Awatokua 10:34 - Mbeti ti Nzapa - Tënë so amu fini

³⁴ Tongaso Pierre amu tënë si lo tene: “Taa-tënë, mbi hinga fadeso mbi tene, Nzapa ayeke gonda zo ndali ti le ti zo ni pepe.

Awatokua 10:34 ပူးပေါင်းရင်းမြစ်များ

2 Mbai 19:7

Fadeso, ala kpe mbeto ti KOTA GBIA; ala sara hange na ye so kue ala yeke sara, ngbanga ti so KOTA GBIA, Nzapa ti e aye ye ti kirikiri pepe, lo yeke mu mbage ti mbeni zo pepe, lo ye tënë ti petengo goro pepe.”

Mbeti ti Job 34:19

Nzapa laa ayeke mu mbage ti amakonzi pepe, lo yeke yamba zo ti mosoro nzoni ahon wayere pepe, ngbanga ti so lo laa lo sara ala use kue.

Matthieu 22:16

Ala tokua ambeni disiple ti ala na ambeni zo ti kama poroso ti Herode ti tene na Jésus: “Wafango-ye, e hinga so mo yeke tene gi taa-tënë, mo yeke fa taa-tënë na ndö ti lege ti sarango ye so Nzapa aye; mo yeke sara kamene ti le ti zo pepe, ataa zo ni ayeke na kota ndo.

Matthieu 5:2

si lo to nda ti fango ye na ala, lo tene:

Nzoni Tënë so Luc asu na mbeti 20:21

Ala hunda lo, atene: “Wafango-ye, e hinga so mo yeke tene tënë si mo yeke fa ye gi na legeni mbirimbiri; mo yeke mu mbage ti zo oko pepe, me mo yeke fa mbirimbiri lege ti sarango ye so Nzapa aye.

Awatokua 10:33

Nilaa mbi tokua azo hio ti iri mo si mo sara nzoni be, mo ga so. Fadeso, e kue, e yeke ge na dawa ti Nzapa, e yeke ku ti ma tënë so Kota Gbia amu yanga na mo ti tene na e.”

Awatokua 15:9

Na le ti lo, e na ala kue, e yeke gi oko. Lo sukula be ti ala, ngbanga ti so ala ma na be.

Awatokua 8:35

Philippe amu tënë; na ndö ti kamba ti mbeti ti Ésaïe so, lo to nda ti fa Nzoni Tënë ti Jésus na lo.

Rome 2:11

Biani, Nzapa ayeke mu mbage ti mbeni zo pepe.

Rome 3:29

Wala Nzapa ayeke gi Nzapa ti azuife awe? Lo yeke nga Nzapa ti azo ti mara nde pepe? Biani, lo yeke nga Nzapa ti azo ti amara nde,

Galasii 2:6

Ambeni zo ayeke daa so a baa ala tongana akota zo. – Ataa ala yeke lani kota wala ala yeke kota pepe, ngbanga ti mbi ayeke daa pepe, Nzapa ayeke gonda zo ndali ti le ti zo ni pepe. – Akota zo so agbu mbi na ngangu pepe titene mbi sara mbeni ye nde.

Efeze 6:9

Ala awa ti angbaa, ala sara nga tongaso na angbaa ti ala; ala zia ti suku na ala. Ayeke nzoni ala hinga atene, ala na angbaa ti ala kue, ala yeke amolenge ti Kota Gbia so ayeke na yayu; lo yeke mu mbage ti mbeni zo pepe.

Ndia ti fani use ni 1:17

Tongana ala yeke fâ ngbanga, ayeke nzoni ala mu mbage ti mbeni zo pepe. Ataa senge zo, ataa kota zo, ala ma tënë ti lo nzoni. Ala sara mbeto ti zo oko pepe, ngbanga ti so fango ngbanga alondo na Nzapa. Tongana mbeni tënë akara ala, ala ga na ni na mbi si mbi lingbi ti gi nda ni.”

Ndia ti fani use ni 10:17

Biani, KOTA GBIA Nzapa ti ala ayeke kota mingi, lo hon anzapa kue, lo yeke Kota Gbia mingi lo hon agbia kue; lo yeke kota, lo yeke ngangu mingi si lo yeke zia mbeto na be ti zo. Lo yeke mu mbage ti mbeni zo pepe, zo alingbi ti pete goro na lo pepe.

Ndia ti fani use ni 16:19

Ala buba ya ti ngbanga pepe! Tongana ala yeke fâ ngbanga, alingbi ala mu mbage ti mbeni zo pepe; ala yeda titene azo apete na ala goro pepe, ngbanga ti so goro ayeke vuko le ti zo ti ndara si ayeke buba ya ti tënë ti zo ti mbirimbiri.

Kolose 3:11

Nilaa greke wala zuife ayeke daa mbeni pepe, zo so afâ *ganza wala zo so afâ ganza pepe, zo ti amara nde wala basanzi, ngbaa wala zo so ayeke ngbaa pepe ayeke daa mbeni pepe; me kota ye ni ayeke so: Christ ayeke ye kue si lo yeke na be ti azo ti lo kue.

Kolose 3:25

Zo so asara ye ti sioni, fade lo yeke wara futa ti peko ti sioni ti lo, ngbanga ti so Nzapa ayeke mu mbage ti mbeni zo pepe.

Jacques 2:1

A-ita ti mbi, ala ma na be awe na *Kota Gbia ti e Jésus Christ so e yeke gonda lo. Tongaso, ala ne ambeni zo ahon ambeni pepe.

Jacques 2:4

So ala sara tongaso so, ala ne mbeni zo ahon mbeni pepe? Ala yeke na sioni tënë na be ti ala si ala yeke fâ na ngbanga pepe?

Jacques 2:9

Me tongana ala ne ambeni zo ahon ambeni, andaa ala sara siokpari awe. Ndia apika kate ti ala, ngbanga ti so ala sara ye so ndia ake ni.

1 Pierre 1:17

Nzapa ayeke fâ ngbanga na li ti zo alingbi na ye so lo sara, lo yeke mu mbage ti mbeni zo pepe. Tongaso, a-ita, tongana ala yeke sambela si ala iri Nzapa atene “Babâ”, ala duti na mbeto ti lo na ngoi so ala yeke na dunia so.