Awatokua 16:1 - Mbeti ti Nzapa - Tënë so amu fini

¹ Paul asi na gbata ti Derbe nga na Listre. Mbeni disiple so iri ti lo Timothée ayeke kâ; mama ti lo ayeke mbeni zuife so ama na be, me babâ ti lo ayeke greke.

Awatokua 16:1 ပူးပေါင်းရင်းမြစ်များ

Esdras 9:2

Azo ti Israel amu amolenge ti amara ni so ti ga awali ti ala; ala mu nga amolenge ti amara ni so na amolenge ti ala ti koli ti ga awali ti ala. Nilaa azo so Nzapa azia ala nde ndali ti lo abongbi na azo ti kodro ni si ala ga oko. Amakonzi na akota zo ayeke akozo zo ti sara mara ti asioni ye mingi tongaso.”

Awatokua 14:1

So Paul na Barnabas asi na Ikoniom, ye so asi na Antioshe, gi ni laa asi kâ: ala li na ya ti da ti sambelango Nzapa ti azuife, ala fa tënë si gba ti azuife na azo ti amara nde ama na be.

Awatokua 14:21

Paul na Barnabas afa Nzoni Tënë na gbata ti Derbe si azo mingi aga adisiple. Na pekoni, ala kiri na Listre, Ikoniom nga na Antioshe, na sese ti Pisidii.

Awatokua 14:6

So awatokua ni ahinga tënë ni, ala kpe ague na mbage ti Listre na Derbe, agbata ti sese ti Likaonii, nga na akodro so ayeke na tere ni.

Awatokua 17:14

Tongaso a-ita, azo ti Christ, azia Paul na lege hio titene lo gue na yanga ti kota ngu-ingo; me Silas na Timothée angba ti ala na Bere.

Awatokua 18:5

So Silas na Timothée alondo na Masedoane asi awe, Paul amu ngoi ti lo kue ti fa tënë ti Nzapa; lo yeke fa na azuife atene, Jésus ayeke *Mesii biani.

Awatokua 19:22

Tongaso lo tokua na Masedoane Timothée na Eraste, ala so ayeke mu maboko na lo, me lo ngba ti lo kete na sese ti Azii.

Rome 16:21

Timothée, mba ti mbi so mbi na lo, e yeke sara kua abara ala. Lusius, Yason na Sosipater, azo ti sewa ti mbi nga abara ala.

1 Korente 16:10

Tongana Timothée asi na ala kâ, ayeke nzoni ala sara titene lo duti na popo ti ala na mbeto pepe, ngbanga ti so lo yeke sara nga kua ti Kota Gbia tongana mbi.

1 Korente 4:17

Ndali ti tënë so, mbi tokua Timothée na ala, molenge ti mbi so mbi ye lo mingi, lo ngba lakue ti mu lege ti Kota Gbia. Fade lo yeke dabe ti ala na lege so mbi mu peko ti Christ na peko ti so mbi ga oko na lo; lo yeke dabe ti ala na aye so mbi yeke fa ni na ndo kue, na ya ti *a-Eglize kue.

1 Korente 7:14

Biani, koli so ama na be pepe aga nduru na Nzapa na lege ti wali ti lo si wali so ama na be pepe aga nduru na Nzapa na lege ti koli ti lo. Tongana ye ni ayeke tongaso pepe, ka amolenge ti ala ayeke yongoro na Nzapa; andaa amolenge ni ayeke nduru na lo.

2 Korente 1:1

Mbi Paul, mbi yeke *watokua ti Jésus Christ na lege so be ti Nzapa aye. Mbi na ita Timothée laa e tokua mbeti so. E tokua mbeti ni na *Eglize ti Nzapa so ayeke na gbata ti Korente nga na azo ti Nzapa so ayeke na sese ti Akayi kue.

2 Korente 1:19

Jésus Christ, Molenge ti Nzapa, so mbi, Silas na Timothée, e fa tënë ti lo na popo ti ala, lo ga ti tene “een” si na mbage lo tene “ên-en” pepe; me tënë ti lo ayeke gi “een”.

