Awatokua 13:9 - Mbeti ti Nzapa - Tënë so amu fini

⁹ Tongaso Yingo-Vuru asi Saul, so mbeni iri ti lo ayeke Paul; lo baa ndo taa na ya ti le ti zo ti mazi ni

Awatokua 13:9 ပူးပေါင်းရင်းမြစ်များ

Mishe 3:8

Me ti mbi, ndali ti yingo ti KOTA GBIA so lo mu na mbi, mbi wara ngangu ahon ndoni, mbi hinga lege ti fango ngbanga mbirimbiri si mbi yeke na mbeto pepe ti fa na *ahale ti Jacob tënë ti ngangu li ti ala, ti fa nga na azo ti Israel siokpari ti ala.

Matthieu 10:20

Ala yeke tene ande tënë ti ala wani pepe; me fade Yingo ti Nzapa Babâ ti ala laa ayeke zia tënë ni na yanga ti ala ti tene.

Marc 3:5

Jésus abaa le ti ala oko oko kue na ngonzo; be ti lo awara vundu ngbanga ti sioni be ti ala. Lo tene na koli ni: “Yoro ya ti maboko ti mo.” Lo yoro ni si maboko ti lo akiri aga nzoni.

Marc 8:25

Jésus akiri azia maboko na ndö ti le ti waziba ni si lo baa ndo nzoni: le ti lo azi awe, lo lingbi ti baa ndo fadeso nzoni.

Nzoni Tënë so Luc asu na mbeti 20:17

Me Jésus abaa le ti ala si lo tene na ala: “Nda ti tënë so a su na ya ti Mbeti ti Nzapa so atene nyen? Tënë so atene: ‘Têne so azo ti sarango da ake ni, ni laa akiri aga ngangu têne ti gere ti da ni.’

Awatokua 2:4

Ala kue asi na Yingo-Vuru si ala to nda ti tene tënë na ayanga nde nde tongana ti so Yingo amu na ala lege ti tenengo ni.

Awatokua 4:31

So ala hunzi sambela ni awe, ndo so ala bongbi daa so ayingi. Ala si na Yingo-Vuru si ala yeke fa tënë ti Nzapa na mbeto pepe.

Awatokua 4:8

Tongaso Yingo-Vuru asi Pierre si lo tene na ala: “Ala amakonzi ti azuife na akangba,

Awatokua 7:55

Me Yingo-Vuru asi Étienne; lo baa ndo na yayu si lo baa gonda ti Nzapa nga na Jésus so aluti na tere ti Nzapa na mbage ti maboko ti lo ti koli.