Awatokua 12:6 - Mbeti ti Nzapa - Tënë so amu fini

⁶ Kozo titene ndo ahan si Herode afâ ngbanga ti Pierre na le ti azo kue, na bi ni, Pierre ayeke lango na popo ti aturugu use. A kanga lo na zingiri use si a zia aturugu ti bata yanga ti da ni.

Awatokua 12:6 ပူးပေါင်းရင်းမြစ်များ

Tongo nda ti aye 22:14

Abraham adi iri ti ndo ni so “KOTA GBIA ayeke baa lege ti mungo ye na zo.” Ndani laa laso azo ayeke tene: “Na ndö ti hoto laa KOTA GBIA ayeke baa lege ti mungo ye na zo.”

Abia (Psaumes) 4:8

Na ngoi ti fango ale ti kobe, azo ayeke na ngia, ngbanga ti so kobe na vin asi singo. Me ngia so mo zia na be ti mbi ahon ti ala kue.

Jérémie 40:1

Tënë ti *KOTA GBIA asi na Jérémie na peko ti so Nebuzaradan, makonzi ti aturugu ti batango gbia azi Jérémie si lo zia lege na lo ti londo na Rama ti hon. Na ndembe so Nebuzaradan agbu lani Jérémie, andaa a kanga lo na zingiri si lo yeke na popo ti azo ti Jérusalem na ti Juda so kue a gbu ala ti gue na ala na Babilone.

Jérémie 40:4

Gi laso laso, mbi yeke zi azingiri so a kanga maboko ti mo na ni. Tongana mo ye ti ga na peko ti mbi na Babilone, mo lingbi ti ga senge; fade mbi yeke baa ndo na ndö ti mo. Me tongana mo ye ti ga na peko ti mbi na Babilone pepe, mo ngba senge. Mo lingbi ti gue na ndo so kue be ti mo aye na ya ti kodro ni, zo akanga lege na mo pepe. Mo gue na ndo so kue mo baa nzoni na le ti mo.”

Matthieu 28:4

Mbeto agbu aturugu ni si tere ti ala ado mingi, ala ga tongana azo so akui awe.

Awatokua 12:5

Tongaso a bata Pierre na da ti kanga, me azo ti Eglize angba ti sambela Nzapa ngangu ndali ti lo.

Awatokua 21:33

Tongaso kota komanda ti aturugu ni ague nduru na tere ti Paul, lo mu yanga titene ala gbu lo, akanga lo na zingiri use. Na pekoni, lo hunda azo ni, lo tene: “Lo yeke zo wa? Nyen laa lo sara?”

Awatokua 28:20

Ndani laa mbi hunda ti baa ala ti tene tënë na ala, ngbanga ti so mbi ga zo ti kanga ndali ti ye so azo ti Israel azia be ti ala ti ku.”

Awatokua 5:23

“So e si na da ti kanga ni, e baa yanga ni kue akanga nzoni si aturugu ayeke bata ni. Me so e zi yanga ti da ni, e wara zo oko na ya ni pepe!”

Efeze 6:20

Ataa so mbi yeke na da ti kanga, mbi yeke sara kua ti lembe ndali ti Nzoni Tënë. Ala sambela si mbi lingbi ti fa tënë ni na legeni, na mbeto pepe.

Ndia ti fani use ni 32:26

Mbi tene: ‘Mbi leke na be ti mbi ti fâ ala kue ti hunzi ala, mbi ye titene zo akiri adabe ti lo na mara ti ala pepe na ndö ti sese so.

2 Timothée 1:16

Ayeke nzoni *Kota Gbia asara nzoni be ti lo na azo ti sewa ti Onezifore, ngbanga ti so fani mingi, lo mu ngangu na be ti mbi. Kamene ti so mbi yeke na da ti kanga asara lo pepe;

Ahebro 13:6

Ndani laa e lingbi ti tene na mbeto pepe, e tene: “*Kota Gbia laa ayeke mu na mbi maboko, fade mbeto ayeke sara mbi pepe. Nyen laa zo alingbi ti sara na mbi, nyen?”