Awatokua 13:46 - Mbeti ti Nzapa - Tënë so amu fini

⁴⁶ Tongaso Paul na Barnabas akiri atene na ala polele, atene: “Ala fade laa, e lingbi ti fa tënë ti Nzapa na ala kozoni. Me ndali ti so ala ke ni awe si ala wani abaa tere ti ala atene, fini so angba lakue lakue, ala lingbi na ni pepe, e yeke zia ala ti gue na mbage ti azo ti amara nde.

Awatokua 13:46 ပူးပေါင်းရင်းမြစ်များ

Amato 28:1

Zo ti sioni ayeke kpe, ataa zo oko atumba peko ti lo pepe; me zo ti mbirimbiri ayeke tongana bamara so ayeke na mbeto oko pepe.

Ésaïe 55:5

Mo Israel, fade mo yeke iri mara so mo hinga ni pepe; mara so ahinga mo pepe ayeke mu loro ti ga na mbage ti mo. Lo yeke ga ndali ti mbi KOTA GBIA, Nzapa ti mo, Nzapa ti Israel so ayeke nde si ayeke nzoni kue, lo so lo sara si mo wara gonda.”

Ezekiel 2:5

Tongaso, ataa ala ma mo, ataa ala ma mo pepe – ala yeke ti ala azo ti mara ti ngangu li – fade ala yeke hinga atene, mbeni wayanga-Nzapa ayeke na popo ti ala.

Matthieu 10:6

Me ala gue na mbage ti azo ti Israel so ayeke tongana ataba so agirisa.

Matthieu 21:41

Azo ni akiri tënë na lo, atene: “Lo yeke fâ azo ti sioni so sioni sioni. Na pekoni, lo yeke mu yaka ni na ambeni zo ti kua nde si tongana ndembe ni asi, ala yeke mu na lo ti lo ale ti vinye ni.”

Matthieu 21:43

Ndani laa, Jésus atene: “Mbi tene na ala: fade a yeke zi *Kodro-gbia ti Nzapa na maboko ti ala ti mu na azo so asara ye alingbi na ni. [

Matthieu 25:46

Fade asioni zo so ayeke gue na ngbanga so angba lakue lakue si azo ti mbirimbiri ayeke gue ti duti na fini so angba lakue lakue.”

Nzoni Tënë so Luc asu na mbeti 24:47

Na iri ti lo, fade azo ayeke fa Nzoni Tënë na amara kue, ti to nda ni na Jérusalem. Ala yeke tene na azo titene ala zia ngbene lege ti sarango ye ti ala, ala kiri na Nzapa si fade Nzapa azi siokpari na li ti ala.

Jean 1:11

Lo ga na taa kodro ti lo, me azo ti kodro ti lo ayamba lo pepe.

Jean 4:22

Ala azo ti Samarii, ala yeke voro Nzapa so ala hinga lo pepe, me e yeke voro ti e Nzapa so e hinga lo, ngbanga ti so ye so ayeke soo zo na kuâ alondo na mbage ti azuife.

Awatokua 13:14

Ala londo na Perze si ala gue, asi na Antioshe, na sese ti Pisidii. Na *lango ti wungo tere, ala li na ya ti da ti sambelango Nzapa si ala duti.

Awatokua 13:26

“A-ita, ala so ayeke *ahale ti Abraham na ala, azo so ayeke ge si ayeke voro Nzapa so, e laa Nzapa atokua tënë ti songo zo na kuâ na e!

Awatokua 13:5

So ala si na Salamine, ala fa tënë ti Nzapa na ya ti ada ti sambelango Nzapa ti azuife. Jean Marc ayeke na tere ti ala ti mu maboko na ala.

Awatokua 19:9

Me ambeni akpengba be ti ala si ala ke ti yeda na tënë ni. Na le ti azo kue, ala tene asioni tënë na ndö ti lege ti Kota Gbia. Paul akangbi na ala, lo mu adisiple si ala sigigi; na ya ti lango oko oko, lo yeke tene tënë na ala na ya ti da-mbeti ti Tiranos.

Awatokua 22:21

Kota Gbia atene na mbi: ‘Mo gue, ngbanga ti so mbi yeke tokua ande mo yongoro na mbage ti azo ti amara nde!’ ”

Awatokua 26:20

Me mbi to nda ti fa tënë ti Nzapa kozoni na azo ti Damas nga na azo ti Jérusalem. Na pekoni, mbi fa tënë ni na azo ti sese ti Judée kue nga na azo ti amara nde; mbi hunda na ala titene ala zia ngbene lege ti sarango ye ti ala ti kiri na mbage ti Nzapa, ala sara ye so afa atene, ala zia ngbene lege ti sarango ye ti ala awe.

Awatokua 28:28

Paul akiri atene: “Ayeke nzoni ala hinga atene, Nzapa atokua tënë ti songo zo na kuâ na azo ti amara nde. Ti azo ni so, fade ala yeke ma tënë ni!” [

Awatokua 3:26

Ndali ti ala, azo ti Israel, Nzapa asoro zo ti kua ti lo si lo tokua lo kozoni ti sara tufa na ndö ti ala tongana ala oko oko azia ngbene lege ti sarango ye ti ala.”

Awatokua 4:13

So azo ti fango ngbanga ni abaa Pierre na Jean ayeke tene tënë na mbeto pepe si ala hinga nga atene, ala yeke gi asenge zo so amanda mbeti pepe, li ti ala kue akpe. Ala hinga atene, akoli so ayeke ando na tere ti Jésus.

Awatokua 7:51

“Ala azo ti ngangu li, ala so a fâ be ti ala na mê ti ala na ganza pepe so, lakue ala yeke ke tënë ti Yingo-Vuru! Ala yeke tongana akotara ti ala!

Awatokua 9:20

Gi hio na pekoni, lo gue na ya ti ada ti sambelango Nzapa si lo to nda ti fa tënë atene, Jésus ayeke Molenge ti Nzapa.

Rome 1:16

Biani, kamene ti fango Nzoni Tënë asara mbi pepe: Nzoni Tënë ni ayeke ngangu ti Nzapa so lo mu ti soo azo so kue ama na be, azuife kozoni, na pekoni azo ti amara nde.

Rome 2:10

Me azo so ayeke sara ye ti nzoni, fade Nzapa ayeke gonda ala, lo yeke ne ala si lo yeke mu na ala siriri, azuife kozoni si na pekoni azo ti amara nde.

Ndia ti fani use ni 32:21

Ala sara si mbanda ti mbi alondo na lege ti vorongo anzapa so ayeke taa Nzapa pepe; ala zia ngonzo na be ti mbi na lege ti ayanda ti ala. Mbi nga, mbi yeke sara si mbanda ti ala alondo na lege ti ye so ayeke taa mara pepe, mbi yeke zia ngonzo na be ti ala na lege ti mbeni mara so ahinga ndo pepe.

Filipe 1:14

Mingi ti a-ita so abaa mbi na da ti kanga, be ti ala akiri awara ngangu ti zia be ti ala na ndö ti *Kota Gbia. Tongaso, ala yeke fa tënë ti Nzapa na mbeto pepe, ala kiri asara ni ahon ti kozoni.

Ahebro 11:34

ala mingo angangu wâ, ala kpe na maboko ti azo so aye ti fâ ala na yongoro zeme, ala kiri awara ngangu na peko ti kobela so asara ala; ala ga akpengba zo ti sarango bira, ala tumba aturugu ti akodro wande.