Awatokua 12:17 - Mbeti ti Nzapa - Tënë so amu fini

¹⁷ Lo sara maboko ti lo na ala titene ala kai; lo fa na ala lege so Kota Gbia asara si lo sigigi na da ti kanga. Lo tene: “Ala gue, afa tënë ni na Jacques nga na a-ita.” Na pekoni, lo zia ala si lo hon na mbeni ndo.

Awatokua 12:17 ပူးပေါင်းရင်းမြစ်များ

Abia (Psaumes) 146:7

Azo so asara ngangu na ala, lo yeke fâ ngbanga ti ala na legeni. Lo yeke mu kobe na azo so nzara asara ala, KOTA GBIA ayeke zi azo ti kanga.

Abia (Psaumes) 66:16

Ala so kue ayeke kpe mbeto ti Nzapa, ala ga, ama; fade mbi yeke fa na ala ye so lo sara ndali ti mbi.

Matthieu 10:23

Tongana azo asara ngangu na ala na ya ti mbeni gbata, ayeke nzoni ala kpe ague na ya ti mbeni gbata nde. Mbi tene na ala taa-tënë: kozo titene *Molenge ti Zo akiri, fade ala yeke hunzi kua ti ala na ya ti agbata ti Israel kue pepe.

Marc 6:3

Sarapande so laa pepe? So molenge ti Marie laa pepe? Ita ti Jacques, na Yozes, na Jude na Simon so laa pepe? A-ita ti lo ti wali ayeke na popo ti e ge pepe?” Ye so asara si azo ni ake ti ma na be na lo.

Nzoni Tënë so Luc asu na mbeti 1:22

So Zakarii asigigi, lo lingbi ti tene tënë na ala pepe; ala hinga atene kâ, na ya ti kota da ti Nzapa, lo baa ye na ya ti mbeni ye tongana bango-li. Lo yeke tene tënë na ala gi na maboko, ngbanga ti so lo ga buburu awe.

Jean 10:40

Jésus akiri ague na mbage ti ngu ti Jourdain, na ndo so Jean abatize azo kozoni daa si lo duti kâ.

Jean 11:54

Tongaso Jésus ake ti hon na le ti azuife polele. Lo gboto tere ti lo si lo gue na mbage ti benyama, na mbeni gbata so iri ni Efraim, lo na adisiple ti lo aduti kâ.

Jean 13:24

Simon Pierre asara maboko na lo si atene na lo: “Hunda lo: zo wa laa lo yeke tene tënë ti lo so?”

Jean 7:1

Na pekoni, Jésus atambula na ya ti sese ti Galile; lo ye ti tambula na ya ti sese ti Judée pepe, ngbanga ti so azuife ayeke gi lege ti fâ lo.

Jean 8:59

Ala mu têne ti bo na Jésus, me lo honde tere ti lo si lo sigigi na ya ti kota da ti Nzapa ni, lo hon.

Awatokua 1:15

Mbeni lâ, azo ti Jésus abongbi tere ti ala, li ti ala kue ayeke nduru na ngbangbo oko na baleuse. Pierre alondo na popo ti ala si lo tene:

Awatokua 12:16

Me Pierre angba ti pika yanga ti gbagba ni. Ala zi ni; so ala baa lo, li ti ala kue akpe.

Awatokua 12:18

So ndo ahan awe, aturugu atomboka kirikiri, ala yeke hunda tere ti ala, atene: “Nyen laa asi na Pierre, nyen?”

Awatokua 13:16

Paul alondo, lo sara maboko ti lo si lo tene: “Azo ti Israel na azo so kue ayeke voro Nzapa, ala ma mbi!

Awatokua 15:13

So ala hunzi tënë ti ala awe, Jacques amu tënë si lo tene: “A-ita, ala ma mbi si!

Awatokua 16:40

Paul na Silas asigigi na da ti kanga si ala gue na da ti Lydie. Ala baa a-ita, azo ti Christ ti mu na ala wango so alingbi ti mu ngangu na be ti ala; na pekoni, ala zia ala, amu lege ague.

Awatokua 19:33

Azuife amu Alexandre azia lo na le ti azo, ambeni zo ni afa nda ti tënë ni na lo. Tongaso Alexandre asara maboko ti lo na azo ni titene ala duti kpoo si lo fa na ala nda ti tënë ni.

Awatokua 21:18

Na ndade ni, Paul ague na e na ndo ti Jacques. *Akangba ti *Eglize kue abongbi kâ.

Awatokua 21:40

Kota komanda ti aturugu ni ayeda. Paul aluti na ndö ti eskalie ni si lo sara maboko ti lo na azo ni, azo ni kue akai si ndo ade. Tongaso Paul atene na ala na yanga ti *arameen, atene:

Awatokua 28:15

A-ita, azo ti Christ ti Rome ama tënë ti e, ala ga na lege ti e ngbii asi na Gara-ti-Apius nga na Ada-Ota-ti-Agene. So Paul abaa ala, lo mu singila na Nzapa si be ti lo akiri awara ngangu.

1 Korente 15:7

Na pekoni, lo si na Jacques, na pekoni, lo si na *awatokua kue.

Galasii 1:19

Mbi baa mbeni watokua nde pepe, me zo so mbi baa lo ayeke gi Jacques, ita ti *Kota Gbia.

Galasii 2:12

Kozoni, lo na ambeni zo ti amara nde ayeke te kobe. Me gi na peko ti so ambeni zo alondo na mbage ti Jacques si asi, lo gboto tere ti lo si lo yeke duti nde, lo kiri lo te kobe na ala pepe. Ndali ti so azo ayeke sara ye alingbi na tënë ti ndia ti fango *ganza, mbeto ti ala asara lo.

Galasii 2:9

Jacques, Pierre na Jean, so azo ti Christ abaa ala tongana akota zo, ahinga atene, Nzapa amu kua so na mbi biani. Ndani laa, ala bara mbi na Barnabas ti fa atene, e na ala e yeke na beoko. E ma tere so fade e yeke gue ti e na mbage ti azo ti amara nde, ala yeke gue ti ala na mbage ti azuife.

Jacques 1:1

Mbi Jacques, zo ti kua ti Nzapa na ti *Kota Gbia Jésus Christ; mbi tokua mbeti so na amara baleoko na use ti azuife so akangbi na ya ti akodro nde nde. Mbi bara ala kue.