Awatokua 11:20 - Mbeti ti Nzapa - Tënë so amu fini

²⁰ Ti ambeni so ayeke azo ti Shipre na ti Sirene, ala gue na Antioshe si ala fa nga na agreke Nzoni Tënë ti *Kota Gbia Jésus.

Awatokua 11:20 ပူးပေါင်းရင်းမြစ်များ

Matthieu 27:32

So ala yeke sigigi na ya ti gbata ni, ala tengbi na mbeni koli ti Sirene so iri ti lo ayeke Simon. Ala gbu lo na ngangu titene lo yo keke ti kroa ti Jésus.

Jean 7:35

Azuife ahunda tere ti ala, atene: “Lo yeke gue ande na ndo wa si e wara lo pepe so? Lo ye ti gue na ndo ti azuife so akangbi tere ti ala na ya ti akodro ti agreke so? Lo yeke gue kâ ti fa ye na agreke ni?

Awatokua 11:19

Na peko ti kuâ ti Étienne, a yeke sara ngangu na azo ti Jésus si ala kangbi kirikiri. Ambeni ague na Fenisii, ambeni na Shipre, ambeni na Antioshe; me ala yeke fa tënë gi na azuife.

Awatokua 11:22

Azo ti *Eglize ti Jérusalem ama tënë ti ye so asi, nilaa ala tokua Barnabas na Antioshe.

Awatokua 11:26

So lo wara lo, lo ga na lo na Antioshe. Na ya ti ngu oko kue, ala use asara kua oko na ya ti Eglize ni si ala fa ye na gba ti azo. Kâ na Antioshe laa azo ato nda ti iri adisiple “azo ti Christ”.

Awatokua 11:27

Gi na ngoi ni so, ambeni wayanga-Nzapa alondo na Jérusalem aga na Antioshe.

Awatokua 13:1

Na *Eglize ti Antioshe, *awayanga-Nzapa na awafango-ye ayeke daa: Barnabas, Siméon so a iri lo Zo-vuko, Lusius ti kodro ti Sirene, Manaen so lo na kota komanda Herode akono oko, na Saul.

Awatokua 14:26

Ala londo na ndo so, ala mu mangboko ti kiri na Antioshe, na sese ti Sirii. Na ya ti gbata so laa a zia ala lani na maboko ti Nzapa ti nzoni be titene ala sara kua so ala hunzi ni awe so.

Awatokua 15:22

Tongaso *awatokua na *akangba, ala na azo ti *Eglize ni kue ama tere ti soro ambeni zo na popo ti ala ti tokua ala na Antioshe, ala na Paul na Barnabas. Ala soro Judas so mbeni iri ti lo Barsabas, lo na Silas. A-ita, azo ti Christ, ane azo use so mingi.

Awatokua 15:23

Ala mu na ala mbeti so na ya ni ala tene: “E, awatokua na akangba so e yeke a-ita ti ala, e bara ala a-ita ti e, azo ti Christ, so ayeke azo ti amara nde si ala yeke na Antioshe, na sese ti Sirii na ti Silisii.

Awatokua 15:30

Azo ti tokua ni azia azo ni si ala gue na Antioshe. Kâ, ala bongbi azo ti Christ kue si amu mbeti ni na ala.

Awatokua 17:18

Ambeni wafango-ye so ayeke a-epikurien na astoisien ato nda ti tene tënë na lo. Ambeni atene: “Tënë ti nyen laa sakpa-tënë so ayeke tene so?” Ambeni atene: “Lo kpa zo ti fango tënë ti anzapa nde.” Ala tene tongaso, ngbanga ti so Paul ayeke tene tënë ti Jésus na tënë ti zingongo ti akuâ.

Awatokua 18:22

So Paul asi na Sezare, lo gue kozoni na Jérusalem ti bara azo ti *Eglize ni. Na pekoni, lo gue na Antioshe ti sese ti Sirii.

Awatokua 2:10

na Frizii, na Panfilii, na Ezipte, na akodro ti Libii, nduru na Sirene; ambeni alondo na Rome si asara kodro ge;

Awatokua 4:36

Mbeni koli ayeke daa so iri ti lo Joseph, awatokua airi lo Barnabas – nda ni atene “wamungo-wango” –, lo yeke mbeni zo ti mara ti Lévi si a du lo na Shipre.

Awatokua 5:42

Na ya ti lango oko oko, na ya ti kota da ti Nzapa nga na ya ti ada ti azo, ala yeke fa ye na azo, ala yeke fa Nzoni Tënë ti Jésus so ayeke *Mesii.

Awatokua 6:1

Na ya ti alango ni so, wungo ti adisiple ayeke gue na nduzu. Azuife so ayeke tene yanga ti greke ayeke pa ala so ayeke tene yanga ti hebro, ngbanga ti so azuife so ayeke tene yanga ti hebro ayeke girisa awali-mua ti azuife so atene yanga ti greke na ndembe ti kangbingo ye ti lango oko oko.

Awatokua 6:5

Tënë so anzere na be ti azo ni kue si ala soro Étienne so asi singo na mabe nga na Yingo-Vuru, lo na Philippe, Prokor, Nikanor, Timon, Parmenas na Nicolas, zo ti Antioshe si lo yeke bata *Ndia ti Moïse.

Awatokua 6:9

Ambeni zo alondo ti *bingbi tënë na Étienne. Ala yeke azo ti da ti sambelango Nzapa so a iri ni “Da ti Sambelango Nzapa ti azo so asigigi na gbe ti ngbaa”, ala na azo ti Sirene, ti Aleksandrii, ti Silisii na ti Azii.

Awatokua 8:35

Philippe amu tënë; na ndö ti kamba ti mbeti ti Ésaïe so, lo to nda ti fa Nzoni Tënë ti Jésus na lo.

Awatokua 8:5

Philippe ague na ya ti mbeni gbata ti Samarii si lo fa tënë ti Christ kâ.

Awatokua 9:20

Gi hio na pekoni, lo gue na ya ti ada ti sambelango Nzapa si lo to nda ti fa tënë atene, Jésus ayeke Molenge ti Nzapa.

Awatokua 9:29

Lo tene tënë na azuife so ayeke tene yanga ti greke si lo na ala ayeke *bingbi tënë; me ala gi lege ti fâ lo.

1 Korente 2:2

Biani, so mbi yeke na popo ti ala, mbi ye ti hinga mbeni ye nde pepe, gi Jésus Christ oko, Jésus Christ so a fâ lo na ndö ti keke ti kroa.

Galasii 2:11

Me na ndembe so Pierre asi na Antioshe, mbi ke tënë na le ti lo polele, ndali ti so lo sara ye na legeni pepe.

Efeze 3:8

Na popo ti azo ti Nzapa kue, mbi laa mbi yeke kete zo ahon atanga ni kue, me Nzapa amu na mbi lege ti fa Nzoni Tënë na azo ti amara nde, so ti tene gba ti anzoni ye ti Christ so zo agi li ti lo na nda ni gbaa.