Awatokua 13:31 - Mbeti ti Nzapa - Tënë so amu fini

³¹ Na ya ti alango mingi, lo si na azo so lo na ala alondo na Galile ague ngbii asi na Jérusalem. Fadeso, azo ni laa aga azo ti fango peko ti aye so ala hinga na ndö ti lo na azo ti Israel.

Awatokua 13:31 ပူးပေါင်းရင်းမြစ်များ

Matthieu 28:16

Adisiple baleoko na oko ague na Galile, na li ti hoto so Jésus ahunda na ala ti gue daa.

Nzoni Tënë so Luc asu na mbeti 24:48

Ti ala, ala yeke azo so abaa aye ni na le ti ala awe.

Jean 15:27

Ala nga, fade ala yeke tene tënë so ala hinga na ndö ti mbi, ngbanga ti so ala yeke na mbi ngbene ye na tongo nda ni.”

Awatokua 1:11

Akoli ni atene na ala: “Ala azo ti Galile, ala ngba ti luti na ndo so ti baa ndo na nduzu ngbanga ti nyen? Jésus so a mu lo na popo ti ala ague na lo na yayu so, fade lo yeke kiri gi tongana ti so ala baa lo na guengo ni na yayu.”

Awatokua 1:22

ti londo na lango ti bateme ti Jean ngbii asi na lango so a mu Jésus na popo ti e, a gue na lo na yayu. Tongaso, ayeke nzoni mbeni oko na popo ti ala abongbi na e ti ga zo ti fango na azo tënë ti zingongo ti Jésus na kuâ.”

Awatokua 1:3

Na peko ti kuâ ti lo, lo fa tere ti lo na ala na alege nde nde si lo fa na ala biani so lo yeke na fini. Na ya ti lango baleosio, lo si na ala si lo fa na ala tënë na ndö ti *Kodro-gbia ti Nzapa.

Awatokua 1:8

Me fade ala yeke wara ngangu na ndembe so Yingo-Vuru ayeke zu na ndö ti ala. Tongaso, ala yeke ga azo ti tenengo tënë ti ye so ala hinga na ndö ti mbi, na Jérusalem, na Judée kue, na Samarii, ngbii ala si na nda ti sese kue.”

Awatokua 10:39

E nga, e baa aye so kue lo sara na kodro ti azuife, e baa nga aye so lo sara na Jérusalem. A kanga lo na ndö ti keke ti kroa si lo kui.

Awatokua 10:41

na azo kue pepe, me gi na e. Nzapa asoro e kozoni titene e baa lo si e fa peko ti ye so e baa. Na peko ti so lo zingo na kuâ, e na lo, e te, e nyon.

Awatokua 2:32

“Jésus so mbi yeke tene tënë ti lo so, Nzapa azingo lo na kuâ, e kue, e baa ye ni na le ti e.

Awatokua 3:15

Ala fâ Makonzi so ayeke mu fini na zo, me Nzapa azingo lo na kuâ; e wani, e baa ni na le ti e.

Awatokua 5:32

E yeke tene tënë ti aye so e baa na le ti e, e na Yingo-Vuru so Nzapa amu lo na azo so ama yanga ti lo.”