Awatokua 11:1 - Mbeti ti Nzapa - Tënë so amu fini

¹ *Awatokua na a-ita, azo ti Jésus so ayeke na Judée ama a tene, azo ti amara nde nga ayeda na tënë ti Nzapa.

Awatokua 11:1 ပူးပေါင်းရင်းမြစ်များ

Tongo nda ti aye 49:10

Mbata ti gbia ayeke ngba lakue na ya ti sewa ti Juda. *Ahale ti lo ayeke ngba lakue na komandema, ngbii taa wa ti komandema ni asi. Lo laa azo ti mara kue ayeke ma yanga ti lo.

Abia (Psaumes) 22:27

Fade mbi yeke tisa azo so ye atia ala: ala yeke te ye, ya ti ala asi. Azo so ayeke gi KOTA GBIA, ayeke nzoni ala gonda lo, ala te gigi aninga, ala duti nzoni na ndö ti gigi ni!

Ésaïe 11:10

Na lango ni so, lo so ayeke molenge ti Yese ayeke ga bendere ndali ti azo ti sese. Amara nde ayeke gi lo; ndo so lo yeke duti daa, gonda ti Nzapa ayeke mu ni kue.

Ésaïe 32:15

Mbeni lâ, fade *KOTA GBIA ayeke tokua yingo ti lo na ndö ti e. Tongaso, benyama ayeke ga yaka so a lu akeke so a yeke te lengo ni si yaka ni ayeke ga mbeni gbako.

Ésaïe 42:1

*KOTA GBIA atene: “Baa, zo ti kua ti mbi laa, lo so mbi gbu lo na maboko ti lo, lo so mbi soro lo, mbi wara ngia na lege ti lo. Mbi zia Yingo ti mbi na ndö ti lo, fade lo yeke sara si sarango ye ti mbirimbiri abaa gigi ndali ti amara nde.

Ésaïe 42:6

“Mbi KOTA GBIA laa mbi iri mo na lege ti mbirimbiri. Mbi gbu mo na maboko ti mo, mbi bata mo si mbi zia mo titene na lege ti mo, mbi na azo e ga *ambuki; mbi zia mo titene mo duti lumiere ti amara kue.

Ésaïe 49:6

Lo tene na mbi: “Titene mo ga gi zo ti kua ti mbi ti yo azo ti mara ti Jacob na nduzu, ti mu tanga ti azo ti Israel so angba na fini ti ga na ala, so alingbi pepe. Mbi yeke sara titene mo ga lumiere ti amara kue, tongaso si mbi yeke soo azo na kuâ ngbii asi na nda ti sese kue.”

Ésaïe 52:10

Na le ti amara nde kue, KOTA GBIA amu lege na maboko ti lo ti sara kua ti lo so ayeke nde si ayeke nzoni kue. Fade azo ti nda ti sese kue ayeke baa lege so Nzapa ti e ayeke soo e na kuâ.

Ésaïe 60:3

Tongaso azo ti amara nde ayeke gue na mbage ti lumiere ti mo si agbia ayeke gue nga na mbage ti mo ndali ti vurungo ndo ti mo so ato nda ni.

Ésaïe 62:2

Fade amara nde ayeke baa so a zi mo polele, agbia kue ayeke baa gonda ti mo. A yeke mu fini iri na mo, KOTA GBIA laa ayeke di iri ni.

Jérémie 16:19

*KOTA GBIA, mo yeke ngangu ti mbi, mo yeke tongana ngangu gbagba na tere ti mbi, mo yeke ndo so mbi kpe daa ti bata tere ti mbi na ngoi ti ye ti ngangu. Fade amara nde ayeke londo na nda ti sese kue ti ga na mbage ti mo. Ala yeke tene: “Ye so akotara ti e awara ti ga ye ti ala, ye ni ayeke gi ye ti mvene; mbeni senge buba ye so alingbi ti sara kua oko pepe.

