Awatokua 15:17 - Mbeti ti Nzapa - Tënë so amu fini

¹⁷ Tongaso, fade tanga ti azo kue ayeke gi *Kota Gbia, ala na amara so kue mbi iri ala ti ga azo ti mbi. Baa, tënë so Kota Gbia atene laa. Aye so lo sara,

Awatokua 15:17 ပူးပေါင်းရင်းမြစ်များ

Tongo nda ti aye 22:18

A yeke sara tufa na ndö ti azo ti amara ti ndö ti sese kue na lege ti ahale ti mo, ngbanga ti so mo ma yanga ti mbi.”

Tongo nda ti aye 48:16

ayeke nzoni *ange so azi mbi na ya ti ye ti sioni asara tufa na ndö ti amolenge so. Ayeke nzoni iri ti mbi na ti ababâ ti mbi Abraham na Isaac angba ti wu ndali ti ala. Ayeke nzoni ala du amolenge mingi si ala wu mingi na ndö ti sese.”

Tongo nda ti aye 49:10

Mbata ti gbia ayeke ngba lakue na ya ti sewa ti Juda. *Ahale ti lo ayeke ngba lakue na komandema, ngbii taa wa ti komandema ni asi. Lo laa azo ti mara kue ayeke ma yanga ti lo.

Ésaïe 11:10

Na lango ni so, lo so ayeke molenge ti Yese ayeke ga bendere ndali ti azo ti sese. Amara nde ayeke gi lo; ndo so lo yeke duti daa, gonda ti Nzapa ayeke mu ni kue.

Ésaïe 43:7

Mo kiri na azo so kue iri ti mbi ayeke na ndö ti ala, ala so mbi sara ala, so mbi leke ala si mbi sara ala titene ala gonda mbi.”

Ésaïe 63:19

Ngbene ye aninga awe, e yeke tongana azo so mo kiri mo le-gbia na ndö ti ala pepe, e yeke tongana azo so iri ti mo ayeke na ndö ti ala mbeni pepe. Tongana mo suru fade le ti nduzu si mo zu, ka ahoto ayingi na dawa ti mo,

Ésaïe 65:1

*KOTA GBIA atene: “Azo so ahunda ye na mbi pepe, mbi zia lege na ala ti hunda mbi. Azo so agi mbi pepe, mbi zia lege na ala ti wara mbi; mbi tene: ‘Mbi laa, mbi laa!’ Me mbi tene tënë ni na mara so adi iri ti mbi pepe.

Jérémie 14:9

Ngbanga ti nyen si mo yeke sara ye tongana koli pepe so? Ngbanga ti nyen si mo yeke sara ye tongana mbeni ngangu koli so alingbi fade ti soo azo, me lo soo ala pepe so? Andaa KOTA GBIA, mo yeke na popo ti e, a zia e nde ndali ti mo awe; mo zia e pepe!”

Jérémie 16:19

*KOTA GBIA, mo yeke ngangu ti mbi, mo yeke tongana ngangu gbagba na tere ti mbi, mo yeke ndo so mbi kpe daa ti bata tere ti mbi na ngoi ti ye ti ngangu. Fade amara nde ayeke londo na nda ti sese kue ti ga na mbage ti mo. Ala yeke tene: “Ye so akotara ti e awara ti ga ye ti ala, ye ni ayeke gi ye ti mvene; mbeni senge buba ye so alingbi ti sara kua oko pepe.

Daniel 9:19

Kota Gbia, mo ma e maa! Kota Gbia, mo zi sioni ti e na li ti e maa! Kota Gbia, dingi mê ti mo, mo ma e maa! Nzapa ti mbi, ndali ti iri ti mo wani, mo ku pepe, mo sara ye hio ndali ti gbata ti mo na azo ti mo.”

Osée 2:23

Na lango ni so, fade mbi yeke sara ye so a hunda na mbi, so tënë ti yanga ti KOTA GBIA laa. Fade mbi yeke sara ye so le ti nduzu ayeke ku na mbage ti mbi si le ti nduzu ayeke sara ye so sese ayeke ku na mbage ti lo.

Amos 9:12

Tongaso, atanga ti sese ti azo ti mara ti Edom na ti amara nde, sese so a di iri ti mbi daa so, fade azo ti Israel ayeke mu ni titene aga ti ala.” So tënë ti yanga ti *KOTA GBIA laa, lo so lo yeke sara aye ni so.

Mishe 5:7

Azo ti Israel so ayeke ngba na fini na popo ti amara gbani gbani, ayeke ga tongana bamara na popo ti anyama ti ngonda, tongana kete bamara na popo ti ataba. Na hongo ti lo na popo ti ala, lo yeke do ala na gere ti lo si lo yeke suru ya ti ala; zo oko alingbi ti zi ala na maboko ti lo pepe.

Zakarii 2:11

He, ala azo ti *Sion, ala londo, ala kpe, ala so aduti kâ na Babilone so!”

Malashii 1:11

Biani, ti londo na To ngbii asi na Do, amara nde ahinga so mbi yeke kota. Na ndo kue, azo ayeke zö dukani na mbi, ala yeke ga na asandaga so ayeke *nzoni. Biani, amara nde ahinga so mbi yeke kota. Tënë so KOTA GBIA so ayeke na ndö ti dunia kue atene laa.

Wungo ti azo 24:23

Ti hunzi na ni, Balaam adiko bia so, lo tene: “Ae azo! Tongana Nzapa ayeke londo ti sara ye, zo wa laa alingbi ti ngba na fini, zo wa?

Wungo ti azo 6:27

Tongana awayango-sandaga adi iri ti mbi tongaso ti sara na tufa na ndö ti azo ti Israel, fade mbi yeke sara tufa na ndö ti ala.”

Ndia ti fani use ni 28:10

Fade amara ti sese kue ayeke baa so a di iri ti KOTA GBIA na ndö ti ala, tongaso amara ni ayeke duti na mbeto ti ala, azo ti Israel.

Jacques 2:7

Gi azo ti mosoro so laa ayeke he nzoni iri so Nzapa azia na ndö ti ala!