Awatokua 13:27 - Mbeti ti Nzapa - Tënë so amu fini

²⁷ Biani, azo ti Jérusalem na amakonzi ti gbata ni ake ti hinga Jésus, ala fâ ngbanga ti kuâ na li ti lo; tënë ti awayanga-Nzapa so ala yeke diko lakue na lango ti wungo tere so aga taa-tënë.

Awatokua 13:27 ပူးပေါင်းရင်းမြစ်များ

Tongo nda ti aye 50:20

Ti ala, ala leke na be ti ala ti sara sioni na mbi. Me Nzapa aleke na be ti lo ti sara si sioni ni so aga nzoni ye. Lo sara ni titene lo soo azo mingi na kuâ; ni laa asi laso so.

Matthieu 22:29

Jésus akiri tënë na ala: “Ala girisa lege awe, ngbanga ti so ala hinga nda ti Mbeti ti Nzapa wala ngangu ti Nzapa pepe.

Nzoni Tënë so Luc asu na mbeti 22:34

Jésus atene na lo: “Pierre, mbi tene na mo: kozo titene koli-kondo atoto, fade mo yeke bere fani ota mo tene, mo hinga mbi pepe.”

Nzoni Tënë so Luc asu na mbeti 23:13

Pilate airi akota wayango-sandaga, amakonzi na azo ti kodro

Nzoni Tënë so Luc asu na mbeti 24:20

Akota wayango-sandaga na amakonzi ti e amu lo, aka lo titene a fâ ngbanga ti kuâ na li ti lo si a fâ lo na ndö ti keke ti kroa.

Jean 15:21

Me fade azo ayeke sara ye so kue na ala ndali ti iri ti mbi, ngbanga ti so azo ni ahinga lo so atokua mbi pepe.

Jean 16:3

Azo ni ayeke sara ye so na ala, ngbanga ti so azo ni ahinga Babâ wala mbi pepe.

Jean 5:39

Ala yeke gi nda ti Mbeti ti Nzapa, ngbanga ti so ala baa ti ala atene na lege ni, ala yeke wara fini so angba lakue lakue. Andaa gi Mbeti so laa ayeke tene tënë na ndö ti mbi!

Jean 8:28

Jésus atene na ala: “Tongana ala kanga ande *Molenge ti Zo na nduzu, fade ala yeke hinga so ‘Mbi Yeke’; fade ala yeke hinga so mbi yeke sara ye gi na li ti mbi pepe, me mbi yeke tene gi tënë so Babâ afa na mbi.

Awatokua 15:21

Biani, ngbene ye giriri, azo ayeke fa *Ndia ti Moïse na ya ti agbata oko oko kue; na *lango ti wungo tere oko oko kue, ala yeke diko Ndia ni na ya ti ada ti sambelango Nzapa.”

Awatokua 28:23

Ala na Paul afa mbeni lango si na lango ni so, ala ga mingi awara lo na ndo so lo yeke lango daa. Ti londo na ndaperere ngbii asi na lakui, Paul afa tënë: lo fa ye so lo hinga na ndö ti *Kodro-gbia ti Nzapa si lo yeke gi lege kue titene ala yeda na tënë ti Jésus. Lo mu *Ndia ti Moïse na ambeti ti awayanga-Nzapa si lo yeke fa na tënë ni.

Awatokua 3:17

“Fadeso a-ita, mbi hinga, mbi tene, ye so ala na amakonzi ti ala asara na Jésus, ala hinga ni pepe.

Rome 11:25

A-ita, mbi ye titene ala hinga taa-tënë so a sigigi na nda ni awe, tongaso si ala baa tere ti ala tongana azo ti ndara pepe. Tënë ni ayeke so: fade ambeni zo ti Israel ayeke ngba ti sara ngangu li ngbii asi na ndembe so wungo ti azo ti amara nde alingbi, so ti tene ala so ayeke li na popo ti azo ti Nzapa.

1 Korente 2:8

Mbeni oko na popo ti ala so ayeke na komandema na ndö ti dunia so ahinga tënë ti ndara ni pepe. Tongana ala hinga ni fade, ka ala fâ *Kota Gbia na ndö ti keke ti kroa pepe, Kota Gbia so alingbi na gonda.

2 Korente 3:14

Me lege ti hingango ndo ti ala akanga ando! Ndani laa, ti londo na ndembe ni so ngbii asi laso, tongana ala yeke diko mbeti ti Kozo Mbuki, bongo ni angba ti kanga le ti ala; a de azi bongo ni so pepe. A yeke zi bongo ni gi na le ti zo so aga oko na Christ.

2 Korente 4:4

azo so ake ti ma na be. Sioni nzapa ti sese so akanga lege ti hingango ndo ti ala titene ala baa zango ti Nzoni Tënë pepe. Andaa Nzoni Tënë ni ayeke fa gonda ti Christ, lo so lo yeke limo ti Nzapa.

1 Timothée 1:13

Mbi yeke kozoni zo ti zongango lo, zo ti sarango ngangu na lo, zo ti tiringo na lo. Me Nzapa abaa mawa ti mbi, ngbanga ti so ye so mbi yeke sara lani so, mbi hinga ni pepe si mbi de nga ti ma na be pepe.