Osée 2:23

Na lango ni so, fade mbi yeke sara ye so a hunda na mbi, so tënë ti yanga ti KOTA GBIA laa. Fade mbi yeke sara ye so le ti nduzu ayeke ku na mbage ti mbi si le ti nduzu ayeke sara ye so sese ayeke ku na mbage ti lo.

Mishe 5:7

Azo ti Israel so ayeke ngba na fini na popo ti amara gbani gbani, ayeke ga tongana bamara na popo ti anyama ti ngonda, tongana kete bamara na popo ti ataba. Na hongo ti lo na popo ti ala, lo yeke do ala na gere ti lo si lo yeke suru ya ti ala; zo oko alingbi ti zi ala na maboko ti lo pepe.

Sofonii 2:11

Fade KOTA GBIA ayeke zia kota mbeto na be ti ala, lo yeke hunzi anzapa ti sese kue. Tongaso, ataa amara so kue ayeke na yongoro ndo, ala yeke kuku akpo li ti ala na sese na dawa ti lo, zo oko oko na kodro ti lo.

Sofonii 3:9

“Tongaso, fade mbi yeke ndu poro ti yanga ti amara titene aga *nzoni si ala kue alingbi ti di iri ti mbi *KOTA GBIA, ala kue ayeke sara kua ti mbi na be oko.

Zakarii 2:11

He, ala azo ti *Sion, ala londo, ala kpe, ala so aduti kâ na Babilone so!”

Malashii 1:11

Biani, ti londo na To ngbii asi na Do, amara nde ahinga so mbi yeke kota. Na ndo kue, azo ayeke zö dukani na mbi, ala yeke ga na asandaga so ayeke *nzoni. Biani, amara nde ahinga so mbi yeke kota. Tënë so KOTA GBIA so ayeke na ndö ti dunia kue atene laa.

Matthieu 2:1

A du Jésus na Betlehem, mbeni gbata ti sese ti Judée, na ngoi ti gbia Herode. Na pekoni, azo ti gingo nda ti atongoro alondo na mbage ti To, ala si na Jérusalem.

Matthieu 8:11

Mbi tene na ala so fade azo mingi ayeke londo na mbage ti To, ambeni ayeke londo na mbage ti Do ti ga ti duti na ya ti matanga ti tengo kobe na *Kodro-gbia ti yayu, ala na Abraham, Isaac na Jacob.

Marc 16:5

Ala li na ya ti du ti kuâ ni, ala baa mbeni maseka-koli so aduti na mbage ti maboko ti ala ti koli, lo yu yongoro vuru bongo; mbeto asara ala.

Nzoni Tënë so Luc asu na mbeti 2:32

Lo yeke lumiere so ayeke fa mo na azo ti amara kue; lo yeke gonda ti azo ti Israel so ayeke azo ti mo.”

Awatokua 1:15

Mbeni lâ, azo ti Jésus abongbi tere ti ala, li ti ala kue ayeke nduru na ngbangbo oko na baleuse. Pierre alondo na popo ti ala si lo tene:

Awatokua 11:29

Tongaso adisiple aleke na be ti ala titene zo oko oko amu ye alingbi na ngangu ti lo ti mu maboko na a-ita, azo ti Christ, so ayeke na Judée.

Awatokua 14:27

So ala si na Antioshe, ala bongbi azo ti Eglize ni si ala fa na ala peko ti aye so kue Nzapa asara na lege ti ala. Ala fa nga na azo ni lege so Nzapa azi lege na azo ti amara nde ti ma na be.

Awatokua 15:3

Azo ti Eglize ni amu aye na ala ndali ti lege. So ala yeke hon na ya ti sese ti Fenisii na ti Samarii, ala yeke fa na azo lege so azo ti amara nde akiri na mbage ti Nzapa. Tënë ni amu ngia na be ti a-ita, azo ti Christ kue.

Awatokua 28:15

A-ita, azo ti Christ ti Rome ama tënë ti e, ala ga na lege ti e ngbii asi na Gara-ti-Apius nga na Ada-Ota-ti-Agene. So Paul abaa ala, lo mu singila na Nzapa si be ti lo akiri awara ngangu.