Awatokua 15:20 - Mbeti ti Nzapa - Tënë so amu fini

²⁰ Ayeke nzoni e su mbeti, e tokua na ala titene kobe so aga *sioni na lege so a ya ni na *sandaga na anzapa nde, ala te ni pepe, ala gi wali wala koli kirikiri pepe; nyama so azo apete go ti lo petengo si lo kui so, ala te ni pepe, ala te nga mene pepe.

Awatokua 15:20 ပူးပေါင်းရင်းမြစ်များ

Tongo nda ti aye 35:2

Jacob atene na azo ti sewa ti lo nga na azo so kue amu peko ti lo, atene: “Ala zi anzapa ti akodro wande so ayeke na popo ti ala. Ala *sukula asioni ti ala si ala yu ambeni bongo nde.

Tongo nda ti aye 9:4

Me gi ye oko: nyama so mene angba na ya ti tere ti lo, ala te lo pepe, ndali ti so fini ayeke na ya ti mene ti lo.

Sigingo 20:23

Alingbi ala mu wen ti nginza wala lôro, ala leke na ambeni nzapa nde ti zia na tere ti mbi pepe; ala sara ambeni nzapa nde ndali ti ala wani pepe.

Ezekiel 33:25

Tongaso, mo tene na ala: Tënë so Kota Gbia NZAPA atene ayeke so: Ala yeke te kasa so mene angba na ya ni, ala yeke yo le ti ala na mbage ti ayanda ti ala, ala yeke fâ azo. Ala ye ti mu sese so ti ga ye ti ala tongana nyen?

Ezekiel 4:14

Mbi kiri tënë, mbi tene: “Ae! Kota Gbia NZAPA, laoko mbi buba tere ti mbi pepe. So mbi de molenge ngbii asi laso, laoko mbi te kuâ ti nyama pepe, wala nyama so mbeni sioni nyama asuru ya ti lo. *Sioni kasa ti nyama ade ti li na yanga ti mbi laoko pepe.”

Daniel 1:8

Daniel aleke na be ti lo ti ke ti ga *sioni ndali ti kobe ti gbia nga ndali ti samba ti lo. Tongaso Daniel ahunda na makonzi ti ambaiwa ti gbu lo na ngangu pepe si lo ga *sioni.

Awayango-sandaga 18:6

“Alingbi mbeni zo oko na popo ti ala alango na mbeni wali ti ya ti sewa ti lo pepe. Mbi laa mbi yeke KOTA GBIA.

Awayango-sandaga 19:26

“Kasa so mene angba na ya ni, alingbi ala te ni pepe; ala sara mazi pepe, wala ala baa nda ti ye pepe.

Awayango-sandaga 3:17

So ayeke mbeni ndia so ayeke ngba ngu na ngu ndali ti *ahale ti ala ti angoi kue. Ndani laa, na ndo so kue ala yeke duti daa, kasa ti mafuta, wala mene, fade ala yeke te ni oko pepe.”

Wungo ti azo 25:2

Awali ni ahanda azo ti Israel ti mu *asandaga na anzapa ti ala. Azo ti Israel ate akobe ti anzapa ni si ala kuku na gbe ti ala ti voro ala.

Awatokua 15:29

nyama so azo aya na *sandaga na anzapa nde, ala te ni pepe; ala te mene pepe, anyama so azo apete go ti ala petengo si ala kui so, ala te nga ni pepe; ala gi wali wala koli kirikiri pepe. Tongana ala zia lege ti sarango aye so kue, so ayeke nzoni! E bara ala.”

Awatokua 21:25

Ti azo so ayeke azo ti amara nde si ala ma na be so, e tokua mbeti na ala awe. E fa na ala tënë so e leke: nyama so a ya na *sandaga na anzapa nde, ala te ni pepe, ala te mene pepe; anyama so a pete go ti ala petengo si ala kui so, ala te ni pepe, ala gi wali wala koli kirikiri pepe.”

