Awatokua 13:12 - Mbeti ti Nzapa - Tënë so amu fini

¹² So govoronere ni abaa ye so asi, lo ma na be. Biani, tënë ti Kota Gbia so lo ma agbu be ti lo mingi.

Awatokua 13:12 ပူးပေါင်းရင်းမြစ်များ

Matthieu 27:54

So makonzi ti aturugu ni na aturugu so ayeke bata Jésus abaa sese so ayingi nga na aye so kue asi, mbeto agbu ala mingi si ala tene: “Taa-tënë, lo yeke Molenge ti Nzapa!”

Nzoni Tënë so Luc asu na mbeti 4:22

Ala kue ayeke gonda lo; li ti ala kue akpe ndali ti tënë ti nzoni be so ayeke sigigi na yanga ti lo. Ala hunda ndo, atene: “Molenge ti Joseph so laa pepe?”

Nzoni Tënë so Luc asu na mbeti 7:16

Mbeto agbu azo ni kue si ala yeke gonda Nzapa, atene: “Mbeni kota wayanga-Nzapa aga na popo ti e awe! Nzapa aga ti baa azo ti lo!”

Jean 7:46

Aturugu ni akiri tënë na ala, atene: “Mbeni zo ti tene tënë tongana koli so ayeke daa oko pepe!”

Awatokua 13:48

So azo ti amara nde ama tënë so, be ti ala asi na ngia si ala gonda tënë ti Kota Gbia. Ala so a soro ala ti wara fini so angba lakue lakue, ala ma na be.

Awatokua 13:49

Tënë ti Kota Gbia amu ya ti sese ni kue.

Awatokua 13:7

Lo yeke mbeni zo ti tere ti Serzius Polus, govoronere so ayeke mbeni zo ti ndara. Govoronere ni atisa Barnabas na Saul, ngbanga ti so lo ye ti ma tënë ti Nzapa.

Awatokua 13:8

Me Elimas – iri ti zo ti mazi so na yanga ti greke laa – aye ti kanga lege na ala, lo gi lege ti sara si govoronere ni ama na be pepe.

Awatokua 15:35

Paul na Barnabas angba na Antioshe. Ala na ambeni zo mingi ayeke fa ye na azo, ala fa nga Nzoni Tënë ti Kota Gbia na azo.

Awatokua 15:36

Aninga kete na pekoni, Paul atene na Barnabas: “E kiri, e baa a-ita so ayeke na ya ti agbata so kue e fa tënë ti *Kota Gbia daa kozoni so; e baa dutingo ti ala kâ ayeke tongana nyen.”

Awatokua 18:12

Na ngoi so Galion ayeke govoronere ti sese ti Akayi, be ti azuife kue ake Paul. Ala gbu lo si ala gue na lo na ngbanga,

Awatokua 19:10

Ye so asara ngu use. Tongaso azo ti Azii kue, azuife na azo ti amara nde awara lege ti ma tënë ti Kota Gbia.

Awatokua 19:20

Nilaa na lege ti ngangu ti Kota Gbia, tënë ti Nzapa asi na ndo kue si ngangu ni ayeke gue guengo na nduzu.

Awatokua 19:38

Tongana Demetrius na azo so lo na ala ayeke sara kua ayeke na tënë na mbeni zo, azo ti fango ngbanga ayeke daa, alango ti fango ngbanga ayeke daa: ala gue, afa tënë ni kâ!

Awatokua 19:7

Wungo ti azo ni kue ayeke baleoko na use.

Awatokua 28:7

Mbeni kota yaka ayeke nduru na ndo so e yeke daa, yaka ni ayeke ti Publius, makonzi ti zoa ni. Lo yamba e nzoni si e sara lango ota na ndo ti lo.

Awatokua 6:10

Me Étienne atene tënë na lege ti ndara so Yingo-Vuru amu na lo, nilaa ala lingbi ti hon lo na tënë pepe.

Awatokua 8:25

Na peko ti so Pierre na Jean afa tënë ti ye so ala hinga na ndö ti Kota Gbia awe si ala fa nga tënë ti lo awe, ala mu lege ti kiri na Jérusalem. Na lege, ala yeke fa Nzoni Tënë na ya ti akete kodro mingi ti Samarii.