Awatokua 13:20 - Mbeti ti Nzapa - Tënë so amu fini

²⁰ Ye ni kue asara nduru na ngu ngbangbo osio na baleoku. “Na pekoni, Nzapa amu na ala awafango-ngbanga ngbii asi na ngoi ti wayanga-Nzapa Samuel.

Awatokua 13:20 ပူးပေါင်းရင်းမြစ်များ

2 Samuel 7:11

Ti londo na lango so mbi zia awafango-ngbanga ti sara komandema na ndö ti azo ti Israel, azo ti mbi, mbi tumba awato ti mo kue si mo wara lege ti duti kpoo. KOTA GBIA atene na mo lani atene, lo laa lo yeke sara da ndali ti mo.

2 Agbia 23:22

Ti londo na ngoi so awafango-ngbanga ayeke sara komandema na Israel ngbii asi na ngoi ti agbia ti Israel na ala ti Juda, azo asara mara ti matanga ti Pake tongaso pepe.

1 Mbai 17:6

Na ngoi so kue mbi na azo ti Israel kue, e tambula, mbi mu awafango-ngbanga ti fa lege na ala. Laoko mbi gboto mê ti mbeni wafango-ngbanga, mbi tene: Ngbanga ti nyen si mo sara na mbi da pepe na keke ti sedre?’

Awatokua 3:24

Ti londo na Samuel na awayanga-Nzapa so aga na peko ti lo, ala kue afa tënë ti aye so ayeke si na ya ti alango so e yeke daa fadeso.

Awafango-ngbanga 2:16

Tongaso KOTA GBIA asara si awafango-ngbanga abaa na gigi. Kua ti awafango-ngbanga ni ayeke ti zi azo ti Israel na maboko ti azo ti gbungo aye ti azo.

Awafango-ngbanga 3:10

Yingo ti KOTA GBIA ayeke na ndö ti Otniel si lo ga wafango-ngbanga na ndö ti azo ti Israel. Lo gue na bira. KOTA GBIA azia Kushan-Rishataim, gbia ti Mezopotamii na maboko ti lo si lo hon ndö ti Kushan-Rishataim.

Ruth 1:1

Ando, na ngoi so awafango-ngbanga ayeke na li ti kodro ti Israel, mbeni kota nzara ati na ya ti kodro ni. Tongaso, mbeni koli ti kodro ti Betlehem, na sese ti Juda, lo na wali ti lo, na amolenge ti lo ti koli use, alondo na kodro ti ala ti gue ti duti ndali ti mbeni ngoi na ndo so azo ayeke fâ yaka daa, na sese ti Moab.

1 Samuel 12:11

Tongaso KOTA GBIA atokua Gédéon, Bedan, Yefte na mbi Samuel ti zi ala na maboko ti awato so angoro ala. Tongaso si ala lingbi ti lango na ya ti kodro ni na siriri.

1 Samuel 3:20

Nilaa, ti londo na sese ti Dan ngbii asi na kodro ti Bersheba, azo ti Israel kue ahinga atene, Samuel aga fadeso wayanga-Nzapa awe.