Awatokua 13:40 - Mbeti ti Nzapa - Tënë so amu fini

⁴⁰ Ala sara hange si ye so awayanga-Nzapa atene tënë ni ando so asi na ala pepe. Ala tene:

Awatokua 13:40 ပူးပေါင်းရင်းမြစ်များ

Ésaïe 29:14

Ndani laa, fade mbi yeke ngba ti sara si li ti azo so akpe na lege ti aye ti dongo be. Fade a yeke buba ndara ti azo ti ndara, a yeke honde hingango ndo ti azo ti hingango ndo.”

Ezekiel 33:9

Me tongana mo gboto mê ti zo ti sioni titene lo zia lege ti sarango ye ti lo, me lo zia ni pepe, fade lo yeke kui ndali ti siokpari ti lo; ti mo, mo yeke soo fini ti mo.”

Habakuk 1:5

Kota Gbia atene: “Ala zi le ti ala, ala baa ye so ayeke si na popo ti amara nde; fade li ti ala ayeke ga kirikiri, li ti ala kue ayeke kpe! So ala de na fini so, ala yeke baa mbeni ye so ayeke si, ataa mbeni zo atene peko ni na ala, ala yeke yeda na ni pepe.

Malashii 3:2

Zo wa laa alingbi ande ti kanga be ti lo na lango ti gango ti lo, zo wa? Zo wa laa alingbi ti ngba na nduzu na ndembe ti singo ti lo, zo wa? Biani, lo yeke tongana wâ ti matawa wala tongana mokpakpa ti zo ti sukulango bongo.

Nzoni Tënë so Luc asu na mbeti 24:44

Na pekoni, lo tene na ala: “Na ndembe so mbi de na popo ti ala, mbi tene na ala, mbi tene: ayeke nzoni atënë so kue a su na ndö ti mbi na ya ti mbeti ti *Ndia ti Moïse, ti awayanga-Nzapa na ti Abia, aye ni asi alingbi na ni.”

Jean 6:45

Awayanga-Nzapa asu na mbeti, atene: ‘Fade Nzapa ayeke fa ye na azo kue.’ Zo so ama tënë ti Babâ si lo yeda ti manda ye so Babâ afa na lo, zo tongaso laa ayeke ga na mbi;

Awatokua 15:15

Ye ni alingbi na atënë so awayanga-Nzapa atene ando. Biani, Mbeti ti Nzapa atene:

Awatokua 7:42

Nilaa Nzapa azia ala titene ala voro atongoro ti yayu, tongana ti so a tene tënë ni na ya ti mbeti ti awayanga-Nzapa, atene: ‘Ala azo ti Israel, anyama so ala fâ nga na sandaga so ala mu na ya ti ngu baleosio so ala sara na benyama so, ala ga na ni na mbi?

Ahebro 12:25

Ala sara hange! Zo so ayeke tene tënë na ala, ala ke ti ma tënë ti lo pepe. Ando na sese so, azo ti Israel awara sioni, ngbanga ti so ala ke ti ma tënë ti zo so ayeke fa na ala peko ti tënë ti yanga ti Nzapa, ti gboto mê ti ala. Ti e, tongana e ke lo so alondo na yayu si ayeke tene tënë na e, fade e yeke kpe ngbanga ti Nzapa tongana nyen?

Ahebro 2:3

Tongaso, tënë ti songo zo na kuâ ayeke kota ye mingi. Tongana e baa ni tongana mbeni senge ye na le ti e, fade e yeke kpe ngbanga ti Nzapa tongana nyen? Kota Gbia ato nda ti tene tënë ti songo zo na kuâ ni so kozoni. Na pekoni, azo so ama tënë ni, ala fa ni na e si ala ye gbe ni atene, tënë ni ayeke taa-tënë.

Ahebro 3:12

A-ita, le ti ala akpengba! Mbeni zo oko na popo ti ala asara sioni be wala adekite pepe, tongaso si lo zia lege ti Nzapa pepe, lo so lo yeke na fini.