Awatokua 11:23 - Mbeti ti Nzapa - Tënë so amu fini

²³ So lo si, lo baa lege so Nzapa asara nzoni be na azo ni. Be ti lo asi na ngia si lo mu wango na ala titene ala kue angba ti mu peko ti Kota Gbia lakue.

Awatokua 11:23 ပူးပေါင်းရင်းမြစ်များ

2 Agbia 18:6

Lo ngba na lege ti KOTA GBIA, lo zia lege ti lo pepe. Lo sara ye alingbi gi na yanga so KOTA GBIA amu na Moïse.

Abia (Psaumes) 17:3

Mo gi ya ti atënë ti be ti mbi awe. Na bi, mo ga ti gi ti hinga mbi nzoni, mo tara be ti mbi, mo wara ye oko pepe; tënë so mbi gbu li ti mbi daa, ni laa asigigi na yanga ti mbi pepe.

Amato 23:15

Molenge ti mbi, tongana mo ga zo ti ndara, fade be ti mbi ayeke duti na ngia.

Amato 23:28

Tongana ti so azo ti nzi ayeke sara, lo nga lo yeke honde tere ti lo ti ku mbeni zo. Lo sara si akoli mingi aga akoli ti handango awali ti ala.

Daniel 1:8

Daniel aleke na be ti lo ti ke ti ga *sioni ndali ti kobe ti gbia nga ndali ti samba ti lo. Tongaso Daniel ahunda na makonzi ti ambaiwa ti gbu lo na ngangu pepe si lo ga *sioni.

Matthieu 16:24

Na pekoni, Jésus atene na adisiple ti lo: “Tongana mbeni zo aye ti mu peko ti mbi, ayeke nzoni lo zia ti gbu li ti lo na ndö ti lo wani, lo yo keke ti kroa ti lo si lo mu peko ti mbi.

Marc 2:5

Jésus abaa mabe ti azo ni si lo tene na zo so mbage ti tere ti lo abuba so, lo tene: “Molenge ti mbi, a zi asiokpari ti mo awe.”

Jean 15:4

Ala duti oko na mbi si mbi nga, mbi duti oko na ala. Maboko ti keke ayeke le ka gi lo oko pepe, lo yeke le gi tongana lo duti na tere ti keke ni. Nilaa ala nga, tongana ala duti oko na mbi pepe, ala lingbi ti le pepe.

Awatokua 13:43

So azo akangbi na peko ti bongbi ni awe, azuife mingi na ambeni zo ti amara nde so ayeke bata ndia ti Moïse amu peko ti Paul na Barnabas. Paul na Barnabas ayeke tene tënë na azo ni si ala yeke mu wango na ala titene ala ngba lakue ti zia be ti ala na ndö ti nzoni be ti Nzapa.

Awatokua 14:22

Na ya ti agbata ni, ala mu ngangu na be ti adisiple, ala mu na ala wango titene ala ngba lakue na lege ti mabe, ala tene nga na azo ni, atene: “Alingbi e baa pasi mingi ti li na *Kodro-gbia ti Nzapa.”

Awatokua 14:26

Ala londo na ndo so, ala mu mangboko ti kiri na Antioshe, na sese ti Sirii. Na ya ti gbata so laa a zia ala lani na maboko ti Nzapa ti nzoni be titene ala sara kua so ala hunzi ni awe so.

Awatokua 15:40

Paul asoro ti lo Silas. Na peko ti so a-ita, azo ti Christ, asambela Kota Gbia ti sara nzoni be na lo, ala hon.

Awatokua 20:24

Me mbi baa so fini ti mbi ayeke senge ye na le ti mbi. Ye so mbi yeke gi lege ni, ayeke ti hunzi kua ti mbi, ti sara ye so kue Kota Gbia Jésus amu na mbi ti sara, so ti tene kua ti fango Nzoni Tënë ti nzoni be ti Nzapa na azo.

Awatokua 20:32

“Fadeso, mbi zia ala na maboko ti Nzapa, mbi zia nga ala titene tënë ti nzoni be ti lo abata ala. Nzapa ayeke na ngangu ti kpengba ala, ti mu na ala anzoni ye so kue lo bata ni ndali ti azo ti lo.

Awatokua 4:36

Mbeni koli ayeke daa so iri ti lo Joseph, awatokua airi lo Barnabas – nda ni atene “wamungo-wango” –, lo yeke mbeni zo ti mara ti Lévi si a du lo na Shipre.

