Na peko ti kuâ ti Étienne, a yeke sara ngangu na azo ti Jésus si ala kangbi kirikiri. Ambeni ague na Fenisii, ambeni na Shipre, ambeni na Antioshe; me ala yeke fa tënë gi na azuife.
“Azo! Ala yeke sara ye so ngbanga ti nyen? E yeke gi azo tongana ala! E ga ge ti fa Nzoni Tënë titene ala zia lege ti abuba ye so ala yeke voro so, ala mu be ti ala na Nzapa so ayeke na fini, lo so asara yayu, na sese na kota ngu-ingo na aye so kue ayeke na ya ni.
Paul na Barnabas afa Nzoni Tënë na gbata ti Derbe si azo mingi aga adisiple. Na pekoni, ala kiri na Listre, Ikoniom nga na Antioshe, na sese ti Pisidii.
Gi na peko ti so Paul abaa ye ni so, e leke tere ti e hio ti gue na Masedoane, ngbanga ti so e tene na be ti e, e tene, Nzapa airi e ti fa Nzoni Tënë na azo ni kâ.
Ala hinga nga atene, kozoni na gbata ti Filipe, azo azonga e si e baa pasi. Me na ya ti aye ti ngangu mingi, Nzapa amu ngangu na be ti e ti fa Nzoni Tënë ti lo na ala, azo ti Tesalonike.
mo fa tënë ti Nzapa na azo, wala ndembe ni laa wala ndembe ni laa pepe, mo ngba gi daa. Mo fa sioni ti azo na le ti ala, mo suku na ala, mo mu wango na ala; be ti mo awoko na lege ni pepe, mo ngba na nzara ti fango ye na ala.
