Awatokua 12:10 - Mbeti ti Nzapa - Tënë so amu fini

¹⁰ Ala hon kozo ndo so aturugu aluti daa, ala hon use ndo ni si na pekoni, ala si na yanga ti da ti sigigi na ya ti gbata ni; a sara yanga ti da ni na wen. Na hongo ti ala, yanga ti da ni azi gi lo oko si ala sigigi. So ala yeke hon na lege, mo ye ti baa, ange ni azia Pierre, ahon ti lo.

Awatokua 12:10 ပူးပေါင်းရင်းမြစ်များ

Tongo nda ti aye 40:3

lo mu yanga titene a bi ala na da ti kanga, na da ti kanga ti makonzi ti aturugu so ayeke bata lo, ndo so a kanga Joseph daa.

Tongo nda ti aye 42:17

Na pekoni, lo bi ala kue na da ti kanga lango ota.

Ésaïe 21:8

Sanziri ni adekongo, atene: “Kota zo, mbi ngba na ndo ti kua ti mbi na kota lâ kue, mbi luti na yanga ti kua ti mbi na bi kue.

Wungo ti azo 15:34

Ala bata lo na mbeni ndo nde, ngbanga ti so ala de ti hinga ye so ala lingbi ti sara na lo pepe.

Jean 20:19

Na lakui ti layenga ni, adisiple abongbi tere ti ala na ya ti mbeni da. Ala kanga yanga ti da ni na ndö ti ala, ngbanga ti so mbeto ti amakonzi ti azuife asara ala. Jésus aga si lo luti na popo ti ala, lo tene na ala: “Siriri aduti na ala!”

Jean 20:26

Yenga oko na pekoni, adisiple akiri abongbi tere ti ala na ya ti da, Thomas ayeke na popo ti ala. Ala kanga yanga ti da ni na kerere, me Jésus aga si lo luti na popo ti ala, lo tene: “Siriri aduti na ala!”

Awatokua 12:4

So a gbu Pierre awe si a bi lo na da ti kanga awe, aturugu baleoko na omene akangbi ya ti ala osio osio ti bata lo. Herode aleke na be ti lo ti ga na lo na le ti azo kue ti fâ ngbanga ti lo na peko ti *matanga ti Pake.

Awatokua 16:26

Mo ye ti baa, sese ayingi ngangu si ayingi gere ti da ti kanga ni. Gi na ndembe ni, ayanga ti da ni azi si azingiri so a kanga na azo ni kue azi ati na sese.

Awatokua 5:19

Me na bi ni, mbeni *ange ti *Kota Gbia azi yanga ti da ti kanga ni, lo mu awatokua ni, lo sigigi na ala si lo tene na ala:

Aye so Nzapa afa 3:7

“Su mbeti so, mo tokua na *ange so ayeke na li ti *Eglize ti gbata ti Filadelfii: “Lo so lo yeke nde si lo yeke nzoni kue, lo so lo yeke tene gi taa-tënë, lo so lo yeke na kerere ti David na maboko ti lo, lo laa lo yeke tene tënë so. Tongana lo zi yanga ti da, mbeni zo alingbi ti kanga ni pepe; tongana lo kanga ni, mbeni zo alingbi ti zi ni pepe.