Awatokua 14:27 - Mbeti ti Nzapa - Tënë so amu fini

²⁷ So ala si na Antioshe, ala bongbi azo ti Eglize ni si ala fa na ala peko ti aye so kue Nzapa asara na lege ti ala. Ala fa nga na azo ni lege so Nzapa azi lege na azo ti amara nde ti ma na be.

Awatokua 14:27 ပူးပေါင်းရင်းမြစ်များ

Jean 9:10

Ala hunda lo, atene: “Asara tongana nyen si mo yeke baa ndo fadeso?”

Awatokua 11:18

So ala ma tënë so, be ti ala ade si ala gonda Nzapa, atene: “Nzapa amu nga lege na azo ti amara nde ti zia ngbene lege ti sarango ye ti ala si ala wara fini!”

Awatokua 15:12

Azo ti ya ti bongbi ni kue aduti kpoo. Na pekoni, ala ma Barnabas na Paul so ayeke fa peko ti aye ti dongo be na aye ti kpene so Nzapa asara na azo ti amara nde na lege ti ala.

Rome 15:18

Biani, mbi lingbi ti tene mbeni tënë nde pepe, gi tënë ti ye so Christ asara na lege ti mbi ti sara si azo ti amara nde ama yanga ti Nzapa. Lo sara ye ni na lege ti fango tënë nga na lege ti sarango ye ti mbi,

1 Korente 11:18

Kozo ye so mbi ye ti tene na ala ayeke so: azo atene na mbi atene, tongana ala yeke bongbi tere ti ala, akangbi ayeke na popo ti ala. Mbi hinga so ayeke mvene kue pepe.

1 Korente 14:23

Tongana azo ti Eglize kue abongbi si azo kue ayeke tene tënë na ambeni yanga nde, tongana ambeni senge zo wala azo so ama na be pepe ali na popo ti ala, fade azo ni ayeke tene, mbeni ye asara li ti ala sarango pepe?

1 Korente 15:10

Me ndali ti nzoni be ti Nzapa, mbi ga zo so ala yeke baa lo laso so; nzoni be so Nzapa asara na mbi, peko ni angba senge pepe. Mbi sara kua ahon atanga ti awatokua kue, andaa mbi laa mbi sara kua ni pepe, me Nzapa so ayeke na mbi laa asara kua ni na lege ti nzoni be ti lo.

1 Korente 16:9

ngbanga ti so Nzapa azi na mbi nzoni lege ti sara kota kua kâ, me awato ayeke mingi.

1 Korente 5:4

Tongana ala yeke bongbi ande tere ti ala, mbi yeke na popo ti ala na lege ti yingo. Na iri ti *Kota Gbia Jésus nga na ngangu ti lo,

2 Korente 2:12

Mbi si na gbata ti Troas ti fa Nzoni Tënë ti Christ, me ataa so *Kota Gbia azi lege kota na mbi titene mbi sara kua,

Kolose 4:3

Ala sambela nga mingi ndali ti e, tongaso si Nzapa azi na e lege ti fa tënë ti lo, ti fa tënë ti Christ so angba na hondengo ni. Biani, ndali ti tënë so laa mbi yeke na da ti kanga.