Rome 12:8

Zo so ayeke na matabisi ti mungo wango, alingbi lo mu wango. Zo so ayeke mu ye na azo, alingbi lo mu ni na vurungo be. Zo so ayeke na li ti bongbi, alingbi lo mu be ti lo kue na kua ni. Zo so ayeke mu maboko na azo ti mawa, alingbi lo sara ni na nzerengo be.

1 Korente 15:58

Tongaso, a-ita ti mbi so mbi ye ala mingi, ala luti ngangu, ye ayingi ala pepe! Ala ngba lakue na sarango kua ti Kota Gbia. Ayeke nzoni, ala hinga atene, kua so ala yeke sara na Kota Gbia, peko ni ayeke ngba senge pepe.

2 Korente 1:17

So mbi leke na be ti mbi tënë ti tambula so, mbi mu tënë ni tongana tënë ti ngia? Wala aye so mbi leke na be ti mbi ti sara so, mbi leke ni na lege ti anzara ti be ti mbi si gi mbi oko so, mbeni be ti mbi atene: “een” si mbeni be ti mbi atene: “ên-en”?

2 Korente 6:1

So e na Nzapa e yeke sara kua oko so, e voro ala, e tene: “Nzoni be so Nzapa asara na ala, ala zia ni angba senge pepe.”

Ndia ti fani use ni 10:20

Alingbi ala kpe mbeto ti KOTA GBIA Nzapa ti ala, ala voro lo, ala ngba gi na tere ti lo, ala deba yanga ti ala gi na iri ti lo.

Ndia ti fani use ni 30:20

Ala ye KOTA GBIA Nzapa ti ala, ala ma yanga ti lo, ala ngba gi na tere ti lo. Lo laa lo yeke mu fini na ala, lo yeke sara si gigi ti ala ague, ayo si ala duti na sese so KOTA GBIA adeba yanga ti lo ti mu na akotara ti ala Abraham, Isaac na Jacob.

Kolose 1:6

Nzoni Tënë asi na popo ti ala, azo ti Kolose. Na ndö ti dunia kue, Nzoni Tënë ni ayeke gue gi na nduzu si azo ayeke baa aye ti peko ni. Ye ni ayeke gi tongaso na popo ti ala, ti londo na ndembe so ala yamba Nzoni Tënë ni si ala hinga taa-tënë na ndö ti lege so Nzapa ayeke sara nzoni be na azo.

2 Timothée 3:10

Me ti mo, mo mu lani peko ti mbi na lege ti aye so: fango ye ti mbi, dutingo ti mbi, aye so mbi leke na be ti mbi ti sarango ni, mabe ti mbi, kangango be ti mbi ti ku ye, ndoye ti mbi, kangango be ti mbi

Josué 22:5

Me gi ye oko, ala gi lege ti sara ye alingbi na *Ndia nga na yanga so Moïse, zo ti kua ti KOTA GBIA, amu lani na ala: ala ye KOTA GBIA, Nzapa ti ala, ala sara aye so kue lo hunda na ala, ala sara ye alingbi na atënë ti yanga ti lo, ala ngba na tere ti lo, ala sara kua na lo na be ti ala kue, na ngangu ti ala kue.”

Josué 23:8

Ala ngba gi na tere ti KOTA GBIA, Nzapa ti ala tongana ti so ala sara ngbii asi laso so.

1 Pierre 5:12

Silas so mbi baa lo tongana ita so mbi lingbi ti zia be ti mbi na ndö ti lo, lo laa lo mu na mbi maboko ti su nduru mbeti so ti tokua ni na ala. Mbi tokua mbeti so na ala ti mu wango na ala, ti fa nga na ala ye so ayeke taa-tënë: taa nzoni be ti Nzapa laa ala ngba daa so.

1 Jean 2:28

Tongaso, amolenge ti mbi, ala ngba ti duti oko na Christ, tongaso si na lango ti gango ti lo, be ti e ado pepe, e duti yongoro na lo pepe si kamene agbu e na lango ni so pepe.

3 Jean 1:4

Tongana mbi ma a tene, amolenge ti mbi ayeke sara ye na lege ti taa-tënë, mbeni ye ti zia ngia na be ti mbi ti hon so ayeke daa pepe.

Jude 1:4

Biani, ambeni zo ti sioni ali na popo ti ala na hondengo ni; azo ni ayeke buba ya ti tënë ti nzoni be ti Nzapa ti e ti mu lege na ala wani ti sara aye ti potopoto ti ala. Ala ke tënë ti Jésus Christ, lo so lo yeke oko Makonzi ti e na *Kota Gbia ti e. Mbeti ti Nzapa atene tënë ti ngbanga so a fâ na li ti azo ni, ngbene ye aninga awe.