Awatokua 11:3 - Mbeti ti Nzapa - Tënë so amu fini

³ atene: “Mo li na da ti azo so afâ *ganza pepe si mo na ala ate kobe!”

Awatokua 11:3 ပူးပေါင်းရင်းမြစ်များ

Matthieu 9:11

So *afarizien abaa ye ni tongaso, ala tene na adisiple ti lo: “Ngbanga ti nyen si zo so ayeke fa ye na ala ayeke te kobe na azo ti rongo nginza ti lapo nga na azo ti siokpari so?”

Nzoni Tënë so Luc asu na mbeti 15:2

*Afarizien na awafango-ndia ayeke kasa lo, atene: “Koli so ayeke yamba azo ti siokpari si lo na ala ayeke te kobe!”

Jean 18:28

Na ndaperere, ala mu Jésus na ndo ti Kaife, ague na lo na da ti govoronere. Amakonzi ti azuife ali na da ni pepe, ngbanga ti so ala ye ti bata tere ti ala *nzoni si ala lingbi ti te kobe ti *Pake.

Awatokua 10:23

Pierre ahunda na azo ni ti li na ya ti da si lo mu na ala ndo ti lango daa. So ndo ahan awe, Pierre alondo si lo na ala ague. Ambeni ita, azo ti Jésus so ayeke na Zope amu peko ti lo.

Awatokua 10:28

Lo tene na ala: “Ala hinga kue: *Ndia amu lege pepe na zuife ti gue na ndo ti zo ti mbeni mara nde nga ti li na da ti lo. Me ti mbi, Nzapa afa na mbi atene, ayeke nzoni mbi baa mbeni zo tongana zo so ayeke *sioni pepe wala zo so alingbi pepe ti sara beoko na lo.

Awatokua 10:32

Tokua mbeni zo na Zope ti iri Simon, so mbeni iri ti lo ayeke Pierre. Lo yeke gene na da ti Simon so ayeke sara kua ti aporo ti nyama. Da ti lo ayeke na yanga ti kota ngu-ingo.’

Awatokua 10:48

Tongaso lo mu yanga na ala ti wara bateme na iri ti Jésus Christ. Na pekoni, ala hunda na lo titene lo ngba, lo na ala alango kete si.

1 Korente 5:11

Me mbi su mbeti so lani na ala si zo so atene, ni yeke ita ti ala, zo ti Christ si lo yeke gi wali wala koli kirikiri, kota nzara ti warango ye ayeke na be ti lo, lo yeke voro anzapa nde, lo yeke du mvene na li ti amba ti lo, lo yeke ngbaa ti samba, wala lo yeke zo ti nzi, alingbi ala sara songo na lo pepe, ala te nga kobe na mara ti zo tongaso pepe!

Galasii 2:12

Kozoni, lo na ambeni zo ti amara nde ayeke te kobe. Me gi na peko ti so ambeni zo alondo na mbage ti Jacques si asi, lo gboto tere ti lo si lo yeke duti nde, lo kiri lo te kobe na ala pepe. Ndali ti so azo ayeke sara ye alingbi na tënë ti ndia ti fango *ganza, mbeto ti ala asara lo.

2 Jean 1:10

Tongana mbeni zo asi na ala si lo fa mbeni tënë nde, ala yamba lo na da ti ala pepe, ala tene nga na lo pepe: “Nzoni gango!”