Awatokua 12:4 - Mbeti ti Nzapa - Tënë so amu fini

⁴ So a gbu Pierre awe si a bi lo na da ti kanga awe, aturugu baleoko na omene akangbi ya ti ala osio osio ti bata lo. Herode aleke na be ti lo ti ga na lo na le ti azo kue ti fâ ngbanga ti lo na peko ti *matanga ti Pake.

Awatokua 12:4 ပူးပေါင်းရင်းမြစ်များ

Esther 3:13

Ala mu ambeti ni na azo ti tokua ti gbia si azo ti tokua ni ague na ni na ya ti akodro-sese ni oko oko kue. Tënë ti ya ti mbeti ni ayeke tongaso: “Ala gbu azuife kue, amaseka na akangba, amolenge na awali kue gi na ya ti lango oko; ala fâ azo ni kue ahunzi ala, mbeni oko angba pepe. Ala gbu akungba ti azo ni si aga ti ala. Ala sara ye so kue gi na ya ti lango oko, mbirimbiri na lango baleoko na ota ti nze baleoko na use ni so a iri ni nze ti Adar.”

Sigingo 12:1

Na kodro ti Ezipte, KOTA GBIA atene na Moïse na Aaron:

Amato 19:21

Apialo asi singo na ya ti be ti zo; me ye so KOTA GBIA aleke na be ti lo ti sara, ni laa ayeke si.

Amato 27:1

Pika kate ti mo ndali ti ye ti kekereke pepe, ngbanga ti so ye so ayeke si laso, mo de ti hinga ni pepe.

Abia ti demango tere 3:37

Zo wa laa atene gi tënë si mbeni ye abaa gigi, zo wa? KOTA GBIA laa ayeke mu yanga pepe?

Matthieu 24:9

Tongaso, fade a yeke zia ala na maboko ti ambeni zo titene a sara ngangu na ala; amara kue ayeke ke ala ndali ti mbi.

Matthieu 26:5

Me ala tene: “Alingbi e gbu lo na lango ti matanga pepe, ngbanga ti azo atomboka.”

Marc 14:1

*Matanga ti Pake na ti Mapa so a sara na mama ni pepe angba lango use. Akota wayango-sandaga na awafango-ndia ayeke gi lege ti gbu Jésus na lege ti mbeni mayere titene ala fâ lo.

Nzoni Tënë so Luc asu na mbeti 21:12

Me kozoni si aye so kue asi, fade azo ayeke gbu ala ti sara ngangu na ala, azo ayeke gue na ala na ya ti ada ti sambelango Nzapa, azo ayeke bi ala na da ti kanga; azo ayeke gue na ala na gbe ti agbia nga na gbe ti agovoronere ndali ti iri ti mbi.

Nzoni Tënë so Luc asu na mbeti 22:33

Pierre atene na lo: “*Kota Gbia, ataa na da ti kanga, mbi na mo, e yeke gue; ataa ti kuâ ni, mbi na mo, e yeke kui!”

Jean 19:23

So aturugu akanga Jésus na ndö ti keke ti kroa awe, ala mu abongo ti lo si ala kangbi ya ni osio, zo oko oko na ti lo. Ala mu nga yongoro bongo ti lo so a fu ni fungo pepe, me ti londo na nduzu asi na gbeni, a leke ni gi le ni oko tongana mapia-bongo.

Jean 21:18

Biani, mbi tene na mo taa-tënë: na ndembe so mo de maseka, mo wani laa mo yeke kanga kamba ti ndö ti bongo ti mo si mo yeke gue na ndo so kue be ti mo aye. Me tongana mo ga mbakoro awe, fade mo yeke yoro maboko ti mo si mbeni zo nde ayeke kanga kamba ti ndö ti bongo ti mo si lo yeke gue na mo na ndo so be ti mo aye pepe.”

Awatokua 12:3

So lo baa ye so lo sara anzere na be ti azuife, lo tokua titene a gbu Pierre. Ye so asi na ndembe ti matanga ti Mapa so a sara na mama ni pepe.

Awatokua 12:5

Tongaso a bata Pierre na da ti kanga, me azo ti Eglize angba ti sambela Nzapa ngangu ndali ti lo.

Awatokua 4:28

Tongaso ala sara ye so kue mo leke kozoni na be ti mo na lege ti ngangu ti mo.

Awatokua 4:3

Azo ni agbu ala, azia ala na da ti kanga ti ku na ndaperere, ngbanga ti so lâ akui awe.

Awatokua 5:18

Ala gbu awatokua ni si abi ala na da ti kanga.

Awatokua 8:3

Andaa Saul angba ti lo lakue ti buba *Eglize. Lo yeke li na ya ti ada ti gbu akoli na awali si lo yeke bi ala na da ti kanga.