Awatokua 12:5 - Mbeti ti Nzapa - Tënë so amu fini

⁵ Tongaso a bata Pierre na da ti kanga, me azo ti Eglize angba ti sambela Nzapa ngangu ndali ti lo.

Awatokua 12:5 ပူးပေါင်းရင်းမြစ်များ

Matthieu 18:19

“Mbi kiri mbi tene na ala: tongana azo use na popo ti ala na sese so ama tere ti hunda mbeni ye na lege ti sambela, ataa nyen, fade Babâ ti mbi so ayeke na yayu ayeke mu ye ni na ala.

Nzoni Tënë so Luc asu na mbeti 18:1

Jésus atene na ala mbeni toli ti fa na ala atene, ayeke nzoni ala sambela lakue, be ti ala awoko pepe.

Awatokua 12:12

So lo hinga nda ti ye ni awe, lo gue na da ti Marie, mama ti Jean so mbeni iri ti lo ayeke Marc. Azo mingi abongbi kâ si ala yeke sambela.

Awatokua 12:4

So a gbu Pierre awe si a bi lo na da ti kanga awe, aturugu baleoko na omene akangbi ya ti ala osio osio ti bata lo. Herode aleke na be ti lo ti ga na lo na le ti azo kue ti fâ ngbanga ti lo na peko ti *matanga ti Pake.

Awatokua 12:6

Kozo titene ndo ahan si Herode afâ ngbanga ti Pierre na le ti azo kue, na bi ni, Pierre ayeke lango na popo ti aturugu use. A kanga lo na zingiri use si a zia aturugu ti bata yanga ti da ni.

1 Korente 12:26

Tongana mbeni mbage ti tere oko ayeke baa pasi, atanga ni kue ayeke baa pasi legeoko na lo. Tongana a ne mbeni mbage ti tere oko, fade ayeke ne nga atanga ni kue.

2 Korente 1:11

Ala nga, ala yeke mu maboko na e na lege ti sambela ti ala. Tongaso, fade Nzapa ayeke ma sambela so azo mingi ayeke sambela ndali ti e si lo yeke sara ande nzoni be na e. Ndani laa azo mingi ayeke mu singila na lo ndali ti e.

1 Tesalonike 5:17

ala ngba ti sambela lakue,

Ahebro 13:3

Ala dabe ti ala na azo so ayeke na da ti kanga, ala baa tere ti ala tongana azo so ayeke nga na da ti kanga oko na azo ni. Ala dabe ti ala na azo so a yeke sara sioni na ala, ngbanga ti so ala nga, a-ita, ala yeke na tere tongana ti azo so a yeke sara sioni na ala so.

Jacques 5:16

Ala fa siokpari ti ala na gigi na amba ti ala, ala sambela ndali ti amba ti ala si kobela ti ala akai. Sambela ti zo ti mbirimbiri ayeke na ngangu mingi ti sara ye.