Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Awatokua 13:45 - Mbeti ti Nzapa - Tënë so amu fini

45 So azuife abaa gba ti azo ni, kota be asara ala; ala yeke tene tënë ti buba ya ti atënë ti Paul si ala yeke zonga lo.

အခန်းကိုကြည့်ပါ။ ကော်ပီ




Awatokua 13:45
27 ပူးပေါင်းရင်းမြစ်များ  

A-ita ti Joseph asara kota be na tere ti lo. Me babâ ti lo angba ti dabe ti lo na atënë so.


Mbi kiri mbi baa so akua so azo ayeke baa pasi na sarango ni, ala ye ti ga nzoni ti hon amba ti ala. Ye so nga ayeke gi senge senge si ayeke tumbango peko ti pupu senge.


KOTA GBIA, mo yo maboko ti mo na nduzu ti pika ala, me ala baa ni pepe. Fade ala yeke baa so mo yeke na nzara mingi ti sara na azo ti mo, tongaso kamene ayeke gbu le ti ala. Wâ so a leke ndali ti awato ti mo ayeke gbi azo ni.


Moïse akiri tënë na lo: “Mo sara mbanda ndali ti mbi? Tongana KOTA GBIA akangbi yingo ti lo na azo ti Israel kue titene ala ga awayanga-Nzapa, ka ayeke nzoni mingi!”


“Mawa na ala, awafango-ndia, ala na *afarizien! Tënë ti yanga ti ala ayeke nde na sarango ye ti ala! Ala kanga lege ti *Kodro-gbia ti yayu na azo. Ala wani aye ti li na ya ti Kodro-gbia ti yayu ni pepe, me ala yeke kanga lege ni na azo so aye ti li daa. [


Biani, Pilate ahinga atene, ala zia Jésus na maboko ti lo, ngbanga ti so kota be asara ala na tere ti lo.


Me azuife apusu awali so ayeke na kota ndo si ala yeke voro Nzapa, ala na akota zo ti gbata ni titene ala sara ngangu na Paul na Barnabas si atumba ala na sese ti ala.


Ambeni zuife alondo na Antioshe, na sese ti Pisidii, ambeni alondo na Ikoniom si aga; ala sara si gba ti azo ni aye peko ti tënë ti ala. Tongaso ala bo Paul na têne, ala gboto lo asigigi na lo na ya ti gbata ni, ala baa ti ala atene, lo kui awe.


Me ambeni zuife so ake ti ma na be apusu ambeni zo ti amara nde titene be ti ala aga sioni na tere ti a-ita.


Popo ti azo ti gbata ni akangbi: ambeni amu mbage ti azuife si ambeni amu mbage ti *awatokua.


Azo ti amara nde na azuife, ala na amakonzi ti ala ama tere ti sara pasi na awatokua ni, ti bo ala na têne.


Me kota be asara azuife; ala mu ambeni godobe na tere ti ala, ala bi tomboka na li ti gba ti azo si ala bi wusuwusu na ya ti gbata ni. Ala gue na da ti Yason ti gbu Paul na Silas ti ga na ala na gbe ti azo ni.


Me so ala ke tënë ni si ala zonga lo, lo pika sese ti tere ti bongo ti lo na ala si lo tene: “Ayeke nzoni mene ti ala angba na li ti ala wani; ngbanga ti mbi ayeke daa pepe. Fadeso, mbi yeke gue na mbage ti azo ti amara nde.”


Me ambeni akpengba be ti ala si ala ke ti yeda na tënë ni. Na le ti azo kue, ala tene asioni tënë na ndö ti lege ti Kota Gbia. Paul akangbi na ala, lo mu adisiple si ala sigigi; na ya ti lango oko oko, lo yeke tene tënë na ala na ya ti da-mbeti ti Tiranos.


Tongaso, kota wayango-sandaga na azo ti tere ti lo, so ti tene azo ti bongbi ti *asadusien, kota be asara ala na tere ti *awatokua si ala ye ti sara mbeni ye.


Asioni ye nde nde asi singo na be ti ala: ye so ayeke mbirimbiri pepe, sioni be, nzara ti warango ye mingi; ala yeke azo ti sioni be, kota be ahon ndö ti ala, ala yeke azo ti fango zo, azo ti papa, azo ti mvene, azo ti mbana, azo ti dungo mvene na iri ti amba ti ala,


ngbanga ti so ala ngba lakue ti sara ye gi tongana ti azo ti dunia so. So tënë ti kota be na papa angba na popo ti ala so, so afa atene, ala yeke sara ye gi na lege ti azo ti dunia so pepe? Ala yeke sara ye gi tongana ti azo kue pepe?


Mbi tambula na gere mingi, aye ti sioni ahara mbi lege mingi: *abale asuku amu ndo kue, asioni zo, azo ti mara ti mbi na azo ti amara nde aye ti sara sioni na mbi; na ya ti agbata, na ya ti abenyama nga na le ti kota ngu-ingo, aye ti sioni aye ti si na mbi, a-ita ti mvene aye ti sara sioni na mbi.


sarango nzara ti ye ti zo, nyongo samba na tengo kobe butuma, na ambeni mara ti ye tongaso. Mbi tene tënë so na ala kozoni awe, mbi yeke kiri na ndö ni: azo ti sarango aye tongaso, *Kodro-gbia ti Nzapa ayeke ga ti ala pepe.


Ala yeke kanga lege na e ti fa tënë ti Nzapa na azo ti amara nde, tënë so alingbi ti soo ala na kuâ. Tongaso, azuife ayeke sara si siokpari ti ala akiri ahon ndoni. Me na ndani, Nzapa asara ngonzo na tere ti ala.


nga na aye ti ngangu so ando asi na mbi. Mbi baa pasi mingi na Antioshe, na Ikoniom, na Listre. Aye ti ngangu ti nyen laa asi na mbi pepe? Me *Kota Gbia azi mbi na ya ni kue.


Tënë so Mbeti ti Nzapa atene: “Yingo so Nzapa azia na ya ti e, lo ye ni ngangu mingi”, ala baa ni tongana senge senge tënë pepe.


Fadeso, li ti azo ni akpe, ngbanga ti so ala, a-ita, ala yeke sara mbeni pepe asioni sarango ye ti kirikiri so ala na azo ni abongbi ando si ayeke sara ni. Tongaso, azo ni ayeke zonga ala.


Me ti azo ni so, ala yeke zonga aye so ala hinga nda ni pepe. Ataa aye so ala hinga, ala hinga ni tongana anyama so ayeke na ndara pepe si aye ni ayeke buba fini ti ala.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