Filipe 1:1

Mbi Paul, mbi na Timothée, so e yeke azo ti kua ti Jésus Christ laa e tokua mbeti so na azo ti Nzapa so aga oko na Jésus Christ si ala yeke na gbata ti Filipe. E tokua nga mbeti so na azo so ayeke na li ti *Eglize, ala na *adiakre.

Filipe 2:19

Mbi zia be ti mbi na ndö ti *Kota Gbia Jésus titene lo mu na mbi lege ti tokua Timothée na ala na ya ti alango so ayeke ga. Tongaso, na lege ti asango ti ala so mbi yeke ma na yanga ti lo, be ti mbi awara ngangu.

Kolose 1:1

Mbi Paul, mbi yeke *watokua ti Jésus Christ na lege ti so be ti Nzapa aye, mbi na ita Timothée

1 Tesalonike 1:1

Mbi Paul, mbi na Silas na Timothée laa e tokua mbeti so na azo ti *Eglize so ayeke na gbata ti Tesalonike. Ala yeke azo ti Nzapa Babâ na ti *Kota Gbia Jésus Christ. Ayeke nzoni Nzapa asara nzoni be na ala si lo mu na ala siriri!

1 Tesalonike 3:2

Nilaa e tokua ita ti e Timothée na ala; lo na Nzapa laa ayeke sara kua ti fa Nzoni Tënë ti Christ. E tokua lo na ala ti sara si ala kpengba, ti mu wango na ala si ala gbu ngangu na lege ti mabe ti ala.

1 Tesalonike 3:6

Me fadeso, Timothée alondo na ndo ti ala kâ, lo kiri na e awe. Lo tene na e nzoni tënë na ndö ti mabe ti ala nga na ndö ti ndoye ti ala. Lo tene nga na e, lo tene, ala yeke dabe ti ala na e lakue si ala yeke na nzara ti kiri ti baa e tongana ti so e nga, e yeke na nzara ti kiri ti baa ala.

2 Tesalonike 1:1

Mbi Paul, mbi na Silas na Timothée si e tokua mbeti so na azo ti *Eglize so ayeke na gbata ti Tesalonike. Ala yeke azo ti Nzapa Babâ ti e na ti *Kota Gbia Jésus Christ.

1 Timothée 1:18

Timothée, molenge ti mbi, aye so mbi fa, mbi zia na maboko ti mo, alingbi na atënë ti peko ti yanga ti Nzapa so azo atene na ndö ti mo. Ayeke nzoni mo luti na ndö ti atënë ni ti tiri nzoni bira na legeni;

1 Timothée 1:2

Mbi tokua mbeti so na mo Timothée so mo yeke taa molenge ti mbi na lege ti mabe. Ayeke nzoni Nzapa Babâ na *Kota Gbia ti e Jésus Christ asara nzoni be na mo, abaa mawa ti mo si amu na mo siriri!

2 Timothée 1:2

Mbi tokua mbeti so na mo Timothée, molenge ti mbi so mbi ye mo mingi. Ayeke nzoni Nzapa Babâ na *Kota Gbia ti e Jésus Christ asara nzoni be na mo, abaa mawa ti mo si amu na mo siriri!

2 Timothée 1:5

Mbi dabe ti mbi na taa mabe so mo yeke na ni. Gi mabe so Lois, ata ti mo ti wali, lo na Enis, mama ti mo ayeke na ni kozoni laa. Mbi hinga so gi mabe ni so laa mo yeke na ni.

2 Timothée 3:11

nga na aye ti ngangu so ando asi na mbi. Mbi baa pasi mingi na Antioshe, na Ikoniom, na Listre. Aye ti ngangu ti nyen laa asi na mbi pepe? Me *Kota Gbia azi mbi na ya ni kue.

Philémon 1:1

Mbi Paul, so mbi yeke na da ti kanga ndali ti Jésus Christ, mbi na ita ti e Timothée laa e tokua mbeti so na mo Philémon, mba ti e, zo ti kua so e ye mo mingi.

Ahebro 13:23

Ayeke nzoni ala hinga so, ita ti e Timothée asigigi na da ti kanga awe. Tongana lo si na mbi ge hio, fade mbi na lo, e yeke gue ti baa ala.