Awatokua 15:36 - Mbeti ti Nzapa - Tënë so amu fini

³⁶ Aninga kete na pekoni, Paul atene na Barnabas: “E kiri, e baa a-ita so ayeke na ya ti agbata so kue e fa tënë ti *Kota Gbia daa kozoni so; e baa dutingo ti ala kâ ayeke tongana nyen.”

Awatokua 15:36 ပူးပေါင်းရင်းမြစ်များ

Esther 2:11

Mardochée ayeke tambula lakue, lo si kâ, lo si ge na yanga ti gbagba ni titene lo hinga tënë na ndö ti dutingo ti Esther nga na ndö ti ye so ayeke si na lo.

Sigingo 4:18

Moïse ague na mbage ti kogara ti lo Zetro si atene na lo: “Mbi gbu gere ti mo, mbi ye ti kiri na tere ti a-ita ti mbi na sese ti Ezipte, ti baa wala ala ngba na fini.” Zetro ayeda si atene na lo: “Gue nzoni!”

Jérémie 23:2

Ndani laa, tënë so KOTA GBIA, Nzapa ti Israel atene ndali ti awabatango-taba ni ayeke so; so ti tene ala so ayeke bata azo ti mbi so: “Ala zia ataba ti mbi akangbi kirikiri awe, ala tumba ataba ni, ala baa lege ti ala pepe. Ti mbi, mbi yeke baa lege ti ala, awabatango-taba ni, ndali ti asioni sarango ye ti ala; so tënë ti yanga ti KOTA GBIA laa.

Matthieu 25:36

tere ti mbi ayeke senge, ala yu bongo na mbi; tere ti mbi aso, ala ga abaa mbi; mbi yeke na da ti kanga, ala ga abaa mbi.’

Matthieu 25:43

mbi yeke wande, ala yamba mbi na ndo ti ala pepe; tere ti mbi ayeke senge, ala yu na mbi bongo pepe; tere ti mbi aso si mbi yeke na da ti kanga, ala gue, abaa mbi pepe.’

Awatokua 13:12

So govoronere ni abaa ye so asi, lo ma na be. Biani, tënë ti Kota Gbia so lo ma agbu be ti lo mingi.

Awatokua 13:4

Tongaso Yingo-Vuru atokua Barnabas na Saul si ala gue na Selesii. Kâ, ala mu mangboko ti gue na zoa ti Shipre.

Awatokua 13:51

Tongaso *awatokua apika sese ti gbe ti gere ti ala na azo ni, na pekoni, ala hon ti gue na Ikoniom.

Awatokua 14:1

So Paul na Barnabas asi na Ikoniom, ye so asi na Antioshe, gi ni laa asi kâ: ala li na ya ti da ti sambelango Nzapa ti azuife, ala fa tënë si gba ti azuife na azo ti amara nde ama na be.

Awatokua 14:21

Paul na Barnabas afa Nzoni Tënë na gbata ti Derbe si azo mingi aga adisiple. Na pekoni, ala kiri na Listre, Ikoniom nga na Antioshe, na sese ti Pisidii.

Awatokua 14:6

So awatokua ni ahinga tënë ni, ala kpe ague na mbage ti Listre na Derbe, agbata ti sese ti Likaonii, nga na akodro so ayeke na tere ni.

Awatokua 7:23

So ngu ti Moïse alingbi baleosio awe, lo leke na be ti lo ti gue ti baa a-ita ti lo, azo ti Israel.

Rome 1:11

Biani, nzara ti bango ala agbu mbi mingi si mbi lingbi ti kangbi na ala matabisi so aga na lege ti Yingo-Vuru, tongaso si ala kpengba.

2 Korente 11:28

Mbi lingbi ti diko tanga ti aye ni kue pepe. Tënë so agbu be ti mbi si mbi yeke gi be ti mbi na ndö ni bi na lâ, ayeke tënë ti *a-Eglize kue.

Filipe 1:27

Gi ye oko, ayeke nzoni lege ti dutingo ti ala alingbi na ti so Nzoni Tënë ti Christ afa. Tongaso, ataa mbi ga, mbi baa ala, ataa mbi ga pepe, me mbi ma atënë ti ala, fade mbi yeke hinga, mbi tene, ala ngba ti luti nganganga, tënë ti be ti ala kue ayeke gi oko si ala bongbi oko ti tiri ndali ti mabe so aga na lege ti Nzoni Tënë.

1 Tesalonike 3:6

Me fadeso, Timothée alondo na ndo ti ala kâ, lo kiri na e awe. Lo tene na e nzoni tënë na ndö ti mabe ti ala nga na ndö ti ndoye ti ala. Lo tene nga na e, lo tene, ala yeke dabe ti ala na e lakue si ala yeke na nzara ti kiri ti baa e tongana ti so e nga, e yeke na nzara ti kiri ti baa ala.

2 Timothée 1:4

Tongana mbi yeke dabe ti mbi na ngu ti le ti mo so ayuru, mbi yeke na nzara ti kiri ti baa mo si be ti mbi asi singo na ngia.