Awatokua 15:29 - Mbeti ti Nzapa - Tënë so amu fini

²⁹ nyama so azo aya na *sandaga na anzapa nde, ala te ni pepe; ala te mene pepe, anyama so azo apete go ti ala petengo si ala kui so, ala te nga ni pepe; ala gi wali wala koli kirikiri pepe. Tongana ala zia lege ti sarango aye so kue, so ayeke nzoni! E bara ala.”

Awatokua 15:29 ပူးပေါင်းရင်းမြစ်များ

Tongo nda ti aye 9:4

Me gi ye oko: nyama so mene angba na ya ti tere ti lo, ala te lo pepe, ndali ti so fini ayeke na ya ti mene ti lo.

Awayango-sandaga 17:14

Biani, tongana mbeni ye ayeke na fini, fini ti lo ayeke na ya ti mene ti lo. Ndani laa KOTA GBIA atene na azo ti Israel: ‘Ye so kue ayeke na fini, fade ala yeke te mene ni pepe, ngbanga ti so fini ti ye ni ayeke na ya ti mene ti lo. Zo so ate mene ni, fade a yeke tumba lo na popo ti azo ti Israel.’

Nzoni Tënë so Luc asu na mbeti 9:61

Mbeni akiri atene na lo: “Fade mbi yeke mu peko ti mo, me mo zia mbi gue, mbi bara asewa ti mbi si.”

Awatokua 15:20

Ayeke nzoni e su mbeti, e tokua na ala titene kobe so aga *sioni na lege so a ya ni na *sandaga na anzapa nde, ala te ni pepe, ala gi wali wala koli kirikiri pepe; nyama so azo apete go ti lo petengo si lo kui so, ala te ni pepe, ala te nga mene pepe.

Awatokua 18:21

So lo zia ala ti hon, lo tene na ala: “Tongana Nzapa aye, fade mbi yeke kiri ti ga ge na ndo ti ala.” Tongaso lo mu mangboko na Efeze si lo gue.

Awatokua 21:25

Ti azo so ayeke azo ti amara nde si ala ma na be so, e tokua mbeti na ala awe. E fa na ala tënë so e leke: nyama so a ya na *sandaga na anzapa nde, ala te ni pepe, ala te mene pepe; anyama so a pete go ti ala petengo si ala kui so, ala te ni pepe, ala gi wali wala koli kirikiri pepe.”

Awatokua 23:30

Me so mbi ma a tene, ambeni zuife ayeke leke tënë ti fâ lo, mbi tokua lo na mo. Mbi hunda na azo ti bingo tënë na li ti lo ti gue na tënë ti lo na gbe ti mo.”

2 Korente 11:9

Na ngoi so mbi yeke lani na popo ti ala kâ, tongana mbeni ye atia mbi, mbi te ye ti mbeni zo senge senge pepe. A-ita so alondo na Masedoane si aga, ala mu na mbi aye so kue alingbi na mbi. Na ya ti aye kue, mbi bata tere ti mbi titene mbi ga tongana kungba na ndö ti zo oko pepe, mbi yeke ngba ti bata tere ti mbi lakue tongaso.

2 Korente 13:11

Ti hunzi na ni, a-ita, ala duti na ngia! Ala gi lege ti ga nzoni kue, ala mu wango ti kpengba na amba ti ala, ala ma tere na popo ti ala, ala duti na siriri si Nzapa so aye zo si ayeke mu siriri na zo, fade lo yeke duti na ala.

Ndia ti fani use ni 12:16

Me alingbi ala te mene ti nyama ni pepe. Fade ala yeke tuku ni na sese tongana ngu.

1 Timothée 5:22

Mo zia maboko ti mo hio na li ti mbeni zo pepe, mo sara beoko na siokpari ti mbeni zo pepe; me mo bata be ti mo na vurungo ni.

Jacques 1:27

Mbirimbiri vorongo Nzapa so sioni ye oko ayeke daa pepe, ayeke mungo maboko na anyindu nga na awali-mua so ayeke baa pasi; mbirimbiri vorongo Nzapa ayeke nga ti ke sarango aye ti potopoto ti dunia so.

1 Jean 5:21

Amolenge ti mbi, ala sara hange! Ala mu peko ti ayanda pepe!

Jude 1:24

Nzapa so alingbi ti bata ala si ala ti pepe, lo lingbi ti sara si ala ga nzoni kue, ala si na gbe ti gonda ti lo na ngia.

Aye so Nzapa afa 2:14

Me ambeni ye so mbi ke na mo ayeke so: na ndo ti mo, ambeni zo ayeke daa so ayeke mu peko ti Balaam na lege ti fango tënë ti lo. Ando Balaam amu wango na Balak titene lo handa azo ti Israel ti te anyama so a mu na *sandaga na anzapa nde si ala sara nga aye ti ndumba.

Aye so Nzapa afa 2:20

Me ye so mbi ke na mo ayeke so: mo zia lege na Yezabel, wali so, ti sara si azo ti kua ti mbi agirisa lege. Lo yeke tene na azo atene, ni yeke wayanga-Nzapa, lo yeke fa lege na azo ti mbi ti sara aye ti ndumba si ala yeke te akobe so a mu na *sandaga na ayanda.