Awatokua 12:7 - Mbeti ti Nzapa - Tënë so amu fini

⁷ Mo ye ti baa, *ange ti *Kota Gbia asi, mbeni ye tongana wâ aza na ya ti kubu so Pierre ayeke daa. Ange ni andu Pierre na kate ti lo, Pierre azingo si ange ni atene na lo: “Londo hio!” Tongaso azingiri ni azi na maboko ti Pierre, ati.

Awatokua 12:7 ပူးပေါင်းရင်းမြစ်များ

2 Samuel 22:29

KOTA GBIA, mo laa mo yeke lamba ti mbi. KOTA GBIA asara si vukongo ndo so mbi yeke na ya ni aga vurungo ndo.

1 Agbia 19:5

Na pekoni, lo lango na sese na gbe ti kete keke ni si lango ahon na lo. Me mbeni *ange aga andu lo si atene na lo: “Londo mo te kobe!”

1 Agbia 19:7

Me ange ti KOTA GBIA akiri aga andu lo si atene na lo: “Londo mo te kobe, ngbanga ti so lege angba ti yo na mo.”

Abia (Psaumes) 107:14

Lo zi ala na ndo so avuko pitipiti si lo fâ ya ti azingiri ti ala.

Abia (Psaumes) 116:16

KOTA GBIA, mbi yeke zo ti kua ti mo, mbi yeke zo ti kua ti mo; mama ti mbi ayeke ando zo ti kua ti mo. Mo laa mo fâ ya ti akamba so akanga mbi.

Abia (Psaumes) 146:7

Azo so asara ngangu na ala, lo yeke fâ ngbanga ti ala na legeni. Lo yeke mu kobe na azo so nzara asara ala, KOTA GBIA ayeke zi azo ti kanga.

Abia (Psaumes) 34:7

Zo ti mawa adekongo, KOTA GBIA ama lo si lo zi lo na ya ti aye ti ngangu kue.

Abia (Psaumes) 68:6

Kâ na da ti lo so ayeke nde si ayeke nzoni kue, Nzapa ayeke babâ ti anyindu, lo yeke gbu koko ti awali-mua.

Ésaïe 37:30

“Ti mo Ezekias, ye so ayeke fa na mo ye so ayeke si ande ayeke so: na ngu so, azo ayeke te le ti kobe so asigigi na be ti lo wani. Na ngu ti peko, ala yeke te gi mara ni. Me na ota ngu ni, fade ala yeke lu ale ti kobe, ala yeke fâ ale ti kobe ni, ala yeke lu yaka ti *vinye si ala yeke te alengo ni.

Ésaïe 60:1

Jérusalem, londo! Mo za tongana lumiere, ngbanga ti so lumiere ti mo ayeke ga, gonda ti *KOTA GBIA ayeke za na ndö ti mo.

Jérémie 40:1

Tënë ti *KOTA GBIA asi na Jérémie na peko ti so Nebuzaradan, makonzi ti aturugu ti batango gbia azi Jérémie si lo zia lege na lo ti londo na Rama ti hon. Na ndembe so Nebuzaradan agbu lani Jérémie, andaa a kanga lo na zingiri si lo yeke na popo ti azo ti Jérusalem na ti Juda so kue a gbu ala ti gue na ala na Babilone.

Ezekiel 43:2

Kâ, mbi baa gonda ti Nzapa ti Israel alondo na To si ayeke ga. Toto ti gonda ni ayeke tongana toto ti kota ngu-ingo; gonda ni ayeke su na ndö ti sese.

Daniel 3:28

Nabukodonosor amu tënë si atene: “E mu singila na Nzapa ti Shadrak, ti Meshak na ti Abed-Nego! Lo tokua *ange ti lo ti soo azo ti kua ti lo na kuâ. Ala zia be ti ala kue gi na ndö ti lo si ala ke ti ma yanga ti mbi so mbi yeke gbia. Ala yeda ti mu tere ti ala na kuâ, ahon titene ala sara na mbeni nzapa nde si ala voro mbeni nzapa so ayeke Nzapa ti ala pepe.

Daniel 6:22

Daniel akiri tënë na gbia, atene: “Gbia na nduzu!

