Awatokua 14:18 - Mbeti ti Nzapa - Tënë so amu fini

¹⁸ Awatokua atene atënë so kue, me ayeke ngangu na ala ti kanga lege na gba ti azo ni ti mu na ala sandaga.

Awatokua 14:18 ပူးပေါင်းရင်းမြစ်များ

Tongo nda ti aye 11:6

Lo tene: “Mo baa awe? Ala kue ayeke gi mara oko; ala kue ayeke tene gi yanga ti kodro oko. Kozo kua ti ala so ala yeke sara ni so laa? Ye so ala leke na be ti ala ti sarango ni so, fadeso mbeni ye ti kangango lege na ni ayeke daa pepe!

Tongo nda ti aye 19:9

Azo ni akiri tënë na lo: “Hon kâ! Mo so mo yeke gi wande so, mo ga ge ti fa lege na e? Fade e yeke sara sioni na mo ahon ti so e yeke sara na akoli so.” Ala pusu Lot na ngangu si ala ga nduru na yanga ti da ni titene ala kungbi ni.

Matthieu 13:15

Biani, be ti azo ni akpengba; ala kanga mê ti ala, ala kanga le ti ala titene ala baa ndo pepe, titene ala ma ndo pepe, titene ala ma ya ti atënë pepe si ala zia pepe ngbene lege ti sarango ye ti ala, tongaso si mbi kai kobela ti ala.’

Jean 6:15

Jésus ahinga atene, azo ni aye ti ga ti mu lo na ngangu ti sara si lo ga gbia. Nilaa lo gboto tere ti lo, lo gue, lo duti na ndö ti hoto gi lo oko.

Awatokua 14:17

Me lo fa so lo yeke Nzapa na lege ti anzoni ye so lo ngba ti sara na azo: lo mu na ala ngu-Nzapa na anzoni ngoi titene akobe ale nzoni, lo mu na ala kobe si lo zia ngia mingi na be ti ala.”

Awatokua 14:19

Ambeni zuife alondo na Antioshe, na sese ti Pisidii, ambeni alondo na Ikoniom si aga; ala sara si gba ti azo ni aye peko ti tënë ti ala. Tongaso ala bo Paul na têne, ala gboto lo asigigi na lo na ya ti gbata ni, ala baa ti ala atene, lo kui awe.