeke pika ni. Zo so ama go ti mbi si lo zi yanga ti da ni, fade mbi yeke li na ya ti da ti lo si mbi na lo, e yeke te kobe.

Aye so Nzapa afa 3:7

“Su mbeti so, mo tokua na *ange so ayeke na li ti *Eglize ti gbata ti Filadelfii: “Lo so lo yeke nde si lo yeke nzoni kue, lo so lo yeke tene gi taa-tënë, lo so lo yeke na kerere ti David na maboko ti lo, lo laa lo yeke tene tënë so. Tongana lo zi yanga ti da, mbeni zo alingbi ti kanga ni pepe; tongana lo kanga ni, mbeni zo alingbi ti zi ni pepe.