1 Korente 5:11

Me mbi su mbeti so lani na ala si zo so atene, ni yeke ita ti ala, zo ti Christ si lo yeke gi wali wala koli kirikiri, kota nzara ti warango ye ayeke na be ti lo, lo yeke voro anzapa nde, lo yeke du mvene na li ti amba ti lo, lo yeke ngbaa ti samba, wala lo yeke zo ti nzi, alingbi ala sara songo na lo pepe, ala te nga kobe na mara ti zo tongaso pepe!

1 Korente 6:13

Ambeni zo ayeke tene nga: “Kobe ayeke ndali ti ya si ya ayeke ndali ti kobe.” Taa-tënë, me Nzapa ayeke buba ande ya na kobe kue. Andaa tere ti zo ayeke titene lo sara na aye ti kirikiri pepe: tere ti zo ayeke ndali ti *Kota Gbia si Kota Gbia ayeke ndali ti tere ti zo.

1 Korente 6:18

Ala kpe lege ti gingo wali wala gingo koli kirikiri! Atanga ti siokpari so kue zo ayeke sara ayeke ndu tere ti lo wani pepe; me zo so agi wali wala koli kirikiri, andaa lo sara sioni na tere ti lo wani.

1 Korente 6:9

Ala hinga pepe? Azo ti sarango sioni, fade *Kodro-gbia ti Nzapa ayeke ga ti ala pepe. Ala handa tere ti ala pepe: azo ti gingo wali wala gingo koli kirikiri, azo ti vorongo anzapa nde, azo ti gingo wali wala koli ti amba ti ala, akoli so ayeke lango na amba ti ala akoli,

1 Korente 7:2

Me ti sara si azo agi wali wala koli kirikiri pepe, ayeke nzoni koli oko oko ayeke na wali ti lo si wali oko oko ayeke na koli ti lo.

1 Korente 8:1

Âdu tënë ti anyama so a yeke ya na *sandaga na anzapa nde, taa-tënë, tongana ti so ala yeke tene: “E kue, e yeke azo ti hingango ye.” Hingango ye so ayeke sara si baba ahon ndö ti zo, me ndoye ayeke sara si zo ti Christ amai.

2 Korente 12:21

Mbeto asara nga mbi titene tongana mbi kiri mbi si na ala kâ, Nzapa azia kamene na le ti mbi na dawa ti ala. Mbi hinga pepe, fade mbi yeke toto ndali ti azo mingi na popo ti ala so angba ti sara siokpari tongana ti ando; ala ngba na lege ti sarango aye ti sioni, aye ti kamene na aye ti ndumba.

Galasii 5:19

Aye so asioni nzara ti be ti zo ayeke sara ni si azo ahinga ni kue ayeke: gingo wali wala gingo koli kirikiri, sarango ye ti ndumba, sarango ye ti kamene,

Efeze 5:3

Ala yeke azo so ayeke nde si ayeke nzoni kue. Tongaso, sarango ye ti ndumba, sarango aye ti kamene nde nde wala kota nzara ti warango ye, akpa titene a ma tënë ti aye tongaso na popo ti ala pepe.

Ndia ti fani use ni 12:16

Me alingbi ala te mene ti nyama ni pepe. Fade ala yeke tuku ni na sese tongana ngu.

Ndia ti fani use ni 14:21

Nyama so akui na be ti lo wani, alingbi ala te lo pepe. Ala mu nyama ni na wande so asara kodro na ndo ti ala, wala ala ka nyama ni kango na mbeni wande. Biani, ala azo ti Israel, ala yeke azo so a zia ala nde ndali ti KOTA GBIA Nzapa ti ala. Alingbi ala to molenge ti ngasa na ya ti ngu ti me ti mama ti lo pepe.

Ndia ti fani use ni 15:23

Me fade ala yeke te mene ti nyama ni pepe. Ala yeke tuku ni na sese tongana ti so a yeke tuku ngu.

Kolose 3:5

Tongaso, ala zi anzara ti sarango asioni ye ti dunia so na be ti ala: sarango ye ti ndumba, sarango ye ti kamene, nzara ti tere, nzara ti sarango asioni ye nga na kota nzara ti warango ye; so ayeke mbeni lege ti vorongo anzapa nde.

