Awatokua 13:28 - Mbeti ti Nzapa - Tënë so amu fini

²⁸ Ataa so ala wara mbeni tënë na li ti lo pepe so alingbi na ngbanga ti kuâ, ala hunda na Pilate ti fâ lo.

Awatokua 13:28 ပူးပေါင်းရင်းမြစ်များ

Matthieu 27:19

So Pilate angba ti duti na ndo so a leke na lo ti fâ ngbanga, wali ti lo atokua na lo, atene: “Mo yoro yanga ti mo na ya ti tënë ti koli so pepe; lo sara sioni oko pepe. Na bi so, mbi baa pasi mingi na ya ti bango-li ndali ti lo.”

Jean 18:38

Pilate ahunda lo, atene: “Taa-tënë ayeke nyen?” Na pekoni, Pilate akiri asigigi, lo gue, lo wara azuife si lo tene na ala: “Mbi wara ti mbi mbeni tënë oko pepe ti fâ ngbanga na li ti koli so ndali ni.

Jean 19:4

Pilate akiri asigigi si lo tene na azuife: “Ala baa, lo laa mbi yeke sigigi na lo na ala so. Ayeke nzoni ala hinga so mbi wara ti mbi mbeni tënë oko pepe ti fâ ngbanga na li ti koli so ndali ni.”