Awatokua 13:25 - Mbeti ti Nzapa - Tënë so amu fini

²⁵ Na ndembe so Jean aga nduru ti hunzi kua ti lo, lo tene: ‘Ala baa ti ala atene, mbi yeke zo wa? Zo so ala yeke ku lo so ayeke mbi pepe. Ala ma: lo yeke ga na peko ti mbi, mbi lingbi ti zi aporo ti gere ti lo pepe.’

Awatokua 13:25 ပူးပေါင်းရင်းမြစ်များ

Matthieu 3:11

Ti mbi, mbi yeke batize ala na ngu ti fa na le ti azo so ala zia ngbene lege ti sarango ye ti ala awe; me lo so ayeke ga na peko ti mbi, fade lo yeke batize ala na Yingo-Vuru nga na wâ. Ngangu ti lo ahon ti mbi: mbi kpa zo ti zi poro ti gere ti lo pepe.

Marc 1:7

Lo fa tënë na azo, lo tene: “Mbeni zo so ngangu ti lo ahon ti mbi ayeke ga na peko ti mbi; mbi kpa zo ti kuku na sese ti zi kamba ti poro ti gere ti lo pepe.

Jean 1:29

Lango oko na pekoni, Jean abaa Jésus so ayeke ga na mbage ti lo si lo tene: “Baa, Kete Taba ti Nzapa so ayeke zi siokpari na li ti azo ti dunia laa!

Jean 1:34

Mbi Jean, mbi baa ye so, nilaa mbi tene na azo kue, mbi tene: koli so ayeke Molenge ti Nzapa.”

Jean 1:36

Lo baa Jésus na hongo ni si lo tene: “Baa, Kete Taba ti Nzapa laa!”

Jean 4:34

Jésus atene na ala: “Kobe ti mbi ayeke ti sara ye so be ti lo so atokua mbi aye, ti hunzi kua so lo mu na mbi ti sarango ni.

Jean 7:18

Zo so ayeke tene gi tënë ti be ti lo, lo yeke gi titene azo agonda lo. Me zo so ayeke gi titene azo agonda zo so atokua lo, lo yeke tene gi taa-tënë; tënë ti mvene ayeke na yanga ti lo pepe.

Awatokua 13:36

Na ngoi so David angba na fini, lo sara ye so kue Nzapa aye lo ti sara. Na pekoni lo kui, a lu lo na tere ti akotara ti lo si lo fun.

Awatokua 19:4

Paul atene na ala: “Jean abatize azo so aye ti zia ngbene lege ti sarango ye ti ala. Lo hunda na azo ti ma na be na lo so ayeke ga na peko ti lo, so ti tene Jésus!”

Awatokua 20:24

Me mbi baa so fini ti mbi ayeke senge ye na le ti mbi. Ye so mbi yeke gi lege ni, ayeke ti hunzi kua ti mbi, ti sara ye so kue Kota Gbia Jésus amu na mbi ti sara, so ti tene kua ti fango Nzoni Tënë ti nzoni be ti Nzapa na azo.

2 Korente 4:5

Biani, tënë so e yeke fa, e yeke fa ni na ndö ti e wani pepe, me na ndö ti Jésus Christ, lo so lo yeke *Kota Gbia. Ti e, e yeke fa na ala so, e yeke azo ti kua ti ala ndali ti Jésus.

2 Timothée 4:7

Mbi tiri nzoni bira na legeni, mbi si na nda ti lege ni awe, mbi bata lege ti mabe.

Aye so Nzapa afa 11:7

Me tongana ala hunzi tenengo peko ti tënë ti yanga ti Nzapa awe, nyama so ayeke londo na ya ti *kota du so alinda mingi ayeke sigigi, lo yeke tiri bira na ala, lo yeke hon ndö ti ala si lo yeke fâ ala.