Awatokua 15:28 - Mbeti ti Nzapa - Tënë so amu fini

²⁸ Biani, Yingo-Vuru nga na e wani, e ye ti zia mbeni nengo kungba na ndö ti ala pepe, gi kota ye oko:

Awatokua 15:28 ပူးပေါင်းရင်းမြစ်များ

Matthieu 11:30

Biani, zuge ti mbi ayapu ti yongo ni, kungba ti mbi ane pepe.”

Matthieu 23:4

Ala kanga nengo kungba si ala zia ni na li ti azo; me ala wani, ala ye ti ndu kungba ni na maboko ti ala kete pepe.

Jean 16:13

Tongana Yingo ti taa-tënë aga ande, lo yeke fa na ala taa-tënë kue. Lo yeke fa gi tënë ti be ti lo pepe, me lo yeke fa na ala ye so lo yeke ma; lo yeke fa nga na ala tënë ti aye so ayeke si.

Awatokua 15:19

“Ndani laa, ti be ti mbi, azo ti amara nde so amu peko ti Nzapa, ayeke nzoni e kanga lege na ala pepe.

Awatokua 15:25

Ndani laa e kue, e ma tere ti soro ambeni zo ti tokua ala na Antioshe. Azo ni ayeke gue legeoko na Barnabas na Paul, a-ita ti e so e ye ala mingi.

Awatokua 15:8

Nzapa so ahinga be ti zo afa atene, lo ye azo ti amara nde; lo fa ni na lege so lo mu Yingo-Vuru na ala gi tongana ti so lo mu ni na e.

Awatokua 16:4

Na ya ti agbata so kue ala yeke hon daa, Paul na Silas ayeke fa na azo ti Christ peko ti atënë so *awatokua na *akangba ti Jérusalem aleke ni; ala hunda na azo ni ti sara ye alingbi na ni.

Awatokua 5:32

E yeke tene tënë ti aye so e baa na le ti e, e na Yingo-Vuru so Nzapa amu lo na azo so ama yanga ti lo.”

1 Korente 14:37

Tongana mbeni zo abaa atene, ni yeke wayanga-Nzapa wala zo so Yingo ti Nzapa ayeke na ya ti lo, alingbi lo hinga lo tene, tënë so mbi yeke su na mbeti ti tokua na ala so, ayeke tënë ti yanga ti *Kota Gbia.

1 Korente 7:25

Ti ala so ade ti mu koli wala wali pepe, *Kota Gbia amu na mbi yanga na ndö ti ala pepe; me mbi yeke fa tënë ti be ti mbi tongana ti zo so ala lingbi ti zia be ti ala na ndö ti tënë ti lo, ngbanga ti so Kota Gbia asara nzoni be na mbi.

1 Korente 7:40

Me ti be ti mbi, tongana wali ni aduti gi lo oko, fade lo yeke duti na ngia mingi. Mbi nga, mbi hinga, mbi tene, mbi yeke na Yingo ti Nzapa.

1 Tesalonike 4:8

Ndani laa, zo so ake ti sara ye alingbi na atënë so, zo laa lo ke lo pepe, me lo ke Nzapa so ayeke mu Yingo-Vuru ti lo na ala.

1 Pierre 1:12

Nzapa afa na ala atene, tënë ni ayeke ndali ti ala wani pepe, me ayeke ndali ti ala, a-ita. Tënë ni laa azo ti fango Nzoni Tënë ayeke fa ni na ala, na lege ti Yingo-Vuru so alondo na yayu si aga. Tënë ni, *a-ange wani ayeke na nzara ti hinga ni.

Aye so Nzapa afa 2:24

“Me ti ala azo ti Tiatire, ambeni zo na popo ti ala ake ti mu peko ti asioni tënë so azo ni ayeke fa. Ala so ake ti zia be ti ala na ndö ti atënë so azo ni airi ni ‘atënë ti Satan so angba na hondengo ni’, mbi tene na ala: mbi ye ti zia na ndö ti ala mbeni nengo kungba nde pepe.