Awatokua 15:7 - Mbeti ti Nzapa - Tënë so amu fini

⁷ So tënë ni aga ngangu na popo ti ala, Pierre alondo si lo tene: “A-ita ti mbi, ala hinga so, ngbene ye na ya ti akozo lango, Nzapa asoro mbi na popo ti ala ti fa Nzoni Tënë na azo ti amara nde titene ala ma ni si ala ma na be.

Awatokua 15:7 ပူးပေါင်းရင်းမြစ်များ

Sigingo 4:12

Fadeso, mo gue! Fade mbi yeke na mo tongana mo yeke tene tënë; mbi yeke fa na mo tënë so mo lingbi ti tene.”

Jérémie 1:9

Na pekoni, KOTA GBIA ayoro maboko ti lo, lo ndu yanga ti mbi si lo tene: “Baa, mbi zia tënë ti mbi na yanga ti mo.

Jean 15:16

Ala laa asoro mbi pepe, me mbi laa mbi soro ala; mbi zia ala titene ala gue ti le mingi si lengo ti ala angba lakue. Tongaso, fade Babâ ayeke mu na ala ye so kue ala hunda na lo na iri ti mbi.

Jean 3:27

Jean akiri tënë na ala: “Tongana Nzapa amu ye na zo pepe, zo ni alingbi ti wara ni pepe.

Awatokua 1:16

“A-ita, ye so Yingo-Vuru atene tënë ni na ya ti Mbeti ti Nzapa so, ayeke nzoni ye ni asi alingbi na ni. Yingo-Vuru atene tënë na ndö ti Judas na lege ti David; Judas so aga zo ti fango lege na azo ti gbungo Jésus so.

Awatokua 1:24

Na pekoni, ala sambela Nzapa, atene: “Kota Gbia, mo hinga be ti azo kue. Tongaso, na popo ti azo use so, fa na e zo wa laa mo soro lo

Awatokua 10:19

Pierre angba ti gbu li ti lo na nda ti ye so lo baa so, Yingo atene na lo: “Baa, akoli ota ayeke ge, ala yeke gi mo.

Awatokua 10:20

Londo hio, mo zu, mo gi be ti mo pepe! Mo na ala ague, ngbanga ti so mbi laa mbi tokua ala.”

Awatokua 13:2

Mbeni lâ, so ala bongbi ti voro *Kota Gbia si ala ke kobe ti sambela, Yingo-Vuru atene na ala: “Ala zia Barnabas na Saul nde ndali ti mbi titene ala sara kua so mbi iri ala ndali ni.”

Awatokua 15:14

Simon afa na e fafadeso lege so Nzapa aleke na be ti lo kozoni ti soro ambeni zo na popo ti amara nde ti ga azo ti lo.

Awatokua 15:2

Paul na Barnabas ake tënë ti azo ni si papa alondo na popo ti ala ngangu mingi. Tongaso azo ti *Eglize ni abaa so, ayeke nzoni titene Paul na Barnabas na ambeni zo ague na Jérusalem ti baa *awatokua na *akangba ndali ti tënë ni.

Awatokua 15:39

Tënë ni aga ngangu na popo ti ala, asara si ala kangbi. Barnabas amu Marc na tere ti lo si lo mu mangboko ti gue na Shipre.

Awatokua 20:24

Me mbi baa so fini ti mbi ayeke senge ye na le ti mbi. Ye so mbi yeke gi lege ni, ayeke ti hunzi kua ti mbi, ti sara ye so kue Kota Gbia Jésus amu na mbi ti sara, so ti tene kua ti fango Nzoni Tënë ti nzoni be ti Nzapa na azo.

Awatokua 21:16

Ambeni disiple ti Sezare azia e na lege. Ala gue na e na ndo ti mbeni zo so iri ti lo Manason titene e lango na da ti lo; lo yeke zo ti Shipre si lo ga disiple aninga awe.

Awatokua 3:18

Na lege so laa Nzapa asara ye alingbi na tënë so lo zia ando na yanga ti awayanga ti lo si ala tene. Lo tene: fade *Mesii ayeke baa pasi.

Awatokua 4:25

Na lege ti Yingo-Vuru, mo zia tënë ti mo na yanga ti kotara ti e David, zo ti kua ti mo si lo tene: ‘Ngbanga ti nyen si amara nde ayeke sara wusuwusu so? Ngbanga ti nyen si azo ti amara ayeke leke tënë na popo ti ala senge senge so?

Awatokua 9:15

Me Kota Gbia atene na lo: “Gue, ngbanga ti so mbi soro koli so ti sara kua ti mbi, ti sara si amara nde, na agbia na azo ti Israel ahinga iri ti mbi.

Filipe 2:14

Aye so kue ala yeke sara, ala sara ni na dikongo tënë na gbe ti go ti ala pepe wala na papa pepe.