Awatokua 12:24 - Mbeti ti Nzapa - Tënë so amu fini

²⁴ Me tënë ti Nzapa angba ti mu ndo kue si angba ti gue na nduzu lakue.

Awatokua 12:24 ပူးပေါင်းရင်းမြစ်များ

Amato 28:28

Tongana azo ti sioni asi na kota ndo, azo kue ayeke honde tere ti ala. Tongana azo ti sioni ni akui, azo ti mbirimbiri ayeke ga gbani gbani.

Ésaïe 55:10

Ngu-Nzapa na *neze alondo na le ti nduzu si ayeke ti na sese. Ala yeke kiri na le ti nduzu senge pepe: ala yeke tuku na ndö ti sese, ala yeke sara si sese ni awoko pendere, ala yeke sara si ale ti kobe asigigi. Lege so zo ti lungo kobe ayeke wara ale ti kobe ti lungo ni na kobe ti tengo ni laa.

Daniel 2:24

Na pekoni, Daniel alondo ague na ndo ti Ariok, lo so gbia amu yanga na lo titene lo fâ azo ti nganga ti Babilone so. So Daniel asi awe, lo tene na Ariok, lo tene: “Mo fâ azo ti nganga so ayeke na Babilone pepe! Mo gue na mbi na gbe ti gbia, fade mbi yeke fa na lo nda ti bango-li ti lo ni.”

Daniel 2:44

Na ngoi ti agbia ni, fade Nzapa so ayeke na yayu ayeke sara mbeni kodro so ayeke buba laoko pepe; kodro ni ayeke ti na gbe ti azo ti ambeni mara nde pepe. Fade kodro ni ayeke fâ si ayeke nika ambeni kodro ni kue; gi kodro oko so laa ayeke ngba ti lo lakue lakue.

Matthieu 16:18

Tongaso mbi tene na mo: mo yeke Pierre. Na ndö ti têne so, mbi yeke leke ande *Eglize ti mbi; fade kuâ ayeke na ngangu pepe ti hon ndö ti Eglize ti mbi.

Awatokua 11:21

Ngangu ti Kota Gbia ayeke na ala, nilaa azo mingi ama na be si ala kiri na mbage ti Kota Gbia.

Awatokua 19:20

Nilaa na lege ti ngangu ti Kota Gbia, tënë ti Nzapa asi na ndo kue si ngangu ni ayeke gue guengo na nduzu.

Awatokua 5:39

Me tongana alondo na Nzapa, ala amba ti mbi, ala yeke na ngangu ti kanga lege ni pepe! Ala sara hange si ala tiri bira na Nzapa pepe!” Azo ti fango ngbanga ni aye peko ti tënë ti Gamaliel.

Awatokua 6:7

Tënë ti Nzapa angba ti tambula na ndo kue. Na Jérusalem, wungo ti adisiple ayeke gue na nduzu, gba ti awayango-sandaga ama na be.

Kolose 1:6

Nzoni Tënë asi na popo ti ala, azo ti Kolose. Na ndö ti dunia kue, Nzoni Tënë ni ayeke gue gi na nduzu si azo ayeke baa aye ti peko ni. Ye ni ayeke gi tongaso na popo ti ala, ti londo na ndembe so ala yamba Nzoni Tënë ni si ala hinga taa-tënë na ndö ti lege so Nzapa ayeke sara nzoni be na azo.

2 Tesalonike 3:1

Ti hunzi na ni, a-ita, ala sambela ndali ti e si tënë ti *Kota Gbia angba ti hon na ndo kue si azo agonda tënë ni tongana ti so azo ayeke gonda ni na ndo ti ala, a-ita.