Awatokua 13:11 - Mbeti ti Nzapa - Tënë so amu fini

¹¹ Fadeso, maboko ti Kota Gbia ayeke zu na ndö ti mo: le ti mo avuko si na ya ti mbeni ngoi, mo yeke kiri ti baa ndo pepe.” Gi hio tongaso, le ti Elimas avuko si lo yeke tatara ndo titene lo wara mbeni zo ti gbu maboko ti lo ti fa lege na lo.

Awatokua 13:11 ပူးပေါင်းရင်းမြစ်များ

Tongo nda ti aye 19:11

ala sara si le ti azo so ayeke na yanga ti da ni so avuko, ti londo na amolenge ngbii asi na akota zo. Ala gi yanga ti da ni gbaa, akara ala.

2 Agbia 6:8

Gbia ti Sirii ayeke tiri bira na Israel. Lo na aturugu ti lo ti kota kamba abongbi ti ma tere si lo tene na ala ndo so lo ye ti sara bâbâ ti lo daa.

Mbeti ti Job 19:21

Ala amba ti mbi, ala baa mawa ti mbi, ala baa mawa ti mbi maa! Biani, maboko ti Nzapa laa apika mbi.

Abia (Psaumes) 32:4

Bi na lâ, mo yeke pika lani mbi mingi; mbi hole holengo tongana pere so ahole ndali ti lâ ti buru. Luti kete

Abia (Psaumes) 38:2

*KOTA GBIA, mo pika mbi, me na ngonzo pepe, mo suku na mbi, me na ngonzo ti wâ pepe.

Sigingo 9:3

fade maboko ti KOTA GBIA ayeke sara ngangu na anyama ti mo so ayeke te pere na ngonda: mbeni sioni kobela ti ngangu ayeke ti na ndö ti ambarata, alele, *azambala, abagara nga na ataba.

Ésaïe 29:10

Biani, *KOTA GBIA asara si yingo ti kota lango aga na ndö ti ala. Lo kanga le ti awayanga-Nzapa ti ala, lo bi bongo na le ti azo ti bango nda ti aye ti ala.

Jean 9:39

Jésus atene: “Mbi ga na dunia so ti fâ ngbanga: tongaso si awaziba abaa ndo si azo so ayeke baa ndo, akiri aga awaziba.”

Awatokua 9:17

Tongaso Ananias ague, lo li na ya ti da so Saul ayeke daa; lo zia maboko na ndö ti Saul, lo tene: “Ita ti mbi Saul, Kota Gbia laa atokua mbi. Jésus so asi na mo na lege na gango ti mo, lo tokua mbi titene mo kiri mo baa ndo si mo si singo na Yingo-Vuru.”

Rome 11:25

A-ita, mbi ye titene ala hinga taa-tënë so a sigigi na nda ni awe, tongaso si ala baa tere ti ala tongana azo ti ndara pepe. Tënë ni ayeke so: fade ambeni zo ti Israel ayeke ngba ti sara ngangu li ngbii asi na ndembe so wungo ti azo ti amara nde alingbi, so ti tene ala so ayeke li na popo ti azo ti Nzapa.

Ahebro 10:31

Titene zo ati na gbe ti ngbanga ti Nzapa so ayeke na fini, so ayeke ye ti ngangu mingi!

2 Pierre 2:17

Awafango-ye ti mvene so ayeke tongana ali ti ngu so ahole, ala yeke tongana ambinda so kota pupu ayeke hon na ni. Nzapa aleke ndo so avuko pitipiti ti ku na ala.

1 Samuel 5:11

Azo ti Ekron nga airi agbia kue ti azo ti Filistii ti bongbi si ala tene na ala: “Ala mu sanduku ti mbuki ti Nzapa ti Israel akiri na ni na ndo so lani ayeke daa. Tongaso si afâ e na azo ti gbata ti e kue pepe.” Biani, mbeto ti kuâ asara ala, ngbanga ti so maboko ti KOTA GBIA asara ngangu na ala mingi.

1 Samuel 5:9

Me gi so ala si na ni na Gat awe, maboko ti KOTA GBIA asara ngangu na azo ti gbata ni. Kota mbeto asara ala. KOTA GBIA azia kobela ti sukungo ye na tere ti ala: amolenge na akangba.