Mishe 7:9

Ayeke nzoni mbi kanga be ti mbi na ngonzo ti KOTA GBIA, ngbanga ti so mbi sara siokpari ti ke ti lo. Me mbeni lango ayeke ga so fade lo yeke mu tënë ti mbi na maboko ti lo, lo yeke sara si fango ngbanga ti mbi aduti na legeni. Lo yeke zi mbi na ya ti vukongo ndo ti zia mbi na ya ti lumiere si fade mbi yeke baa aye ti lo so lo sara ni na lege ti mbirimbiri.

Habakuk 3:11

Na dawa ti zango ti ale ti kokora ti mo nga na dawa ti zango le ti alikongo ti mo so ayeke hon hongo, lâ na nze aluti kpoo.

Habakuk 3:4

Lo yeke su tongana lâ. Azango ye tongana ti lâ asigigi na maboko ti lo; na ndo so laa ngangu ti lo ahonde tere daa.

Matthieu 2:13

Na peko ti so azo ti gingo nda ti atongoro ni amu lege ague awe, mbeni *ange ti *Kota Gbia asi na Joseph na ya ti bango-li. Lo tene na Joseph: “Londo, mu molenge ni, lo na mama ti lo, ala kpe ague na Ezipte, aduti kâ! Tongana mbi mu yanga na mo ti kiri si mo kiri, ngbanga ti so Herode ayeke gi lege ti fâ molenge ni.”

Nzoni Tënë so Luc asu na mbeti 2:9

Mbeni *ange ti *Kota Gbia asi na ala; gonda ti Kota Gbia aza na ndö ti ala si mbeto agbu ala mingi.

Nzoni Tënë so Luc asu na mbeti 24:4

So ala ngba ti gi li ti ala na ndö ti ye so asi so, mo ye ti baa, akoli use asi, ala yu bongo so aza zango.

Awatokua 10:30

Corneille akiri tënë: “Asara lango ota laso, na ngbonga ota ti peko ti bekombite, mbi yeke sambela na ya ti da ti mbi. Mo ye ti baa, mbeni koli so bongo ti tere ti lo aza zango aga aluti na dawa ti mbi;

Awatokua 12:23

Mo ye ti baa, *ange ti *Kota Gbia abi kobela na tere ti Herode, ngbanga ti so lo gonda Nzapa pepe: angusu ate lo si lo kui.

Awatokua 12:6

Kozo titene ndo ahan si Herode afâ ngbanga ti Pierre na le ti azo kue, na bi ni, Pierre ayeke lango na popo ti aturugu use. A kanga lo na zingiri use si a zia aturugu ti bata yanga ti da ni.

Awatokua 12:8

Ange ni atene na lo: “Kanga kamba ti ndö ti bongo ti mo, kanga akamba ti poro ti mo.” Pierre asara ye ni. Ange ni akiri atene: “Yu kota bongo ti mo, mo mu peko ti mbi.”

Awatokua 16:26

Mo ye ti baa, sese ayingi ngangu si ayingi gere ti da ti kanga ni. Gi na ndembe ni, ayanga ti da ni azi si azingiri so a kanga na azo ni kue azi ati na sese.

Awatokua 2:24

Me Nzapa azingo lo na kuâ awe, lo zi lo na ya ti pasi ti kuâ, ngbanga ti so kuâ ayeke na ngangu pepe ti gbanzi lo.

Awatokua 5:19

Me na bi ni, mbeni *ange ti *Kota Gbia azi yanga ti da ti kanga ni, lo mu awatokua ni, lo sigigi na ala si lo tene na ala:

Awatokua 9:3

Saul amu lege ti gue na Damas. So lo ga nduru na gbata ni, mo ye ti baa, mbeni lumiere alondo na nduzu si aza na tere ti lo kue.

Efeze 5:14

ngbanga ti so ye so a fa ni na gigi polele aga ye so ayeke na ya ti lumiere. Ndani laa, a tene: “Mo zingo, mo so mo yeke lango. Mo londo na popo ti akuâ, fade Christ aza lumiere ti lo na ndö ti mo.”

Ahebro 1:14

A-ange ayeke gi ayingo so ayeke sara kua na Nzapa: lo yeke tokua ala titene ala sara nzoni na azo so lo ye ti soo ala.

Aye so Nzapa afa 18:1

Na pekoni, mbi baa mbeni *ange nde so alondo na yayu si ayeke zu. Lo yeke na kota ngangu, tere ti lo aza ahon ndoni si zango ni amu ndö ti sese kue.