Awatokua 13:5 - Mbeti ti Nzapa - Tënë so amu fini

⁵ So ala si na Salamine, ala fa tënë ti Nzapa na ya ti ada ti sambelango Nzapa ti azuife. Jean Marc ayeke na tere ti ala ti mu maboko na ala.

Awatokua 13:5 ပူးပေါင်းရင်းမြစ်များ

1 Agbia 19:21

Élisée akiri na le ti yaka ti lo. Lo mu abagara use so, lo fâ ala si lo mu na *sandaga. Lo mu akeke ti *zuge ni na aye ti kua ni kue, lo sara na wâ, lo to na kasa ti abagara ni si lo mu na azo ni titene ala te. Na pekoni, lo londo, lo gue na peko ti Élie si lo ga zo ti kua ti lo.

1 Agbia 19:3

Mbeto agbu Élie si lo kpe, lo gue na mbeni ndo titene lo soo fini ti lo. Lo si na Bersheba, na sese ti Juda si lo zia zo ti kua ti lo kâ.

2 Agbia 3:11

Me Yosafat ahunda ndo, atene: “Mbeni wayanga-Nzapa ayeke na ndo so titene na lege ti lo, e lingbi ti hunda *KOTA GBIA pepe?” Mbeni zo ti kua oko ti gbia ti Israel akiri tënë: “Élisée, molenge ti Shafat ayeke na ndo so; lo laa lo yeke mu lani maboko na wayanga-Nzapa Élie.”

Sigingo 24:13

Moïse alondo, lo na Josué, zo ti mungo maboko na lo, ala ma na li ti hoto ti Nzapa.

Matthieu 20:26

Ti ala azo ti mbi, alingbi ye ni aduti tongaso pepe na popo ti ala. Me tongana mbeni zo aye ti ga kota zo na popo ti ala, ayeke nzoni lo ga zo ti sarango kua na ala.

Awatokua 12:12

So lo hinga nda ti ye ni awe, lo gue na da ti Marie, mama ti Jean so mbeni iri ti lo ayeke Marc. Azo mingi abongbi kâ si ala yeke sambela.

Awatokua 12:25

So Barnabas na Saul ahunzi kua ti ala na Jérusalem awe, ala mu Jean, so mbeni iri ti lo ayeke Marc na tere ti ala si ala kiri na Antioshe.

Awatokua 13:14

Ala londo na Perze si ala gue, asi na Antioshe, na sese ti Pisidii. Na *lango ti wungo tere, ala li na ya ti da ti sambelango Nzapa si ala duti.

Awatokua 13:46

Tongaso Paul na Barnabas akiri atene na ala polele, atene: “Ala fade laa, e lingbi ti fa tënë ti Nzapa na ala kozoni. Me ndali ti so ala ke ni awe si ala wani abaa tere ti ala atene, fini so angba lakue lakue, ala lingbi na ni pepe, e yeke zia ala ti gue na mbage ti azo ti amara nde.

Awatokua 14:1

So Paul na Barnabas asi na Ikoniom, ye so asi na Antioshe, gi ni laa asi kâ: ala li na ya ti da ti sambelango Nzapa ti azuife, ala fa tënë si gba ti azuife na azo ti amara nde ama na be.

Awatokua 15:37

Barnabas aye titene ala mu Jean, so mbeni iri ti lo ayeke Marc na tere ti ala,

Awatokua 17:17

Na ya ti da ti sambelango Nzapa, lo yeke tene tënë na azuife nga na azo so ayeke voro Nzapa si ala yeke azo ti amara nde. Na ya ti lango oko oko, lo yeke tene nga tënë na azo so kue lo yeke wara ala na ando so azo ayeke bongbi tere ti ala daa.

Awatokua 18:4

Lakue na *lango ti wungo tere, lo yeke mu tënë na ya ti da ti sambelango Nzapa si lo yeke gi lege ngangu titene azuife na agreke ayeda na tënë ti lo.

Awatokua 19:22

Tongaso lo tokua na Masedoane Timothée na Eraste, ala so ayeke mu maboko na lo, me lo ngba ti lo kete na sese ti Azii.

Awatokua 19:29

Wusuwusu amu ya ti gbata ni kue. Azo kue amu loro ti gue na kota ndo so azo ti gbata ni ayeke bongbi ka tere daa. Ala gbu Gaius na Aristarke, azo ti Masedoane use so amu peko ti Paul na ya ti tambula ti lo, ala gboto ala si ague na ala na kota ndo ni so.

Awatokua 19:8

Paul ayeke gue lakue na ya ti da ti sambelango Nzapa si lo yeke fa tënë ti Nzapa na mbeto pepe. Na ya ti nze ota, lo yeke gi lege ngangu ti sara titene azo ayeda na tënë ti kodro-gbia ti Nzapa.

Awatokua 9:20

Gi hio na pekoni, lo gue na ya ti ada ti sambelango Nzapa si lo to nda ti fa tënë atene, Jésus ayeke Molenge ti Nzapa.

Kolose 4:10

Aristarke so mbi na lo, e yeke na da ti kanga abara ala. Marc, sewa ti Barnabas abara nga ala. A mu lani yanga na ala ndali ti lo atene, tongana lo si na ndo ti ala, ala yamba lo nzoni.

2 Timothée 4:11

Gi Luc oko laa angba na tere ti mbi. Mu Marc na tere ti mo si mo na lo aga, ngbanga ti so lo lingbi ti mu na mbi maboko na ya ti kua ti Nzapa.