Awatokua 11:8 - Mbeti ti Nzapa - Tënë so amu fini

⁸ Me mbi tene: ‘Oko pepe, *Kota Gbia! Mbeni *sioni ye wala ye so *Ndia ake tënë ni ali na yanga ti mbi laoko pepe!’

Awatokua 11:8 ပူးပေါင်းရင်းမြစ်များ

Osée 9:3

Fade azo ti Efraim ayeke ngba na ya ti kodro ti *KOTA GBIA pepe; ala yeke kiri na sese ti Ezipte si na sese ti Asirii, ala yeke te kobe so ayeke *sioni.

Awayango-sandaga 10:10

Ala nyon samba pepe, tongaso si ala lingbi ti kangbi popo ti ye so ayeke ti Nzapa na ye so ayeke ti Nzapa pepe, ye so ayeke *nzoni na ye so ayeke *sioni.

Awayango-sandaga 11:47

Ndia so ayeke mu lege na zo ti hinga anyama so ayeke *nzoni na ala so ayeke *sioni; ala so zo alingbi ti te ala na ala so zo alingbi ti te ala pepe.

Marc 7:2

Ala baa so ambeni disiple ti lo ayeke mu *asioni maboko ti ala gi tongaso si ayeke te na kobe; ala sukula ni pepe.

Awatokua 11:7

Na pekoni, mbi ma mbeni go so atene na mbi, atene: ‘Pierre, londo, mo fâ, mo te!’

Awatokua 11:9

Go ni na yayu akiri atene: ‘Ye so Nzapa atene ayeke *nzoni, mo baa ni tongana *sioni ye pepe.’

Rome 14:14

Ti mbi, na lege ti gango so mbi ga oko na *Kota Gbia Jésus, mbi hinga biani so mbeni ye oko so ayeke *sioni ayeke daa pepe. Me tongana mbeni zo abaa mbeni ye tongana *sioni, ye ni ayeke *sioni gi na le ti zo ni.

1 Korente 7:14

Biani, koli so ama na be pepe aga nduru na Nzapa na lege ti wali ti lo si wali so ama na be pepe aga nduru na Nzapa na lege ti koli ti lo. Tongana ye ni ayeke tongaso pepe, ka amolenge ti ala ayeke yongoro na Nzapa; andaa amolenge ni ayeke nduru na lo.