Awatokua 12:2 - Mbeti ti Nzapa - Tënë so amu fini

² Lo mu yanga si a fâ Jacques, ita ti Jean, na yongoro zeme.

Awatokua 12:2 ပူးပေါင်းရင်းမြစ်များ

1 Agbia 19:1

Akab afa na wali ti lo Yezabel peko ti aye so kue Élie asara; lo fa nga na Yezabel lege so Élie afâ na awayanga ti nzapa *Baal kue.

1 Agbia 19:10

Élie akiri tënë: “KOTA GBIA Nzapa, mo so ngangu ti mo ahon angangu kue, tënë ti mo agbu be ti mbi mingi. Me azo ti Israel azia lege ti *mbuki ti mo awe, ala kungbi na sese agbalaka ti mo si ala fâ awayanga ti mo. Mbi ngba gi mbi oko si azo ayeke gi lege ti fâ mbi.”

Jérémie 26:23

Ala gue, agbu Uria kâ na Ezipte si aga na lo na gbia Yoakim. Yoakim afâ lo; a mu kuâ ti lo si a bi na ya ti du so ayeke ndali ti azo kue.

Matthieu 20:23

Jésus atene na ala: “Biani, fade ala yeke nyon kopo ti mbi ni; me tënë ti dutingo na mbage ti maboko ti mbi ti koli na ti wali, mbi laa mbi yeke mu ni na azo pepe. Ndo ni ayeke ti azo so Babâ ti mbi aleke ni ndali ti ala.”

Marc 10:35

Na pekoni, Jacques na Jean, amolenge ti Zebede aga na tere ti Jésus si ala tene na lo: “Wafango-ye, e ye si mo sara ande na e ye so e yeke hunda na mo.”

Marc 10:38

Me Jésus atene na ala: “Ala hinga ye so ala yeke hunda so pepe. Ala lingbi ti nyon kopo ti pasi so fade mbi yeke nyon, wala ti wara bateme ti pasi so mbi yeke wara so?”

Marc 10:39

Ala kiri tënë na lo: “E lingbi ti nyon ni.” Jésus atene na ala: “Biani, fade ala yeke nyon kopo so mbi yeke nyon si ala yeke wara bateme so mbi yeke wara.

Awatokua 12:1

Na ngoi ni so, gbia Herode ato nda ti sara pasi na ambeni zo ti *Eglize.

Ahebro 11:37

A bo ambeni na têne, a fâ ya ti ambeni use use na sii, a fâ ambeni na yongoro zeme. Ala hinga ndo so ala lingbi ti duti daa pepe si ala hon kirikiri, bongo ti ala ayeke gi poro ti tere ti taba wala ti ngasa. Ye kue atia ala, a sara ala sana si a sara ngangu na ala.