Awatokua 13:2 - Mbeti ti Nzapa - Tënë so amu fini

² Mbeni lâ, so ala bongbi ti voro *Kota Gbia si ala ke kobe ti sambela, Yingo-Vuru atene na ala: “Ala zia Barnabas na Saul nde ndali ti mbi titene ala sara kua so mbi iri ala ndali ni.”

Awatokua 13:2 ပူးပေါင်းရင်းမြစ်များ

1 Mbai 16:4

David amu ambeni zo ti mara ti Lévi si lo zia ala na dawa ti sanduku ti *mbuki ti *KOTA GBIA titene ala dabe ti azo na iri ti KOTA GBIA, ala sepela lo si ala gonda nga KOTA GBIA, Nzapa ti Israel.

Daniel 9:3

Mbi yo le ti mbi na nduzu ti baa ndo na mbage ti KOTA GBIA ti sambela lo, ti voro tere ti mbi na lo. Mbi ke kobe, mbi yu bongo ti mua si mbi tuku mburu ti wâ na li ti mbi.

Matthieu 17:21

Me gi na lege ti sambela na kengo kobe laa ala lingbi ti tumba mara ti yingo so.”]

Matthieu 6:16

“Tongana ala yeke ke kobe ti sambela, ala duti na vundu pepe tongana ti azo so tënë ti yanga ti ala ayeke nde na sarango ye ti ala: azo ni ayeke sara le ti ala kirikiri ti fa na azo atene, ala yeke ke kobe ti sambela. Mbi tene na ala taa-tënë: azo ni awara ti ala futa ni awe.

Matthieu 9:38

Ayeke nzoni ala hunda na wa ti yaka ni titene lo tokua azo ti kua ti fâ ale ti kobe ti yaka ti lo ni.”

Nzoni Tënë so Luc asu na mbeti 10:1

Na pekoni, *Kota Gbia asoro ambeni disiple balembarambara na use; lo tokua ala use use titene ala hon kozoni na lo na ya ti agbata na akete kodro so kue lo ye ti gue daa.

Nzoni Tënë so Luc asu na mbeti 2:37

Na pekoni, lo ga wali-mua; lo yeke na ngu balemiombe na osio, lo ngba gi na ya ti kota da ti Nzapa; bi na lâ, lo yeke sara kua ti Nzapa, lo yeke ke kobe si lo yeke sambela.

Awatokua 10:19

Pierre angba ti gbu li ti lo na nda ti ye so lo baa so, Yingo atene na lo: “Baa, akoli ota ayeke ge, ala yeke gi mo.

Awatokua 10:30

Corneille akiri tënë: “Asara lango ota laso, na ngbonga ota ti peko ti bekombite, mbi yeke sambela na ya ti da ti mbi. Mo ye ti baa, mbeni koli so bongo ti tere ti lo aza zango aga aluti na dawa ti mbi;

Awatokua 13:3

Na peko ti so ala ke kobe si ala sambela awe, ala zia maboko na ndö ti azo use so si ala mu na ala lege ti gue.

Awatokua 13:4

Tongaso Yingo-Vuru atokua Barnabas na Saul si ala gue na Selesii. Kâ, ala mu mangboko ti gue na zoa ti Shipre.

Awatokua 14:26

Ala londo na ndo so, ala mu mangboko ti kiri na Antioshe, na sese ti Sirii. Na ya ti gbata so laa a zia ala lani na maboko ti Nzapa ti nzoni be titene ala sara kua so ala hunzi ni awe so.

Awatokua 20:28

Ala sara hange na lege ti dutingo ti ala, ala bata nzoni ataba so Yingo-Vuru azia na maboko ti ala. Ala bata nzoni azo ti Eglize so Nzapa asoro ala na lege ti mene ti molenge ti lo.

Awatokua 22:21

Kota Gbia atene na mbi: ‘Mo gue, ngbanga ti so mbi yeke tokua ande mo yongoro na mbage ti azo ti amara nde!’ ”

Awatokua 4:36

Mbeni koli ayeke daa so iri ti lo Joseph, awatokua airi lo Barnabas – nda ni atene “wamungo-wango” –, lo yeke mbeni zo ti mara ti Lévi si a du lo na Shipre.

Awatokua 6:4

Ti e, fade e yeke mu tere ti e kue ti sambela, ti sara kua ti fango tënë ti Nzapa.”

Awatokua 8:29

Yingo atene na Philippe: “Mo gue, mo tengbi na pusu ti mbarata so.”

Awatokua 9:15

Me Kota Gbia atene na lo: “Gue, ngbanga ti so mbi soro koli so ti sara kua ti mbi, ti sara si amara nde, na agbia na azo ti Israel ahinga iri ti mbi.

