Awatokua 15:10 - Mbeti ti Nzapa - Tënë so amu fini

¹⁰ Fadeso, ngbanga ti nyen laa ala ye ti gi yanga ti Nzapa na ziango mbeni kungba na li ti adisiple, kungba so akotara ti e na e wani, e yo ni gbaa so?

Awatokua 15:10 ပူးပေါင်းရင်းမြစ်များ

Sigingo 17:2

Azo ni agi yanga ti Moïse, atene: “Mu na e ngu, e nyon!” Moïse akiri tënë na ala: “Ala yeke gi yanga ti mbi ngbanga ti nyen? Ala yeke tara be ti KOTA GBIA ngbanga ti nyen?”

Ésaïe 7:12

Ahaz akiri tënë: “Mbi yeke hunda ye oko pepe; mbi ye ti tara be ti KOTA GBIA pepe.”

Matthieu 23:4

Ala kanga nengo kungba si ala zia ni na li ti azo; me ala wani, ala ye ti ndu kungba ni na maboko ti ala kete pepe.

Matthieu 4:7

Jésus akiri tënë na lo: “Mbeti ti Nzapa atene nga, atene: ‘Mo tara be ti *Kota Gbia, Nzapa ti mo pepe.’ ”

Awatokua 5:9

Tongaso Pierre atene na lo: “Ngbanga ti nyen si mo na koli ti mo, ala leke na be ti ala ti tara Yingo ti *Kota Gbia so? Baa, akoli so alu koli ti mo ayeke na yanga ti da. Fade ala yeke mu nga mo ti gue na mo!”

Galasii 4:9

Me fadeso ala hinga Nzapa awe – ti tene taa-tënë, Nzapa laa ahinga ala –. Ayingo so ayeke na ngangu pepe si ala yeke nga ye oko pepe so, ala ye ti kiri ti mu peko ti ayingo ni so tongana nyen? Ngbanga ti nyen si ala azo ti Nzapa, ala ye ti kiri ti ga angbaa ti ala?

Galasii 5:1

Christ azi e awe titene e sigigi na gbe ti ngbaa biani. Tongaso, ala luti ngangu! Ala yeda titene a kiri na ala na gbe ti ngbaa pepe!

Ahebro 3:9

Kâ, akotara ti ala agi yanga ti mbi, ala tara be ti mbi si ala baa aye so mbi sara

Ahebro 9:9

Aye so kue ayeke fa na e ye na ndö ti ngoi so e yeke daa so: aye ni afa na e atene, aye so azo ayeke mu na Nzapa, wala asandaga ti anyama so ala yeke mu na lo, alingbi ti sara si be ti azo aga nzoni kue pepe, so ti tene be ti azo so ayeke voro Nzapa.