Awatokua 11:26 - Mbeti ti Nzapa - Tënë so amu fini

²⁶ So lo wara lo, lo ga na lo na Antioshe. Na ya ti ngu oko kue, ala use asara kua oko na ya ti Eglize ni si ala fa ye na gba ti azo. Kâ na Antioshe laa azo ato nda ti iri adisiple “azo ti Christ”.

Awatokua 11:26 ပူးပေါင်းရင်းမြစ်များ

Ésaïe 65:15

Azo so mbi soro ala ayeke mu iri ti ala, azo ti sioni, ti deba azo na ni; ala yeke tene: ‘Alingbi Kota Gbia NZAPA afâ mo tongana zo tongaso!’ Me ti ala, azo ti kua ti mbi, fade a yeke mu mbeni iri nde na ala.

Matthieu 28:19

Tongaso, ala gue na ndo ti amara kue, ala sara si ala ga adisiple, ala batize ala na iri ti Babâ, ti Molenge na ti Yingo-Vuru;

Jean 2:2

A tisa nga Jésus na adisiple ti lo na matanga ni.

Awatokua 1:15

Mbeni lâ, azo ti Jésus abongbi tere ti ala, li ti ala kue ayeke nduru na ngbangbo oko na baleuse. Pierre alondo na popo ti ala si lo tene:

Awatokua 11:20

Ti ambeni so ayeke azo ti Shipre na ti Sirene, ala gue na Antioshe si ala fa nga na agreke Nzoni Tënë ti *Kota Gbia Jésus.

Awatokua 11:22

Azo ti *Eglize ti Jérusalem ama tënë ti ye so asi, nilaa ala tokua Barnabas na Antioshe.

Awatokua 11:27

Gi na ngoi ni so, ambeni wayanga-Nzapa alondo na Jérusalem aga na Antioshe.

Awatokua 11:29

Tongaso adisiple aleke na be ti ala titene zo oko oko amu ye alingbi na ngangu ti lo ti mu maboko na a-ita, azo ti Christ, so ayeke na Judée.

Awatokua 14:20

Me na ndembe so adisiple abongbi na tere ti lo, lo londo si lo li na ya ti gbata ni. Lango oko na pekoni, lo na Barnabas ague na gbata ti Derbe.

Awatokua 14:22

Na ya ti agbata ni, ala mu ngangu na be ti adisiple, ala mu na ala wango titene ala ngba lakue na lege ti mabe, ala tene nga na azo ni, atene: “Alingbi e baa pasi mingi ti li na *Kodro-gbia ti Nzapa.”

Awatokua 14:23

Paul na Barnabas asoro *akangba si azia ala na li ti *a-Eglize ni oko oko kue. Na peko ti so ala ke kobe si ala sambela, ala zia akangba ni na maboko ti *Kota Gbia, lo so ala ma na be na lo.

Awatokua 14:27

So ala si na Antioshe, ala bongbi azo ti Eglize ni si ala fa na ala peko ti aye so kue Nzapa asara na lege ti ala. Ala fa nga na azo ni lege so Nzapa azi lege na azo ti amara nde ti ma na be.

Awatokua 14:28

Paul na Barnabas aduti na azo ti Christ na ndo so aninga.

Awatokua 18:27

Lo leke be ti lo ti gue na Akayi, nilaa a-ita, azo ti Christ ti Efeze ayeda si ala sara mbeti na adisiple titene ala yamba lo nzoni. So lo si kâ, na lege ti nzoni be ti Nzapa, lo mu maboko mingi na azo so ama na be.

Awatokua 19:9

Me ambeni akpengba be ti ala si ala ke ti yeda na tënë ni. Na le ti azo kue, ala tene asioni tënë na ndö ti lege ti Kota Gbia. Paul akangbi na ala, lo mu adisiple si ala sigigi; na ya ti lango oko oko, lo yeke tene tënë na ala na ya ti da-mbeti ti Tiranos.

Awatokua 20:1

So wusuwusu ni akai awe, Paul airi adisiple si lo tene tënë na ala ti mu ngangu na be ti ala. Na pekoni, lo bara ala si lo mu lege ti gue na Masedoane.

Awatokua 20:30

Na popo ti ala wani nga, fade ambeni ayeke londo ti tene mvene ti handa adisiple mingi ti mu peko ti ala.