Rome 1:1

Mbi Paul, zo ti kua ti Jésus Christ, mbi yeke *watokua so Nzapa airi mbi si lo zia mbi nde titene mbi fa Nzoni Tënë ti lo na azo.

Rome 10:15

Fade azo ayeke fa tënë ni tongana nyen so a tokua ala pepe so? Mbeti ti Nzapa atene nga: “So ayeke nzoni ye mingi ti baa azo so aga ti fa anzoni tënë!”

Rome 15:16

si lo mu mbi ti ga zo ti kua ti Jésus Christ na popo ti azo ti amara nde. Lo zia mbi nde ti fa Nzoni Tënë ti Nzapa. Tongaso, azo ti amara nde alingbi ti ga nzoni *sandaga na le ti Nzapa na lege ti Yingo-Vuru, lo so lo sara si ala ga nzoni kue.

1 Korente 12:11

Me gi oko Yingo so laa ayeke sara aye so kue; lo laa lo yeke kangbi amatabisi so kue na azo tongana ti so be ti lo aye.

1 Korente 7:5

Ala gbanzi tere ti ala na ndö ti gbogbo pepe, gi tongana ala ma tere na ya ti mbeni kete ngoi ti sambela. Na pekoni, ala kiri ti duti tongana ti kozo; tongaso pepe, fade ala yeke na ngangu ti kangango nzara ti tere pepe si Satan awara lege ti handango ala.

2 Korente 11:27

Mbi sara angangu kua mingi, aye ti ngangu asi na mbi mingi, lege mingi lango akpe na le ti mbi; nzara ti kobe na ti ngu asara mbi; lege mingi mbi lango nzara; lege mingi de asara mbi, bongo atia mbi.

2 Korente 6:5

azo apika e, ala bi e na da ti kanga, ala tomboka na tere ti e, e woko na peko ti sarango kua, e lango pepe, e duti na nzara.

Galasii 1:15

So mbi de na ya ti mama ti mbi, Nzapa azia mbi nde, lo iri mbi na lege ti nzoni be ti lo. Na ndembe so Nzapa aye

Efeze 3:7

Na lege ti nzoni be ti Nzapa, lo sara si mbi ga zo ti kua ti fango Nzoni Tënë. Nzapa asara ye so na lege ti ngangu ti lo.

Ndia ti fani use ni 10:8

Na ngoi ni so, KOTA GBIA azia azo ti mara ti Lévi nde titene ala yo sanduku ti mbuki ti lo, ala luti na dawa ti KOTA GBIA ti sara kua ti lo, ti sara tufa na ndö ti azo na iri ti lo. Azo ti mara ti Lévi angba ti sara akua so ngbii asi laso.

Kolose 4:17

Ti hunzi na tënë ti mbi, ala tene na Arshipe: “Sara hange na kua so Kota Gbia amu na mo! Mo sara ni nzoni.”

1 Timothée 2:7

Ndali ti tënë so, Nzapa azia mbi zo ti fango tënë nga *watokua ti lo. Mbi yeke nga zo ti fango nda ti tënë ti mabe na azo ti amara nde si mbi yeke fa nga nda ti taa-tënë. Mbi yeke tene taa-tënë, mbi yeke tene mvene pepe.

2 Timothée 1:11

Ndali ti fango Nzoni Tënë so laa Nzapa azia mbi *watokua na zo ti fango nda ti tënë ti lo na azo.

2 Timothée 2:2

Ye so mo ma na yanga ti mbi na le ti azo mingi, mo zia na maboko ti azo so alingbi ti bata ni mbirimbiri, ala so alingbi ti kiri ti fa ni na ambeni zo.

2 Timothée 4:11

Gi Luc oko laa angba na tere ti mbi. Mu Marc na tere ti mo si mo na lo aga, ngbanga ti so lo lingbi ti mu na mbi maboko na ya ti kua ti Nzapa.

2 Timothée 4:5

Ti mo, ayeke nzoni na ya ti ye kue, mo sara ye ahon ndoni pepe, me na legeni. Kanga be ti mo na ya ti pasi, sara kua ti fango Nzoni Tënë na azo, kua so Nzapa amu na mo ti sarango ni, mo sara ni kue.

Ahebro 5:4

Zo ayeke mu tere ti lo wani ti si na kota ndo ni pepe, so ti tene, ti ga kota wayango-sandaga; me Nzapa laa ayeke iri zo ni tongana ti so lo iri ando Aaron.

1 Samuel 2:11

Na pekoni, Elkana akiri na da ti lo na kodro ti Rama. Ti molenge ni, lo ngba ti lo ti sara kua na KOTA GBIA na gbe ti wayango-sandaga Heli.