Awatokua 12:23 - Mbeti ti Nzapa - Tënë so amu fini

²³ Mo ye ti baa, *ange ti *Kota Gbia abi kobela na tere ti Herode, ngbanga ti so lo gonda Nzapa pepe: angusu ate lo si lo kui.

Awatokua 12:23 ပူးပေါင်းရင်းမြစ်များ

2 Agbia 19:35

Gi na bi ni, *ange ti *KOTA GBIA asi na ya ti bâbâ ti azo ti Asirii si lo fâ aturugu 185 000. So azo alondo na kota ndaperere, ala baa gi akuâ kue laa ayeke lango na sese so!

2 Mbai 32:21

Tongaso *KOTA GBIA atokua mbeni *ange so afâ ya ti bâbâ ti gbia ti Asirii, akpengba zo ti bira kue, aturugu ti kota kamba, na akota zo ti lo. Gbia ti Asirii ni akiri na kodro ti lo, na kamene na le ti lo. Na pekoni, lo li na ya ti da ti nzapa ti lo si taa amolenge ti lo laa afâ lo na yongoro zeme.

Mbeti ti Job 19:26

Ataa poro ti tere ti mbi abuba kue, ataa tere ti mbi angba senge tongaso, fade mbi yeke baa Nzapa.

Mbeti ti Job 7:5

Tere ti mbi kue gi na angusu nga na le ti ka so akpa fuku ti sese; poro ti tere ti mbi asuru gi na ka, sanzo ayeke sigigi daa.

Abia (Psaumes) 115:1

*KOTA GBIA, e pepe; e laa e lingbi na gonda pepe, me gonda ni alingbi na mo, ndali ti nzoni be ti mo nga ndali ti batango tënë ti yanga ti mo so mo yeke bata.

Sigingo 10:3

Moïse na Aaron ague na ndo ti Faraon si ala tene na lo: “Tënë so KOTA GBIA, Nzapa ti ahebro atene ayeke so: ‘Mo yeke ke ti sara tere ti mo kete na dawa ti mbi ngbii asi lawa? Zia lege na azo ti mbi titene ala gue, avoro mbi.

Sigingo 12:12

“Na bi ni so, fade mbi yeke hon na ya ti kodro ti Ezipte kue. Mbi yeke fâ akozo molenge-koli kue ti azo na ti anyama ti kodro ni. Mbi yeke fâ ngbanga na li ti anzapa kue ti Ezipte. Mbi laa mbi yeke KOTA GBIA.

Sigingo 12:23

Fade KOTA GBIA ayeke hon na ya ti Ezipte kue ti sara ye ti ngangu na kodro ni. Me tongana lo yeke baa mene so ayeke na tere ti akadere ti yanga ti da nga na tere ti kadere ti nduzu, fade lo yeke hon hongo, lo yeke zia lege pepe na kpale ti bubango ndo ti li na ya ti da ti ala ti fâ ala.

Sigingo 12:29

Na be ti bi, KOTA GBIA afâ akozo molenge-koli kue na ya ti kodro ti Ezipte: ti londo na kozo molenge ti gbia Faraon ti koli, lo so lo lingbi fade ti duti gbia na peko ti babâ ti lo, ngbii asi na kozo molenge ti azo so a gbu ala na kodro wande si abi ala na da ti kanga. Lo fâ nga akozo molenge-koli ti anyama.

Sigingo 9:17

Ataa so kue, mo ngba ti kanga lege na azo ti mbi titene ala gue.

Amato 12:8

Azo ayeke gonda zo ndali ti hingango ndo ti lo; me zo so be ti lo asi singo na aye ti kirikiri, azo ayeke baa lo tongana mbumbuse zo.

Ésaïe 14:11

Na lege ti toto ti kundi ti mo, a bi nengo ti mo ti gbia na ndo ti akuâ. Gbogbo ti mo ayeke puru, angusu ayeke balangeti ti mo.

Ésaïe 37:23

Zo wa laa mo zonga lo si mo bi buba na tere ti lo so, zo wa? Zo wa laa mo dekongo na li ti lo si mo baa lo tongana mbumbuse zo so, zo wa? Mo sara ye so na mbi Nzapa ti Israel, mbi so mbi yeke nde si mbi yeke nzoni kue!

Ésaïe 51:8

Fade kangi ayeke te ala tongana ti so lo yeke te bongo, kangi ayeke te ala tongana ti so lo yeke te bongo so a sara na kua ti tere ti taba. Me songo so mbi yeke ga ti soo azo na kuâ ayeke ngba lakue, zingo azo ayeke ngba kpu na kpu.”

Ésaïe 66:24

Na sigingo ti ala, fade ala lingbi ti baa kuâ ti azo so atomboka na tere ti mbi. Angusu so ayeke te ala ayeke kui pepe; wâ so ayeke gbi ala ayeke mingo pepe. Ala yeke ga ye so ayeke sioni mingi ndali ti azo kue.

Ezekiel 28:2

“*Molenge ti zo, tene na makonzi ti Tir, mo tene: Tënë so Kota Gbia NZAPA atene ayeke so: Be ti mo asuku na baba si mo tene: ‘Mbi yeke nzapa, mbi duti na ndö ti mbata ti gbia na popo ti anzapa na be ti kota ngu-ingo.’ Mo tene na be ti mo, mo tene, mo lingbi na nzapa, andaa mo yeke gi senge zo, mo yeke nzapa pepe.

Ezekiel 28:9

Na dawa ti zo so ayeke fâ ande mo, mo lingbi ti tene: ‘Mbi yeke nzapa’? Andaa na gbe ti maboko ti azo so ayeke fâ mo so, mo yeke gi senge zo, mo yeke nzapa lawa!

Awatokua 12:22

Azo ni adekongo, atene: “Zo laa ayeke tene tënë so pepe, mbeni nzapa laa!”

Awatokua 5:19

Me na bi ni, mbeni *ange ti *Kota Gbia azi yanga ti da ti kanga ni, lo mu awatokua ni, lo sigigi na ala si lo tene na ala:

2 Tesalonike 2:4

Zo ti sioni so ayeke londo ti tiri bira na aye so kue azo ayeke baa ni tongana anzapa, na aye so kue azo ayeke voro ni. Lo yeke gue ande ngbii ti duti na ya ti kota da ti Nzapa si lo yeke tene, ni wani laa ni yeke Nzapa.

1 Samuel 25:38

Lango baleoko na pekoni, KOTA GBIA apika Nabal si lo kui.