Awatokua 14:23 - Mbeti ti Nzapa - Tënë so amu fini

²³ Paul na Barnabas asoro *akangba si azia ala na li ti *a-Eglize ni oko oko kue. Na peko ti so ala ke kobe si ala sambela, ala zia akangba ni na maboko ti *Kota Gbia, lo so ala ma na be na lo.

Awatokua 14:23 ပူးပေါင်းရင်းမြစ်များ

Matthieu 17:21

Me gi na lege ti sambela na kengo kobe laa ala lingbi ti tumba mara ti yingo so.”]

Marc 3:14

Na popo ti ala, lo soro azo baleoko na use so lo di iri ti ala *awatokua. Lo soro ala ti duti na tere ti lo nga titene lo tokua ala ti fa Nzoni Tënë.

Nzoni Tënë so Luc asu na mbeti 2:37

Na pekoni, lo ga wali-mua; lo yeke na ngu balemiombe na osio, lo ngba gi na ya ti kota da ti Nzapa; bi na lâ, lo yeke sara kua ti Nzapa, lo yeke ke kobe si lo yeke sambela.

Nzoni Tënë so Luc asu na mbeti 23:46

Jésus adekongo ngangu, atene: “Babâ, mbi zia yingo ti mbi na maboko ti mo.” Na peko ti tënë so, Jésus akui.

Awatokua 1:22

ti londo na lango ti bateme ti Jean ngbii asi na lango so a mu Jésus na popo ti e, a gue na lo na yayu. Tongaso, ayeke nzoni mbeni oko na popo ti ala abongbi na e ti ga zo ti fango na azo tënë ti zingongo ti Jésus na kuâ.”

Awatokua 1:24

Na pekoni, ala sambela Nzapa, atene: “Kota Gbia, mo hinga be ti azo kue. Tongaso, na popo ti azo use so, fa na e zo wa laa mo soro lo

Awatokua 11:30

Ala bongbi aye ni si ala tokua ni na *akangba ti Judée, na maboko ti Barnabas na Saul.

Awatokua 14:26

Ala londo na ndo so, ala mu mangboko ti kiri na Antioshe, na sese ti Sirii. Na ya ti gbata so laa a zia ala lani na maboko ti Nzapa ti nzoni be titene ala sara kua so ala hunzi ni awe so.

Awatokua 15:23

Ala mu na ala mbeti so na ya ni ala tene: “E, awatokua na akangba so e yeke a-ita ti ala, e bara ala a-ita ti e, azo ti Christ, so ayeke azo ti amara nde si ala yeke na Antioshe, na sese ti Sirii na ti Silisii.

Awatokua 15:4

So ala si na Jérusalem, azo ti Eglize, awatokua na akangba ayamba ala. Paul na Barnabas afa na ala peko ti aye so kue Nzapa asara na lege ti ala.

Awatokua 15:6

Awatokua na akangba abongbi ti gbu li ti ala na ndö ti tënë so.

Awatokua 20:17

Na Mile, Paul atokua na Efeze ti iri *akangba ti *Eglize ni ti ga.

Awatokua 20:32

“Fadeso, mbi zia ala na maboko ti Nzapa, mbi zia nga ala titene tënë ti nzoni be ti lo abata ala. Nzapa ayeke na ngangu ti kpengba ala, ti mu na ala anzoni ye so kue lo bata ni ndali ti azo ti lo.

2 Korente 8:19

Gi so oko pepe, me azo ti a-Eglize asoro lo titene e na lo, e tambula ti gue na aye so ala mu na nzoni be. Kua so e yeke sara, e yeke sara ni ti gonda na *Kota Gbia wani; e yeke sara nga ni ti fa nzara ti be ti e.

1 Timothée 5:1

Mo suku ngangu na mbakoro-koli pepe, me mo mu wango na lo tongana ti so mo yeke mu wango na babâ ti mo, mo mu wango na amaseka-koli tongana a-ita ti mo ti koli;

1 Timothée 5:22

Mo zia maboko ti mo hio na li ti mbeni zo pepe, mo sara beoko na siokpari ti mbeni zo pepe; me mo bata be ti mo na vurungo ni.

2 Timothée 1:12

Ndani laa, mbi yeke baa pasi so, me kamene ayeke sara mbi pepe, ngbanga ti so mbi hinga zo so mbi zia be ti mbi na ndö ti lo. Mbi hinga nga so, zo ni ayeke na ngangu ti bata ye so lo zia na maboko ti mbi so ngbii asi na lango ti ndani.

2 Timothée 2:2

Ye so mo ma na yanga ti mbi na le ti azo mingi, mo zia na maboko ti azo so alingbi ti bata ni mbirimbiri, ala so alingbi ti kiri ti fa ni na ambeni zo.

Tite 1:5

Mbi zia mo na zoa ti Krete titene mo leke tanga ti gere ti kua ni si mo zia nga *akangba na ndö ti a-Eglize so ayeke na ya ti agbata ni oko oko kue. Ayeke nzoni mo sara aye ni tongana ti so mbi fa na mo.

Jacques 5:14

Mbeni zo na popo ti ala ayeke na kobela? Alingbi lo iri *akangba ti *Eglize; fade ala yeke sara mafuta na tere ti lo na iri ti Kota Gbia, ala sambela na ndö ti lo.

1 Pierre 5:1

Fadeso mbi yeke mu wango na *akangba ti *Eglize so ayeke na popo ti ala. Mbi nga, mbi yeke kangba tongana ala. Mbi baa na le ti mbi pasi so Christ abaa ando; legeoko na ala, fade mbi yeke li na ya ti gonda so ayeke si.

1 Pierre 5:10

Pasi so ala yeke baa so ayeke ndali ti kete ngoi. Me Nzapa so ayeke sara nzoni be mingi na azo, lo iri ala titene ala li na ya ti gonda ti lo so ayeke ngba lakue lakue, ngbanga ti so ala ga oko na Christ awe. Tongaso, lo yeke sara titene ala ga nzoni kue, ala kpengba, ala wara ngangu si mbeni ye ayingi ala pepe.

2 Jean 1:1

Mbi *kangba, mbi tokua mbeti so na kota Wali so Nzapa asoro lo so nga na amolenge ti lo so mbi ye ala na be ti mbi kue. Gi mbi oko laa mbi ye ala pepe, me azo so kue ahinga taa-tënë aye nga ala,

3 Jean 1:1

Mbi *kangba, mbi tokua mbeti so na Gaius so mbi ye lo mingi, mbi ye lo na be ti mbi kue.