Awatokua 10:4 - Mbeti ti Nzapa - Tënë so amu fini

⁴ Le ti Corneille angba gi na ndö ti ange ni; mbeto asara lo si lo tene: “Nyen, *Kota Gbia?” Ange ni akiri tënë na lo: “Asambela ti mo na aye ti nzoni so mo sara na azo ti mawa so, Nzapa aye tënë ni, be ti lo agirisa na ni pepe.

Awatokua 10:4 ပူးပေါင်းရင်းမြစ်များ

2 Mbai 32:24

Na ngoi ni so, tere ti Ezekias aso nduru na kuâ. Lo sambela *KOTA GBIA si KOTA GBIA akiri tënë na lo na lege ti mbeni ye so afa atene, fade kobela ti lo ayeke kai.

2 Mbai 6:33

mo so mo yeke na yayu kâ, na ndo so mo yeke duti daa, ayeke nzoni mo ma sambela ti wande so si ye so kue lo hunda na mo, mo mu ni na lo. Tongaso, fade azo kue ti ndö ti sese so ayeke hinga mo, ala yeke kpe mbeto ti mo tongana ti so azo ti Israel, azo ti mo, ayeke kpe mbeto ti mo; azo ni ayeke hinga nga atene, da so mbi sara so, a di iri ti mo na ndö ni.

Abia (Psaumes) 141:2

Ayeke nzoni sambela ti mbi aga tongana dukani so guru ni ayeke ma na nduzu na dawa ti mo; maboko ti mbi so mbi yoro na nduzu aga tongana *sandaga ti lakui.

Abia (Psaumes) 20:3

So lo yeke na ya ti kota da ti lo, ayeke nzoni lo mu na mo maboko. So lo yeke na gbata ti *Sion, ayeke nzoni lo mu na mo ngangu.

Ésaïe 43:26

Dabe ti mbi na sioni so mo baa mbi sara si e kue legeoko, e gue na ngbanga! Mo wani, mo fa oko na oko so tënë ti mo ayeke legeni.

Ésaïe 45:19

Mbi tene tënë na hondengo ni pepe, na mbeni ndo na sese so avuko vukongo. Mbi tene na *ahale ti Jacob pepe, mbi tene: Ala gi mbi na ndo so angba senge! Mbi KOTA GBIA, mbi yeke tene tënë ti ye so ayeke mbirimbiri, mbi yeke tene tënë ti ye so ayeke na legeni.”

Daniel 10:11

Zo ni atene na mbi, atene: ‘Daniel, mo so Nzapa aye mo mingi: mo ma ya ti tënë so nzoni. Mo luti na nduzu mbirimbiri, ngbanga ti so a tokua mbi fadeso na mo.’ Gi so lo tene tënë so na mbi, mbi luti na nduzu, tere ti mbi ayeke do.

Awayango-sandaga 2:2

Na pekoni, lo gue na sandaga ni na awayango-sandaga, amolenge ti Aaron. Mbeni wayango-sandaga oko ayeke mu mbeni farini asi ya ti maboko ti lo, farini so a tuku mafuta daa si a zia dukani daa so, lo zö ni na ndö ti gbalaka; a iri sandaga ni sandaga ti dango be. So ayeke sandaga so a gbi ni kue na wâ titene fion ni anzere na KOTA GBIA.

Malashii 3:16

Tongaso azo so ayeke kpe mbeto ti KOTA GBIA atene tënë na popo ti ala. KOTA GBIA adingi mê ti lo si lo ma tënë so ala yeke tene so. Nilaa na dawa ti lo, a su na ya ti mbeni mbeti iri ti azo so ayeke kpe mbeto ti lo si ala yeke voro lo.

Matthieu 26:13

Mbi tene na ala taa-tënë: na ndo so kue a yeke fa ande Nzoni Tënë so daa, na ndö ti dunia kue, azo ayeke fa tënë ti ye so wali so asara si azo ayeke dabe ti ala na lo.”

Nzoni Tënë so Luc asu na mbeti 1:29

So Marie ama tënë so, be ti lo ado; lo gbu li ti lo na ndö ti barango ndo ni so.

Nzoni Tënë so Luc asu na mbeti 24:5

Mbeto agbu awali ni, ala bi le ti ala na sese si akoli use so atene na ala: “Ngbanga ti nyen si ala yeke gi zo so ayeke na fini na popo ti akuâ?

Awatokua 10:31

lo tene na mbi: ‘Corneille! Nzapa ama sambela ti mo awe. Anzoni ye so mo sara na azo ti mawa, be ti lo agirisa na ni pepe.

Awatokua 14:9

Mbeni lâ, lo yeke ma tënë so Paul ayeke fa. Paul abaa ndo na le ti koli ni si lo baa so koli ni ayeke na mabe titene tere ti lo aga nzoni.

Awatokua 22:10

Mbi hunda ndo, mbi tene: ‘Kota Gbia, fade mbi sara nyen?’ Kota Gbia atene na mbi: ‘Londo, mo gue na Damas. Kâ, fade a yeke fa na mo ye so kue Nzapa amu yanga titene mo sara.’

Awatokua 3:4

Ala baa le ti lo ngbii si Pierre atene na lo: “Baa e si!”

Filipe 4:18

Na ndembe so, mbi wara aye so alingbi na mbi awe; mbi kiri mbi wara ahon ndoni. Mbi yeke na ye mingi na peko ti so Epafrodite aga na aye so ala tokua na mbi so. Aye so ala tokua so ayeke tongana yombo so afun nzoni, ayeke nga tongana *sandaga so Nzapa aye tënë ni si anzere na be ti lo.

Filipe 4:6

Ala gi be ti ala ndali ti mbeni ye oko pepe, me na ya ti ye kue, ala fa na Nzapa ye so ala ye, na lege ti sambela, na vorongo tere nga na mungo singila na lo.

Ahebro 13:16

Ala girisa ti sara nzoni be na azo pepe, ala girisa ti mu maboko na amba ti ala na popo ti ala pepe; amara ti asandaga tongaso laa anzere na be ti Nzapa.

Ahebro 6:10

Biani, Nzapa ayeke kirikiri pepe. Yengo so ala ye ando lo na ni nga na sarango nzoni so ala yeke sara na a-ita ti ala, azo ti Nzapa si ala ngba daa laso so, fade Nzapa ayeke girisa ni pepe.

Aye so Nzapa afa 8:4

Guru ti dukani so abongbi na sambela ti azo ti Nzapa ni kue alondo na maboko ti ange ni ague na nduzu na dawa ti Nzapa.

1 Samuel 3:10

KOTA GBIA aga aluti; lo iri ndo tongana ti kozo, lo tene: “Samuel, Samuel!” Samuel ayeda, atene: “Tene tënë, mbi zo ti kua ti mo mbi ma.”