Awatokua 21:4

E wara adisiple kâ si e na ala, e duti na ya ti yenga oko. Yingo-Vuru apusu ala ti tene na Paul ti gue na Jérusalem pepe.

Awatokua 26:28

Agripa atene na lo: “Mo baa ti mo, mo tene, mbi yeke ga zo ti Christ gi hio tongaso?”

Awatokua 6:1

Na ya ti alango ni so, wungo ti adisiple ayeke gue na nduzu. Azuife so ayeke tene yanga ti greke ayeke pa ala so ayeke tene yanga ti hebro, ngbanga ti so azuife so ayeke tene yanga ti hebro ayeke girisa awali-mua ti azuife so atene yanga ti greke na ndembe ti kangbingo ye ti lango oko oko.

Awatokua 6:5

Tënë so anzere na be ti azo ni kue si ala soro Étienne so asi singo na mabe nga na Yingo-Vuru, lo na Philippe, Prokor, Nikanor, Timon, Parmenas na Nicolas, zo ti Antioshe si lo yeke bata *Ndia ti Moïse.

Awatokua 9:19

Na peko ti so lo te kobe awe, lo kiri lo wara ngangu. Saul na adisiple so ayeke na Damas aduti kete.

Awatokua 9:38

Gbata ti Zope ayo na gbata ti Lida pepe. So adisiple ti Zope ama a tene, Pierre ayeke na Lida, ala tokua azo use na lo, atene: “Mo ga hio na e ge si!”

1 Korente 11:18

Kozo ye so mbi ye ti tene na ala ayeke so: azo atene na mbi atene, tongana ala yeke bongbi tere ti ala, akangbi ayeke na popo ti ala. Mbi hinga so ayeke mvene kue pepe.

1 Korente 12:12

Tere ti zo ayeke oko, me ambage ti tere ni ayeke mingi. Ataa so ambage ti tere ti zo ayeke mingi, ala kue abongbi aga gi tere oko. Ti Christ, ye ni ayeke nga gi tongaso.

1 Korente 14:23

Tongana azo ti Eglize kue abongbi si azo kue ayeke tene tënë na ambeni yanga nde, tongana ambeni senge zo wala azo so ama na be pepe ali na popo ti ala, fade azo ni ayeke tene, mbeni ye asara li ti ala sarango pepe?

1 Korente 4:17

Ndali ti tënë so, mbi tokua Timothée na ala, molenge ti mbi so mbi ye lo mingi, lo ngba lakue ti mu lege ti Kota Gbia. Fade lo yeke dabe ti ala na lege so mbi mu peko ti Christ na peko ti so mbi ga oko na lo; lo yeke dabe ti ala na aye so mbi yeke fa ni na ndo kue, na ya ti *a-Eglize kue.

Efeze 3:15

lo so lo mu iri na aye so kue ayeke na fini na yayu nga na ndö ti sese.

Jacques 2:7

Gi azo ti mosoro so laa ayeke he nzoni iri so Nzapa azia na ndö ti ala!

1 Pierre 4:14

Ti ala nzoni, tongana azo ayeke zonga ala ndali ti iri ti Christ!Ti ala nzoni, ngbanga ti so Yingo ti gonda, so ti tene Yingo ti Nzapa, ayeke duti na ndö ti ala!

1 Pierre 4:16

Me tongana zo ni abaa pasi ndali ti so lo yeke zo ti Christ, alingbi kamene asara lo pepe; me alingbi lo mu singila na Nzapa ndali ti iri ti Christ so ayeke na ndö ti lo.

1 Jean 2:27

Me ti ala, a-ita, Yingo so Christ amu na ala angba na ya ti ala. Akpa titene mbeni zo akiri afa ye fango na ala pepe, ngbanga ti so Yingo ni ayeke fa na ala ye kue: ye so lo yeke fa ayeke taa-tënë, lo yeke tene mvene pepe. Ndani laa, ayeke nzoni ala ngba ti duti oko na Christ tongana ti so Yingo afa na ala.

Aye so Nzapa afa 3:18

Ndani laa mbi yeke mu wango na mo titene mo vo lôro so a kporo ni na wâ si a zi asioni ye kue daa so; vo ni na maboko ti mbi si mo ga zo ti mosoro. Vo nga abongo na maboko ti mbi titene mo yu si azo abaa tere ti mo so ayeke senge so pepe. Vo yoro ti le na maboko ti mbi, mo zia na le ti mo si mo kiri mo baa ndo nzoni.