Awatokua 15:39 - Mbeti ti Nzapa - Tënë so amu fini

³⁹ Tënë ni aga ngangu na popo ti ala, asara si ala kangbi. Barnabas amu Marc na tere ti lo si lo mu mangboko ti gue na Shipre.

Awatokua 15:39 ပူးပေါင်းရင်းမြစ်များ

Abia (Psaumes) 106:33

ala sara si be ti lo aso mingi si lo tene tënë, lo gbu li ti lo pepe.

Abia (Psaumes) 119:96

Aye so kue ayeke nzoni, mbi baa so nzoni ni ayeke gue ngbii ahunzi, me atënë ti ndia ti mo ayeke si na ndani pepe.

Zo ti bongbingo azo 7:20

Biani, na ndö ti sese so, mbeni zo ti mbirimbiri oko ayeke daa pepe, so lo yeke sara gi nzoni si lo sara siokpari pepe.

Awatokua 11:20

Ti ambeni so ayeke azo ti Shipre na ti Sirene, ala gue na Antioshe si ala fa nga na agreke Nzoni Tënë ti *Kota Gbia Jésus.

Awatokua 12:12

So lo hinga nda ti ye ni awe, lo gue na da ti Marie, mama ti Jean so mbeni iri ti lo ayeke Marc. Azo mingi abongbi kâ si ala yeke sambela.

Awatokua 15:2

Paul na Barnabas ake tënë ti azo ni si papa alondo na popo ti ala ngangu mingi. Tongaso azo ti *Eglize ni abaa so, ayeke nzoni titene Paul na Barnabas na ambeni zo ague na Jérusalem ti baa *awatokua na *akangba ndali ti tënë ni.

Awatokua 15:37

Barnabas aye titene ala mu Jean, so mbeni iri ti lo ayeke Marc na tere ti ala,

Awatokua 27:4

E londo na ndo so, e mu le ti ngu na mbage ti zoa ti Shipre so pupu ayeke ya daa pepe; e hon kâ ti kpe pupu so ayeke ga na ngangu na mbage ti e.

Awatokua 4:36

Mbeni koli ayeke daa so iri ti lo Joseph, awatokua airi lo Barnabas – nda ni atene “wamungo-wango” –, lo yeke mbeni zo ti mara ti Lévi si a du lo na Shipre.

Awatokua 6:1

Na ya ti alango ni so, wungo ti adisiple ayeke gue na nduzu. Azuife so ayeke tene yanga ti greke ayeke pa ala so ayeke tene yanga ti hebro, ngbanga ti so azuife so ayeke tene yanga ti hebro ayeke girisa awali-mua ti azuife so atene yanga ti greke na ndembe ti kangbingo ye ti lango oko oko.

Kolose 4:10

Aristarke so mbi na lo, e yeke na da ti kanga abara ala. Marc, sewa ti Barnabas abara nga ala. A mu lani yanga na ala ndali ti lo atene, tongana lo si na ndo ti ala, ala yamba lo nzoni.

Jacques 3:2

E kue, e yeke girisa lege fani mingi. Tongana mbeni zo agirisa lege na ya ti tenengo tënë ti lo pepe, andaa lo yeke zo ti nzoni kue, lo lingbi ti kanga tere ti lo kue.

1 Pierre 5:13

*Eglize ti gbata ti Babilone so Nzapa asoro ni tongana ti ala, a-ita, abara ala. Molenge ti mbi Marc abara nga ala.