Awatokua 15:13 - Mbeti ti Nzapa - Tënë so amu fini

¹³ So ala hunzi tënë ti ala awe, Jacques amu tënë si lo tene: “A-ita, ala ma mbi si!

Awatokua 15:13 ပူးပေါင်းရင်းမြစ်များ

Marc 15:40

Ambeni wali nga ayeke daa, ala luti ti ala yongoro si ala yeke baa ye ni. Marie ti kodro ti Magdala ayeke na popo ti awali ni so, lo na Marie, mama ti Jacques Kete na ti Yozes, na Salome.

Awatokua 12:17

Lo sara maboko ti lo na ala titene ala kai; lo fa na ala lege so Kota Gbia asara si lo sigigi na da ti kanga. Lo tene: “Ala gue, afa tënë ni na Jacques nga na a-ita.” Na pekoni, lo zia ala si lo hon na mbeni ndo.

Awatokua 15:14

Simon afa na e fafadeso lege so Nzapa aleke na be ti lo kozoni ti soro ambeni zo na popo ti amara nde ti ga azo ti lo.

Awatokua 2:14

Pierre aluti, lo na amba ti lo *awatokua baleoko na oko si lo tene tënë na kota go, lo tene: “Amba ti mbi azuife na ala so kue asara kodro na Jérusalem, ala zi mê ti ala, ala ma mbi nzoni. Mbi ye ti fa nda ti ye so na ala.

Awatokua 2:22

“Azo ti Israel, ala ma tënë so! Jésus, zo ti Nazaret ayeke mbeni zo so Nzapa afa na le ti ala so ni laa ni tokua lo. Nilaa Nzapa asara akota ye, na aye ti dongo be na aye ti kpene na lege ti lo. Ala wani, ala baa aye ni, ngbanga ti so aye ni kue asi gi na popo ti ala.

Awatokua 2:29

“A-ita, mbi ye ti tene na ala tënë mbirimbiri na ndö ti kotara ti e David: lo kui si a lu lo, sende ti kuâ ti lo angba laso na popo ti e.

Awatokua 21:18

Na ndade ni, Paul ague na e na ndo ti Jacques. *Akangba ti *Eglize kue abongbi kâ.

Awatokua 22:1

“Ababâ, a-ita, ala ma tënë so mbi ye ti tene na ala na ndö ti tënë so ala bi na li ti mbi so.”

Awatokua 7:2

Étienne akiri tënë: “Ababâ, a-ita, ala ma mbi! Kozo titene kotara ti e Abraham ague ti duti na kodro ti Haran, Nzapa ti gonda asi na lo na Mezopotamii

Galasii 1:19

Mbi baa mbeni watokua nde pepe, me zo so mbi baa lo ayeke gi Jacques, ita ti *Kota Gbia.

Galasii 2:12

Kozoni, lo na ambeni zo ti amara nde ayeke te kobe. Me gi na peko ti so ambeni zo alondo na mbage ti Jacques si asi, lo gboto tere ti lo si lo yeke duti nde, lo kiri lo te kobe na ala pepe. Ndali ti so azo ayeke sara ye alingbi na tënë ti ndia ti fango *ganza, mbeto ti ala asara lo.

Galasii 2:9

Jacques, Pierre na Jean, so azo ti Christ abaa ala tongana akota zo, ahinga atene, Nzapa amu kua so na mbi biani. Ndani laa, ala bara mbi na Barnabas ti fa atene, e na ala e yeke na beoko. E ma tere so fade e yeke gue ti e na mbage ti azo ti amara nde, ala yeke gue ti ala na mbage ti azuife.

Jacques 1:1

Mbi Jacques, zo ti kua ti Nzapa na ti *Kota Gbia Jésus Christ; mbi tokua mbeti so na amara baleoko na use ti azuife so akangbi na ya ti akodro nde nde. Mbi bara ala kue.

Jacques 1:19

A-ita ti mbi so mbi ye ala mingi, ala dabe ti ala na tënë so: alingbi zo oko oko azi mê ti lo hio ti ma na tënë, me alingbi lo tene tënë hio hio pepe, lo sara ngonzo hio hio pepe.