Awatokua 10:38 - Mbeti ti Nzapa - Tënë so amu fini

³⁸ Ala hinga tënë ti Jésus, zo ti Nazaret, ala hinga lege so Nzapa asoro lo si lo sara si Yingo-Vuru na ngangu aga na ndö ti lo. Nzapa ayeke na lo, nilaa lo tambula na ndo kue, lo sara aye ti nzoni si lo kai akobela na tere ti azo so kue ayeke na gbe ti Zabolo.

Awatokua 10:38 ပူးပေါင်းရင်းမြစ်များ

2 Mbai 17:9

Ala mu mbeti ti *Ndia ti KOTA GBIA si ala gue na ni. Ala tambula na ya ti agbata ti Juda kue si ala fa ye na azo ti kodro ni.

Abia (Psaumes) 2:2

Agbia ti sese alondo ti tiri bira; amakonzi ti akodro ama tere ti ke *KOTA GBIA, lo na zo ti lo so lo zia lo gbia so.

Abia (Psaumes) 2:6

si lo tene: “Mbi wani laa mbi zia gbia ti mbi na ndö ti hoto ti *Sion, hoto ti mbi so ayeke nde si ayeke nzoni kue.”

Abia (Psaumes) 45:7

Gbia, mbata ti mo ti gbia ayeke tongana ti Nzapa, ayeke ngba lakue lakue. Na ya ti kodro-gbia ti mo, mo yeke sara komandema na legeni.

Ésaïe 11:2

Fade yingo ti *KOTA GBIA ayeke duti na ndö ti lo: yingo ti ndara na ti hingango popo ti nzoni na sioni, yingo ti mungo wango na ti ngangu, yingo ti hingango ndo na ti kpengo mbeto ti KOTA GBIA.

Ésaïe 42:1

*KOTA GBIA atene: “Baa, zo ti kua ti mbi laa, lo so mbi gbu lo na maboko ti lo, lo so mbi soro lo, mbi wara ngia na lege ti lo. Mbi zia Yingo ti mbi na ndö ti lo, fade lo yeke sara si sarango ye ti mbirimbiri abaa gigi ndali ti amara nde.

Matthieu 12:15

So Jésus ama tënë ti ye so ala ye ti sara na lo, lo londo na ndo so si lo hon. Gba ti azo amu peko ti lo, lo kai kobela ti ala kue.

Matthieu 12:28

Me tongana mbi yeke tumba asioni yingo na ngangu ti Yingo ti Nzapa, andaa *Kodro-gbia ti Nzapa asi na ala awe.

Matthieu 9:19

Tongaso, Jésus na adisiple ti lo alondo si ala mu peko ti koli so.

Matthieu 9:35

Jésus atambula na ya ti agbata kue, na akete kodro; lo fa ye na ya ti ada ti sambelango Nzapa ti azo ni, lo fa Nzoni Tënë ti *Kodro-gbia ti yayu, lo kai kobela na tere ti azo si ala so mbage ti tere ti ala abuba, lo sara si aga nzoni.

Marc 6:6

Li ti lo akpe ngbanga ti so azo ni ake ti ma na be. Na pekoni, Jésus ague ti fa ye na azo na ya ti akete kodro so ayeke na tere ti Nazaret.

Nzoni Tënë so Luc asu na mbeti 3:22

Yingo-Vuru azu na ndö ti lo tongana *mbipa. Mbeni go alondo na yayu, atene: “Mo yeke Molenge ti mbi so mbi ye mo mingi, be ti mbi anzere na mo mingi.”

Nzoni Tënë so Luc asu na mbeti 4:18

“Yingo ti *Kota Gbia ayeke na ndö ti mbi, ngbanga ti so lo tuku mafuta na li ti mbi si lo tokua mbi ti fa Nzoni Tënë na azo ti mawa. Lo tokua mbi ti tene na azo ti kanga so a zi ala awe, ti tene na awaziba so le ti ala ayeke zi, ti zi azo na ya ti pasi ti ala,

Nzoni Tënë so Luc asu na mbeti 9:42

So molenge ni asi, sioni yingo ni abi lo na sese si ayeke yingi lo ngangu. Me Jésus asuku ngangu na sioni yingo ni; lo sara si tere ti molenge ni akiri aga nzoni si lo kiri na lo na babâ ti lo.

Nzoni Tënë so Luc asu na mbeti 9:56

si ala gue na mbeni kodro nde.

Jean 10:32

Lo hunda ala, lo tene: “Na dawa ti ala, mbi sara anzoni ye mingi so alondo na Babâ. Ti so wa laa ala ye ti bo mbi na têne ngbanga ni so?”

Jean 16:32

Baa, ngbonga ayeke ga si ngbonga ni alingbi awe so ala kue ayeke kangbi kirikiri, zo oko oko ayeke hon ti zia gi mbi oko. Me mbi yeke gi mbi oko pepe, ngbanga ti so Babâ ayeke na mbi.

Jean 3:2

Lo ga lo baa Jésus na bi si lo tene na lo: “Wafango-ye, e hinga so Nzapa laa atokua mo ti fa ye na e, ngbanga ti so, tongana Nzapa ayeke na zo pepe, zo ni alingbi ti sara aye ti kpene so mo yeke sara so pepe.”

Jean 3:34

Zo so Nzapa atokua lo, lo yeke tene gi atënë ti Nzapa, ngbanga ti so Nzapa amu Yingo ti lo ahon ndoni na zo ni.

Jean 6:27

Ayeke nzoni ala sara kua ndali ti kobe so ayeke buba pepe, me ndali ti kobe so ayeke ngba si ayeke mu na zo fini so angba lakue lakue. *Molenge ti Zo laa ayeke mu ande na ala kobe ni so, ngbanga ti so Babâ, lo so lo yeke Nzapa wani laa amu na lo ngangu ni.”

Awatokua 10:37

Ala hinga tënë ti aye so asi na sese ti Judée kue; aye ni ato nda ni na sese ti Galile, na peko ti bateme so Jean afa tënë ni.

Awatokua 2:22

“Azo ti Israel, ala ma tënë so! Jésus, zo ti Nazaret ayeke mbeni zo so Nzapa afa na le ti ala so ni laa ni tokua lo. Nilaa Nzapa asara akota ye, na aye ti dongo be na aye ti kpene na lege ti lo. Ala wani, ala baa aye ni, ngbanga ti so aye ni kue asi gi na popo ti ala.

Ahebro 1:9

Mo ye gi ye ti mbirimbiri si mo ke ye ti sioni. Ndani laa Nzapa, Nzapa ti mo asoro mo na popo ti amba ti mo si atuku mafuta ti matanga na li ti mo.”

1 Pierre 5:8

Le ti ala akpengba, ala lango pepe! Zabolo, wato ti ala, ayeke ngoro na tere ti ala tongana bamara so ayeke toto si ayeke gi mbeni zo ti te.

1 Jean 2:20

Ti ala, a-ita, ala wara Yingo-Vuru so Christ amu na ala si ala kue ahinga taa-tënë awe.

1 Jean 3:8

Zo so ayeke sara siokpari, lo yeke zo ti Zabolo, ngbanga ti so Zabolo ayeke sara siokpari, ngbene ye na tongo nda ni. Molenge ti Nzapa aga mbirimbiri ti buba aye so Zabolo ayeke sara.