Awatokua 13:17 - Mbeti ti Nzapa - Tënë so amu fini

¹⁷ Nzapa ti azo ti Israel asoro akotara ti e. Lo sara si li ti azo ni awu mingi na ndembe so ala yeke wande na kodro ti Ezipte. Na pekoni, na lege ti ngangu ti lo, lo sara si ala londo na Ezipte asigigi.

Awatokua 13:17 ပူးပေါင်းရင်းမြစ်များ

Abia (Psaumes) 135:4

Biani, KOTA GBIA asoro Jacob ndali ti lo wani, lo soro Israel titene aga ye ti lo wani.

Sigingo 12:51

Taa gi na lango ni so, KOTA GBIA azi azo ti Israel na kodro ti Ezipte asigigi na ala na lege ti molongo ti amara ti ala.

Sigingo 13:14

Gbanda, tongana amolenge ti ala ahunda ala, atene: ‘Nda ti ye so ala sara so ayeke nyen?’ Fade ala kiri tënë na ala, atene: ‘Na ngangu ti maboko ti KOTA GBIA, lo sara si e sigigi na Ezipte, ndo so lani e yeke angbaa daa so.

Sigingo 13:16

Asandaga so ayeke ga ye ti dango be ti ala, legeoko tongana mbeni nzoroko na tere ti maboko ti ala nga na ndö ti le ti ala. Asandaga ni ayeke dabe ti ala na ngangu ti maboko ti KOTA GBIA, lo so lo zi ala na Ezipte lo sigigi na ala.”

Sigingo 14:8

KOTA GBIA asara si be ti Faraon, gbia ti Ezipte akpengba si lo to nda ti tumba peko ti azo ti Israel. Me azo ti Israel asigigi na Ezipte, ala yoro maboko ti ala na nduzu ti fa atene, ala sigigi na gbe ti ngbaa awe.

Sigingo 18:11

Fadeso mbi hinga, mbi tene, KOTA GBIA ayeke kota ahon anzapa kue. Lo fa ni na ngoi so azo ti Ezipte ayeke sara sana na azo ti Israel.”

Ésaïe 44:1

Me fadeso Jacob, zo ti kua ti mbi, mo ma! Israel, mo so mbi soro mo, mo ma!

Amos 2:10

Kozoni, mbi mu ala, azo ti Israel na kodro ti Ezipte mbi sigigi na ala, mbi fa lege na ala na ya ti benyama ngu baleosio titene ala gue, amu kodro ti mara ti Amori titene aga ti ala.

Mishe 6:4

Mbi mu ando ala na sese ti Ezipte, mbi sigigi na ala; mbi zi ala na gbe ti ngbaa si mbi tokua Moïse, Aaron na Miriam ti fa na ala lege. So sioni laa mbi sara so?

Ndia ti fani use ni 10:22

Na ndembe so akotara ti ala ague na sese ti Ezipte, wungo ti ala ayeke ando balembarambara senge. Fadeso, KOTA GBIA Nzapa ti ala asara si ala wu gbani gbani tongana atongoro ti le ti nduzu.

Ndia ti fani use ni 14:2

Biani, ala yeke azo ti mara so a zia ala nde ndali ti KOTA GBIA Nzapa ti ala. Na popo ti amara ti sese kue, gi ala laa KOTA GBIA Nzapa ti ala asoro ala titene ala ga azo ti lo wani.

Ndia ti fani use ni 4:20

Me ti ala, azo ti Israel, KOTA GBIA amu ala, lo sara si ala sigigi na sese ti Ezipte, ndo so ala baa pasi daa tongana ti zo so ayeke na ya ti kota fur. Lo sara si ala ga azo ti lo wani, tongana ti so ala yeke laso.

Ndia ti fani use ni 4:34

Mbeni nzapa nde atara laoko ti gue ti zi azo ti lo na gbe ti mbeni mara nde awe? Oko pepe, me KOTA GBIA Nzapa ti ala, azo ti Israel, ague, azi ala na sese ti Ezipte; ala wani abaa na le ti ala. Lo zi ala na lege ti ngangu ti maboko ti lo nga na lege ti maboko ti lo so lo yoro; na lege ti akota pasi, aye ti kpene na aye ti dongo be, akota ye ti ngangu nga na aye so ayeke zia mbeto na be ti zo.

Ndia ti fani use ni 4:37

Ndali ti so lo ye akotara ti ala, nilaa lo soro ala, *ahale ti ala; lo wani, lo sara si ala sigigi na sese ti Ezipte na lege ti kota ngangu ti lo.

Ndia ti fani use ni 7:19

ala wani abaa na le ti ala akota pasi, aye ti kpene na aye ti dongo be so KOTA GBIA asara lani. Ala dabe ti ala nga na ngangu ti maboko ti lo nga na maboko ti lo so lo yoro ti sara si ala sigigi na ya ti kodro ni. Fade KOTA GBIA Nzapa ti ala ayeke sara legeoko tongaso na amara nde so kue ala, azo ti Israel, ala ngba ti sara mbeto ti ala so.

Ndia ti fani use ni 9:5

Ala azo ti Israel, tongana ala wara lege ti mu sese ti azo ti mara ni titene aga ti ala, ayeke ngbanga ti mbirimbiri ti ala pepe wala ayeke ngbanga ti so be ti ala ayeke mbirimbiri. Me KOTA GBIA ayeke tumba azo ni, ngbanga ti so sarango ye ti ala ayeke sioni. Lo yeke tumba nga azo ni ti sara si zendo so lo mu ando na akotara ti ala Abraham, Isaac na Jacob aga taa-tënë.

1 Pierre 2:9

Me ti ala, ala yeke azo ti mara so Nzapa asoro ala awe, awayango-sandaga ti Gbia, azo ti mara so ayeke nde si ayeke nzoni kue, azo so Nzapa amu ala ti ga azo ti lo wani titene ala fa tënë ti akota ye so lo sara. Lo iri ala ti sigigi na ya ti vukongo ndo si ala duti na ya ti lumiere ti lo so ayeke do be ti zo.

1 Samuel 4:8

Azo, e kui awe! Zo wa laa ayeke zi e na maboko ti ngangu Nzapa so? Nzapa so laa abi ando akpale nde nde na ndö ti azo ti Ezipte na ya ti benyama.