Awatokua 12:11 - Mbeti ti Nzapa - Tënë so amu fini

¹¹ Na pekoni, li ti Pierre akiri daa si lo tene: “Fadeso, mbi hinga so ye ni ayeke taa-tënë: Kota Gbia atokua ange ti lo si lo zi mbi na maboko ti Herode nga na ya ti asioni ye so kue azuife ayeke ku ti sara.”

Awatokua 12:11 ပူးပေါင်းရင်းမြစ်များ

Tongo nda ti aye 15:13

KOTA GBIA atene na Abram: “Ayeke nzoni mo hinga so ahale ti mo ayeke gue ande ti duti na mbeni kodro so ayeke ti ala pepe. Fade azo ayeke mu ala na ngbaa si azo ni ayeke sara pasi na ala na ya ti ngu ngbangbo osio.

Tongo nda ti aye 18:13

KOTA GBIA atene na Abraham: “Nda ti ngia so Sara ahe so ayeke nyen? Ngbanga ti nyen si lo hunda tere ti lo, lo tene: ‘Mbi so mbi ga mbakoro awe so, mbi lingbi ti du molenge biani?’

Tongo nda ti aye 26:9

Abimelek airi Isaac si atene na lo: “Andaa wali ti mo fade laa! Ngbanga ti nyen si mo tene, lo yeke ita ti mo ti wali so?” Isaac akiri tënë na lo, atene: “Mbi tene tongaso ngbanga ti so mbeto titene mbi kui ndali ti lo agbu mbi.”

2 Samuel 22:1

David ahe bia so na ngoi so *KOTA GBIA azi lo na maboko ti awato ti lo kue, nga na maboko ti Saul,

2 Mbai 16:9

Biani, le ti KOTA GBIA ayeke baa ndo na ndö ti sese kue titene lo mu maboko na azo so azia be ti ala kue na lo. Me ye so mo sara so, mo sara ni tongana zo so li ti lo ayeke daa pepe. Ndani laa, ti fadeso, awato ti mo ayeke ga na bira na tere ti mo.”

Mbeti ti Job 31:31

Azo so kue mbi yamba ala na da ti mbi, atene: “Na ndo ti lo, zo wa laa ate nyama, ya ti lo asi pepe, zo wa?”

Mbeti ti Job 5:19

Fani mingi aye ti ngangu ayeke si na mo, me lo yeke zi mo na ya ni; ti hunzi na ni, lo yeke sara si sioni akiri ti wara mo pepe.

Abia (Psaumes) 109:31

Biani, lo luti na mbage ti maboko ti koli ti zo ti mawa titene lo soo lo na maboko ti azo so aye ti fâ ngbanga na li ti lo.

Abia (Psaumes) 33:18

Me le ti KOTA GBIA ayeke na ndö ti azo so ayeke kpe mbeto ti lo, azo so azia be ti ala ti ku nzoni be ti lo

Abia (Psaumes) 33:19

titene lo soo ala na kuâ si lo bata ala na fini na lango ti kota nzara.

Abia (Psaumes) 34:22

Sioni ti zo ti sioni laa ayeke fâ lo; ti awato ti azo ti mbirimbiri, fade a yeke fâ ngbanga na li ti ala.

Abia (Psaumes) 34:7

Zo ti mawa adekongo, KOTA GBIA ama lo si lo zi lo na ya ti aye ti ngangu kue.

Abia (Psaumes) 41:2

Ti lo nzoni, zo so adabe ti lo na zo so ngangu atia lo! Na lango so ye ti sioni asi na zo ni, *KOTA GBIA ayeke zi lo na ya ni.

Abia (Psaumes) 97:10

Ala so ala ye KOTA GBIA, ala ke ye ti sioni; lo yeke bata fini ti azo ti lo, lo yeke zi ala na maboko ti azo ti sioni.

Daniel 3:25

Gbia akiri atene na ala: “Me mbi baa azo osio so kamba ayeke na tere ti ala pepe, ala yeke tambula taa na be ti wâ; ka oko ayeke na tere ti ala pepe si osio zo ni akpa mbeni nzapa!”

Daniel 3:28

Nabukodonosor amu tënë si atene: “E mu singila na Nzapa ti Shadrak, ti Meshak na ti Abed-Nego! Lo tokua *ange ti lo ti soo azo ti kua ti lo na kuâ. Ala zia be ti ala kue gi na ndö ti lo si ala ke ti ma yanga ti mbi so mbi yeke gbia. Ala yeda ti mu tere ti ala na kuâ, ahon titene ala sara na mbeni nzapa nde si ala voro mbeni nzapa so ayeke Nzapa ti ala pepe.

Daniel 6:22

Daniel akiri tënë na gbia, atene: “Gbia na nduzu!

Nzoni Tënë so Luc asu na mbeti 15:17

Tongaso lo to nda ti gbu li ti lo si lo tene na be ti lo, lo tene: ‘Kobe ti tengo ni asi singo na azo ti kua ti babâ ti mbi si mbi yeke kui nzara ge so!

Awatokua 12:7

Mo ye ti baa, *ange ti *Kota Gbia asi, mbeni ye tongana wâ aza na ya ti kubu so Pierre ayeke daa. Ange ni andu Pierre na kate ti lo, Pierre azingo si ange ni atene na lo: “Londo hio!” Tongaso azingiri ni azi na maboko ti Pierre, ati.

Awatokua 24:27

Na peko ti ngu use, Porsius Festus amu mbata ti govoronere na peko ti Félix. So Félix aye ti ga nzoni na le ti azuife, lo zia Paul angba na da ti kanga.

Awatokua 25:9

Festus aye ti zia ngia na be ti azuife, tongaso lo hunda Paul: “Mo ye ti gue na Jérusalem titene a fâ ngbanga ti mo na le ti mbi kâ?”

Awatokua 5:19

Me na bi ni, mbeni *ange ti *Kota Gbia azi yanga ti da ti kanga ni, lo mu awatokua ni, lo sigigi na ala si lo tene na ala:

Ahebro 1:14

A-ange ayeke gi ayingo so ayeke sara kua na Nzapa: lo yeke tokua ala titene ala sara nzoni na azo so lo ye ti soo ala.

2 Pierre 2:9

so ti tene, *Kota Gbia alingbi ti zi azo so amu tere ti ala kue na lo na ya ti ye ti tarango be si lo yeke bata azo ti kirikiri ti fâ ngbanga na li ti ala na lango ti fango ngbanga.