1 Tesalonike 4:3

Ye so be ti Nzapa aye, ayeke titene ala ga azo so ayeke nde si ayeke nzoni kue, ala zia lege ti gingo wali wala gingo koli kirikiri.

Ahebro 12:16

Ala sara hange si mbeni zo ti sarango ye ti ndumba aduti na popo ti ala pepe! Ala ne aye so ayeke ti Nzapa. Ala sara tongana Ezau pepe so aka ando ndo ti lo ti kozo molenge ndali ti sembe oko ti kobe.

Ahebro 13:4

Alingbi azo kue ane tënë ti mungo tere ti koli na wali. Alingbi koli abata tere ti lo gi ndali ti wali ti lo si wali abata nga tere ti lo gi ndali ti koli ti lo, ngbanga ti so fade Nzapa ayeke fâ ngbanga na li ti azo ti sarango aye ti ndumba nga na azo so ayeke gi akoli wala awali ti amba ti ala.

1 Pierre 4:3

Ando, ala mu ngoi mingi ti sarango na aye tongana ti azo so ahinga Nzapa pepe. Ala yeke sara aye ti ndumba, ala yeke sara nzara ti aye ti amba ti ala, ala yeke angbaa ti samba, ala yeke sara matanga ti te, ti nyon butuma, ala yeke voro anzapa nde, ye so akpa titene zo asara ni pepe.

Aye so Nzapa afa 10:2

Lo gbu na maboko ti lo mbeni kete buku so a zi ya ni. Lo zia gere ti lo ti mbage ti koli na ndö ti kota ngu-ingo si lo zia gere ti lo ti mbage ti wali na ndö ti sese.

Aye so Nzapa afa 10:8

Go so alondo na yayu si mbi ma kozoni so akiri atene na mbi: “Gue mo mu kete buku so a zi ya ni si ayeke na maboko ti ange so ayeke luti na ndö ti kota ngu-ingo nga na ndö ti sese so.”

Aye so Nzapa afa 2:14

Me ambeni ye so mbi ke na mo ayeke so: na ndo ti mo, ambeni zo ayeke daa so ayeke mu peko ti Balaam na lege ti fango tënë ti lo. Ando Balaam amu wango na Balak titene lo handa azo ti Israel ti te anyama so a mu na *sandaga na anzapa nde si ala sara nga aye ti ndumba.

Aye so Nzapa afa 2:20

Me ye so mbi ke na mo ayeke so: mo zia lege na Yezabel, wali so, ti sara si azo ti kua ti mbi agirisa lege. Lo yeke tene na azo atene, ni yeke wayanga-Nzapa, lo yeke fa lege na azo ti mbi ti sara aye ti ndumba si ala yeke te akobe so a mu na *sandaga na ayanda.

Aye so Nzapa afa 9:20

Tanga ti azo so kue akui na lege ti asioni ye so pepe, ala zia pepe lege ti sarango asioni ye ti ala. Ala zia lege ti vorongo asioni yingo pepe; ala ngba ti voro ayanda so a sara na lôro, na wen ti nginza, na bengba wen, na têne nga na keke. Ayanda ni ayeke baa ndo pepe, ala yeke ma ndo pepe, ala yeke tambula nga pepe.

1 Samuel 14:32

Ala tuku na ndö ti aye so ala gbu na peko ti bira. Ala mu ataba, angasa, abagara nga na akete bagara. Ala fâ anyama ni na ndö ti sese si ala te ni gi na ndo so mene ti anyama ni atuku daa.

1 Samuel 14:33

Mbeni zo atene tënë ni na Saul, atene: “Azo ni asara siokpari so ake *KOTA GBIA, ala te anyama gi na ndo so mene ti anyama ni atuku daa.” Saul atene: “Ala sara mbana ti buba lege ti ndia! Ala rule mbeni kota têne aga na ni na mbi fafadeso.”